Ստամբուլում քառակողմ հանդիպում կկայանա հացահատիկային խնդիրը քննարկելու համար

© Sputnik / Aram NersesyanՀացահատիկ
Հացահատիկ - Sputnik Արմենիա, 1920, 21.06.2022
Հացահատիկ
Բաժանորդագրվեք
Yandex newsTelegram
Մոսկովյան հանդիպումից հետո հացահատիկի թեման կքննարկվի Ստամբուլում։ Այդ հանդիպմանը կմասնակցեն նաև ՄԱԿ–ի գլխավոր քարտուղարն ու Թուրքիայի նախագահը:
ԵՐԵՎԱՆ, 21 հունիսի – Sputnik. Եկող շաբաթ Թուրքիայի, Ռուսաստանի, Ուկրաինայի ու ՄԱԿ–ի ներկայացուցիչների միջև քառակողմ հանդիպում կկայանա, որի ընթացքում կքննարկվի հացահատիկի հարցը, իսկ մինչ այդ սպասվում է թուրքական ռազմական պատվիրակության այցը Մոսկվա: Տեղեկությունը հայտնում է թուրքական «Hürriyet» թերթը:
Ավելի վաղ հայտնի էր դարձել, որ Թուրքիայի նախագահ Ռեջեփ Թայիփ Էրդողանը հացահատիկն Ուկրաինայից արտահանելու խնդիրը քննարկել է ՄԱԿ-ի գլխավոր քարտուղար Անտոնիո Գուտերեշի ու Մեծ Բրիտանիայի վարչապետ Բորիս Ջոնսոնի հետ: Էրդողանը նշել էր, որ Անկարան շարունակում է ջանքեր գործադրել այդ հարցը լուծելու համար։
Թուրքիան, ՌԴ–ն և Ուկրաինան հացահատիկի խնդիրը կարգավորելու համար կապի միջոց են ստեղծել
Ըստ թերթի` Ստամբուլի հանդիպման հիմքում կլինեն մոսկովյան քննարկումների արդյունքները։ Քառակողմ հանդիպմանը կմասնակցեն ՄԱԿ–ի գլխավոր քարտուղարն ու Թուրքիայի նախագահը:
Աղբյուրը չի նշում` Ռուսաստանի և Ուկրաինայի ղեկավարները ևս ներկա կլինեն հանդիպմանը, թե ոչ:
Ըստ թերթի` Թուրքիայի առաջարկած մեխանիզմով Ուկրաինայի հացահատիկի տեղափոխման համար կստեղծվի 3 անվտանգության միջանցք, որոնց անվտանգությունը կապահովեն Ուկրաինայի անվտանգության ուժերը` Օդեսայի նավահանգստից հացահատիկը տեղափոխելու համար:
Ռուսական նավերի համար էլ միակ խնդիրը, ըստ աղբյուրի, արևմտյան շուկա գնալու համար նավերի ապահովագրության հարցն է: Ռուսաստանն անվտանգության երաշխիք է պահանջել, ու համաձայնություն է ձեռք բերվել. ամերիկացիներն ասել են, որ ապահովագրության հարցում ոչ մի բարդություն չի լինի:
Թուրքական աղբյուրի համաձայն` հանդիպմանը համաձայնություն ձեռք բերելուց 1 ամիս հետո նավերը կսկսեն տեղափոխել հացահատիկը: Սպասվում է, որ 6-8 ամսվա ընթացքում Բոսֆորի ու Դարդանելի նեղուցներով պետք է 35-40 մլն տոննա հացահատիկ անցկացվի դեպի տարբեր երկրներ, իսկ այս պահին Ուկրաինայում և Ռուսաստանում մոտ 20-ական մլն տոննա հացահատիկ կա:
ՄԱԿ–ում բազմիցս հայտարարել են, որ հացահատիկի պակասուրդի պատճառով պարենային ճգնաժամի սպառնալիք է հասունացել, Արևմուտքը մեղադրում է Ռուսաստանին համաշխարհային շուկա ուկրաինական հացահատիկի մատակարարումները խոչընդոտելու հարցում։ Մոսկվան կտրականապես հերքում է մեղադրանքները։
ՌԴ նախագահ Վլադիմիր Պուտինն էլ հայտարարել է, որ Ուկրաինայից հացահատիկն արտահանելու խնդիրներ չկան, և Ռուսաստանը որևէ կերպ չի խոչընդոտում։ Նրա խոսքով` եթե Ուկրաինան ականազերծի նավահանգիստները, հացահատիկով բեռնված նավերը կկարողանան այնտեղից դուրս գալ առանց որևէ խնդրի։
Լրահոս
0