https://arm.sputniknews.ru/20220620/shatery-vakhenum-en-vor-chen-hascni-stanal-gazabaloni-teghadrman-vkajagir-arkadi-sargsjan-43841462.html
Շատերը վախենում են, որ չեն հասցնի գազաբալոնի տեղադրման վկայագիր ստանալ. Արկադի Սարգսյան
Շատերը վախենում են, որ չեն հասցնի գազաբալոնի տեղադրման վկայագիր ստանալ. Արկադի Սարգսյան
Sputnik Արմենիա
«Գազմաստեր» ՍՊԸ տնօրեն Արկադի Սարգսյանը Sputnik Արմենիայի հետ զրույցում անդրադարձել է գազաբալոնների վկայագրման գործընթացին։ 20.06.2022, Sputnik Արմենիա
2022-06-20T19:55+0400
2022-06-20T19:55+0400
2022-06-20T21:17+0400
ռադիո
գազ
գազաբալոն
լիցենզիա
հայաստան
պոդկաստ
https://cdn.am.sputniknews.ru/img/07e6/06/14/43840943_0:320:3073:2048_1920x0_80_0_0_ad84668b724590e04980297d238c0edd.jpg
Սարգսյան. Շատերը վախենում են, որ չեն հասցնի մինչև օգոստոսի 1-ը ստանալ գազաբալոնի տեղադրման վկայագիր
Sputnik Արմենիա
Սարգսյան. Շատերը վախենում են, որ չեն հասցնի մինչև օգոստոսի 1-ը ստանալ գազաբալոնի տեղադրման վկայագիր
Միայն լիցենզավորված կազմակերպությունների կողմից տեղադրված ու վկայագրված գազաբալոններին առնչվող որոշումը միանգամայն ճիշտ է, քանի որ արդեն մարտ ամսից գազաբալոններն ինտենսիվորեն փորձարկվում են, և կան բազմաթիվ բալոններ, որ նույնիսկ վարորդները չգիտեն դրանց ժամկետանց լինելու մասին, Sputnik Արմենիայի հետ զրույցում ասաց «Գազմաստեր» ՍՊԸ տնօրեն Արկադի Սարգսյանը։«Շարժի առումով մարդիկ շատ ակտիվ են, նույնիսկ մտախավություն ունեն, որ կարող է չհասցնեն մինչև օգոստոսի մեկը ստանալ գազաբալոնի տեղադրման արտոնագիր։ Մեր լաբորատորիան աշխատում է հերթի տակ։ Շաբաթվա կտրվածքով ստուգում և վկայագրում ենք մոտ 200–300 գազաբալոն»,– ասաց Սարգսյանը։Նրա հավաստմամբ` նույնիսկ խիտ աշխատանքային գրաֆիկի պայմաններում մասնագետներն աշխատում են չափազանց ուշադիր` հետևելով բոլոր նորմերին, հետևաբար բոլոր գազաբալոնները լաբորատորիայից դուրս են գալիս ամբողջովին ստուգված։Սարգսյանի խոսքով` իրենց կազմակերպությունը ստացել է ինչպես գազաբալոններ տեղադրելու, տեխզննում անցկացնելու, գազաբալոնները պարբերաբար փորձաքննության ենթարկելու, այնպես էլ դրանք արտոնագրելու իրավունք։ Նրա վկայությամբ` ստուգումները ցույց են տալիս, որ 20 գազաբալոնից առնվազն մեկը ժամկետանց է։«Վարորդներն այժմ շատ ուշադիր են, ավելի լրջորեն են մոտենում անվտանգության խնդրին, դիմում են լիցենզավորված կազմակերպություններին, որոնք իրենց հերթին աշխատում են հարմար գնային քաղաքականությամբ, իսկ սպասարկումը տատանվում է 10-15 հազար դրամի սահմաններում։ Չեմ կարծում, որ իրար կխանգարենք, առավել ևս, որ 15 կազմակերպությունը Հայաստանի համար բավականին քիչ է»,– ասաց Սարգսյանը։ Չփորձաքննված գազաբալոններով ավտոմեքենաները օգոստոսի 1-ից գազալցակայաններում չեն լիցքավորվիՆրա կարծիքով` դժվար թե կազմակերպություններից մեկ–երկուսը փորձեն մենաշնորհել ոլորտը, որովհետև բոլորն էլ բաց են աշխատում և յուրաքանչյուրն ունի իր հաճախորդների շրջանակը։Հիշեցնենք, որ Հայաստանում օգոստոսի 1-ից չեն լիցքավորվի տրանսպորտային միջոցների այն գազաբալոնները, որոնք տեղադրված կամ վկայագրված չեն լինի լիցենզավորված կազմակերպության կողմից։ Այդ մասին տեղեկացնում է ՀՀ տարածքային կառավարման և ենթակառուցվածքների նախարարությունը:Երևանում և մարզերում այս պահին գործում է 15 լիցենզավորված կազմակերպություն:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
գազ, գազաբալոն, լիցենզիա, հայաստան, պոդկաստ, аудио
գազ, գազաբալոն, լիցենզիա, հայաստան, պոդկաստ, аудио
Շատերը վախենում են, որ չեն հասցնի գազաբալոնի տեղադրման վկայագիր ստանալ. Արկադի Սարգսյան
19:55 20.06.2022 (Թարմացված է: 21:17 20.06.2022) «Գազմաստեր» ՍՊԸ տնօրեն Արկադի Սարգսյանը Sputnik Արմենիայի հետ զրույցում անդրադարձել է գազաբալոնների վկայագրման գործընթացին։
Միայն լիցենզավորված կազմակերպությունների կողմից տեղադրված ու վկայագրված գազաբալոններին առնչվող որոշումը միանգամայն ճիշտ է, քանի որ արդեն մարտ ամսից գազաբալոններն ինտենսիվորեն փորձարկվում են, և կան բազմաթիվ բալոններ, որ նույնիսկ վարորդները չգիտեն դրանց ժամկետանց լինելու մասին,
Sputnik Արմենիայի հետ զրույցում ասաց «Գազմաստեր» ՍՊԸ տնօրեն Արկադի Սարգսյանը։
«Շարժի առումով մարդիկ շատ ակտիվ են, նույնիսկ մտախավություն ունեն, որ կարող է չհասցնեն մինչև օգոստոսի մեկը ստանալ գազաբալոնի տեղադրման արտոնագիր։ Մեր լաբորատորիան աշխատում է հերթի տակ։ Շաբաթվա կտրվածքով ստուգում և վկայագրում ենք մոտ 200–300 գազաբալոն»,– ասաց Սարգսյանը։
Նրա հավաստմամբ` նույնիսկ խիտ աշխատանքային գրաֆիկի պայմաններում մասնագետներն աշխատում են չափազանց ուշադիր` հետևելով բոլոր նորմերին, հետևաբար բոլոր գազաբալոնները լաբորատորիայից դուրս են գալիս ամբողջովին ստուգված։
«Իսկ թե կլինեն դեռ անբարեխիղճ վարորդներ, ովքեր կփորձեն շրջանցել օրենքը, պարզ կլինի օգոստոսի 1-ից հետո և այն հանգամանքից, թե ինչպես պատկան մարմինները կիրականացնեն վերահսկողություն և ինչպես կվերաբերվեն պատահական ավտոտնակներում գազաբալոններ տեղադրողներին։ Եթե պատշաճ վերահսկողություն չլինի, կշարունակվի այնպես, ինչպես եղել է նախկինում»,– ասաց «Գազմաստեր» ընկերության տնօրենը։
Սարգսյանի խոսքով` իրենց կազմակերպությունը ստացել է ինչպես գազաբալոններ տեղադրելու, տեխզննում անցկացնելու, գազաբալոնները պարբերաբար փորձաքննության ենթարկելու, այնպես էլ դրանք արտոնագրելու իրավունք։ Նրա վկայությամբ` ստուգումները ցույց են տալիս, որ 20 գազաբալոնից առնվազն մեկը ժամկետանց է։
«Վարորդներն այժմ շատ ուշադիր են, ավելի լրջորեն են մոտենում անվտանգության խնդրին, դիմում են լիցենզավորված կազմակերպություններին, որոնք իրենց հերթին աշխատում են հարմար գնային քաղաքականությամբ, իսկ սպասարկումը տատանվում է 10-15 հազար դրամի սահմաններում։ Չեմ կարծում, որ իրար կխանգարենք, առավել ևս, որ 15 կազմակերպությունը Հայաստանի համար բավականին քիչ է»,– ասաց Սարգսյանը։
Նրա կարծիքով` դժվար թե կազմակերպություններից մեկ–երկուսը փորձեն մենաշնորհել ոլորտը, որովհետև բոլորն էլ բաց են աշխատում և յուրաքանչյուրն ունի իր հաճախորդների շրջանակը։
Հիշեցնենք, որ Հայաստանում օգոստոսի 1-ից չեն լիցքավորվի տրանսպորտային միջոցների այն գազաբալոնները, որոնք տեղադրված կամ վկայագրված չեն լինի լիցենզավորված կազմակերպության կողմից։ Այդ մասին տեղեկացնում է ՀՀ տարածքային կառավարման և ենթակառուցվածքների նախարարությունը:
Երևանում և մարզերում այս պահին գործում է 15 լիցենզավորված կազմակերպություն:
