«Գնացքը դեռ չի գնացել». Իրանը պատրաստ է միջուկային գործարքը վերսկսել

Սաիդ Խաթիբզադե - Sputnik Արմենիա, 1920, 20.06.2022
Բաժանորդագրվեք
Yandex newsTelegram
Թեհրանում զգուշացրել են, որ Իրանի դեմ լրացուցիչ սահմանափակումները միայն կվատացնեն ԳՀՀԾ–ի շուրջ ստեղծված իրադրությունը։
ԵՐԵՎԱՆ, 20 հունիսի – Sputnik. Գործողությունների համատեղ համապարփակ ծրագրի (ԳՀՀԾ) գործողության վերսկսումը դեռ հնարավոր է։ Այս մասին հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն:
«Չնայած ամերիկյան խախտումներին և Թրամփի (ԱՄՆ նախկին նախագահ Դոնալդ Թրամփ) մոտեցման շարունակությանը, «գնացքը դեռ չի գնացել»»,- ինչպես փոխանցում է Tasnim–ը` ասել է Խաթիբզադեն:
Ինչպես նշել է իրանցի դիվանագետը, միջուկային գործարքին վերադառնալու Թեհրանի պայմանն այն է, որ ԱՄՆ–ն բոլոր պատժամիջոցները վերացնի, և բանակցությունների միջոցով վերադառնան խնդիրների լուծմանը:
Նրա խոսքով՝ Իրանի դեմ լրացուցիչ սահմանափակումները միայն կվատացնեն ԳՀՀԾ-ի շուրջ ստեղծված իրադրությունը:
Դրա հետ մեկտեղ, Իրանի ԱԳՆ պաշտոնական ներկայացուցիչը նշել է, որ Թեհրանը պատրաստ է պայմանավորվածությունների կնքմանը, դրա համար կան բոլոր հիմքերը:
2015 թվականին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ն, Ֆրանսիան և Իրանը միջուկային գործարք կնքեցին` Համատեղ համապարփակ գործողությունների ծրագիր, որը պատժամիջոցների չեղարկում էր ենթադրում Իրանի միջուկային ծրագրի սահմանափակման դիմաց։
ՌԴ-ի և Իրանի ԱԳ նախարարները քննարկել են միջուկային գործարքի, Ուկրաինայի խնդիրները
2018 թվականի մայիսին ԱՄՆ այն ժամանակվա նախագահ Դոնալդ Թրամփը որոշում կայացրեց դուրս գալ Համատեղ համապարփակ գործողությունների ծրագրից և վերականգնել պատժամիջոցները Թեհրանի նկատմամբ։ Ի պատասխան, Իրանը հայտարարեց համաձայնագրի շրջանակում փուլ առ փուլ իր պարտավորությունների կրճատման մասին` հրաժարվելով սահմանափակումներից միջուկային ուսումնասիրությունների, ցենտրիֆուգների և ուրանի հարստացման մակարդակի հարցում։
Լրահոս
0