Նրանք պաշտպանում են ՌԴ-ի ինքնիշխան զարգացման իրավունքը. Պուտինը` ԶՈւ-ն ամրապնդելու մասին

© Sputnik / Алексей Даничев / Անցնել ֆոտոբանկՎլադիմիր Պուտին
Վլադիմիր Պուտին - Sputnik Արմենիա, 1920, 21.06.2022
Վլադիմիր Պուտին
Բաժանորդագրվեք
Yandex newsTelegram
Վլադիմիր Պուտինը վստահեցրել է` Ռուսաստանը կշարունակի զարգացնել զինված ուժերը՝ հաշվի առնելով հնարավոր ռազմական սպառնալիքներն ու ռիսկերը։
ԵՐԵՎԱՆ, 21 հունիսի – Sputnik. ՌԴ զինվորականները պաշտպանում են Ռուսաստանի ինքնիշխան զարգացման իրավունքը, նրանք իսկական հերոսների պես ուս ուսի կռվում են՝ անկախ ազգությունից։ Այս հայտարարությունն արել է ՌԴ նախագահ Վլադիմիր Պուտինը՝ երկրի բարձրագույն ռազմաուսումնական հաստատությունների շրջանավարտներին շնորհավորելով ուսման ավարտի կապակցությամբ։
«Ռուսաստանի այսօրվա սպաներն ու զինվորները, հաղթողների սերնդի ժառանգները, Մեծ հայրենականի հերոսների թոռներն ու ծոռները անձնուրաց կռվում են հայրենիքի համար։ Մեր ժողովրդի համար։ Սիրիայում պայքարում են միջազգային ահաբեկիչների դեմ։ Պաշտպանում են Դոնբասը նեոնացիստներից։ Պաշտպանում են մեր ժողովրդի խաղաղությունը, անվտանգությունը, Ռուսաստանի ինքնիշխան զարգացման իրավունքը», - ասել է Պուտինը։
Չի դիտարկվել. Պեսկովը` հատուկ գործողություններում ՀԱՊԿ ուժեր ներգրավելու մասին
Նա նշել է, որ Ռուսաստանն անցնում է փորձությունների հերթական փուլով, կան սահմանափակումներ, բայց դրանք կհաղթահարվեն:
Ռուսաստանի առաջնորդը վստահություն է հայտնել, որ ռազմական ոլորտի կատարելագործումը օգտակար կլինի բանակի և նավատորմի համար:
«Կասկած չկա, որ մենք ավելի ուժեղ ենք լինելու», - հայտարարել է նա:
Պուտինը հավաստիացրել է, որ Ռուսաստանը կշարունակի զարգացնել, ամրապնդել բանակը։
«Մենք շարունակելու ենք զարգացնել, ամրապնդել մեր զինված ուժերը՝ հաշվի առնելով հնարավոր ռազմական սպառնալիքներն ու ռիսկերը, ժամանակակից զինված հակամարտությունների դասերի հիման վրա կատարելագործելու ենք մարտական կազմը», - ասել է ՌԴ նախագահը:
Իշխանությունը շարունակելու է բանակը վերազինել նոր համակարգերի սպառազինությամբ։
«Առաջնային ուղղությունների թվում է սպառազինության նոր համակարգերով համալրումը, որոնք կորոշեն բանակի և նավատորմի մարտունակությունը առաջիկա տարիներին և տասնամյակներում», - ասել է նա:
Դրա հետ մեկտեղ, Պուտինի կարծիքով, հենց սպայական կազմից է ուղղակիորեն կախված ՌԴ պաշտպանունակության ամրապնդման արդյունավետությունը:
Այս համատեքստում ՌԴ նախագահը զինվորական բուհերի շրջանավարտներին կոչ է արել լինել ուշադիր, խոհուն` ծառայության վայրում աստիճանաբար յուրացնելով իրողությունները:
Ուկրաինային ԵՄ-ի թեկնածուի կարգավիճակի համար մահվան են մղում
Լրահոս
0