ԵԽ-ն Ադրբեջանի ռասիզմը և ատելությունը պետք է կոչի իրենց անուններով. Ղազարյանը` ԵԽԽՎ-ում

© Photo : YouTube / Screenshot / Parliament of ArmeniaСона Казарян во время выступления на заседании Парламентской ассамблеи Совета Европы (ПАСЕ) (22 июня 2022). Страсбург
Сона Казарян во время выступления на заседании Парламентской ассамблеи Совета Европы (ПАСЕ) (22 июня 2022). Страсбург - Sputnik Արմենիա, 1920, 22.06.2022
Բաժանորդագրվեք
Yandex newsTelegram
Հայաստանցի պատգամավորն արձանագրել է, որ Արդարադատության միջազգային դատարանը հայտարարել է, որ Ադրբեջանում հայերի նկատմամբ ատելություն են քարոզում ու հրահրում հենց պաշտոնյաներն ու հասարակական կառույցները։
ԵՐԵՎԱՆ, 22 հունիսի – Sputnik. Եվրոպայում ու Եվրոպայի սահմաններից դուրս քաղաքական կուսակցություններն այսօր իրենց քարոզչական արշավները, հռետորաբանությունը, երբեմն էլ գործողությունները կառուցում են ատելության, ռասիզմի ու այլատյացության վրա: ԵԽԽՎ լիագումար նստաշրջանում իր ելույթում ասել է ՀՀ ԱԺ պատվիրակության անդամ Սոնա Ղազարյանը, հայտնում են ԱԺ հասարակայնության հետ կապերի վարչությունից։

«Նման քաղաքական կուսակցություններն ու նրանց առաջնորդները երբեմն հայտնվում են սեփական ծուղակում: Նրանք ատելությունն այնքան են տարածում ու ամրապնդում, որ հետո չգիտեն, թե ինչպես պետք է վերահսկեն ու հաղթահարեն իրենց իսկ ստեղծած ատելությունը»,- ասել է պատգամավորը։ Նա ընդգծել է, որ դա վտանգավոր է հատկապես այն դեպքում, երբ ատելությունը քարոզվում ու տարածվում է անմիջական հարևանությամբ ապրող հասարակության նկատմամբ:

«Ավելի վտանգավոր է, երբ գոյություն ունի չլուծված հակամարտություն, որը միևնույն ժամանակ խաղաղ կարգավորման կարիք ունի՝ նկատի ունեմ Լեռնային Ղարաբաղի հակամարտության և Ադրբեջանում համակարգային հայատյացության համատեքստում: Դուք շատ լավ գիտեք Բաքվի ռազմավարի պուրակի դեպքը, որը փառաբանում է պատերազմը, պատկերում գերության մեջ գտնվող հայ զինվորներին, որտեղ նվաստացնում են մարդկային արժանապատվությունը և անմարդկային դարձնում հայերին: Նույնիսկ դպրոցականներին են տարել այդ այգի: Սա պետության կողմից հովանավորվող ատելության և ռասիզմի դեպք էր»,- ասել է նա` հիշեցնելով, որ հայ զինվորների մանեկենները պուրակից հանվել են միայն ժամանակ, երբ Հայաստանը դիմում է ներկայացրել Արդարադատության միջազգային դատարան:
Հայաստանցի պատգամավորն արձանագրել է, որ Արդարադատության միջազգային դատարանը հայտարարել է, որ Ադրբեջանում հայերի նկատմամբ ատելություն են քարոզում ու հրահրում հենց պաշտոնյաներն ու հասարակական կառույցները։
«Ես կարծում եմ, որ Եվրոպայի խորհուրդը և իր Խորհրդարանական վեհաժողովը նույնպես պետք է բարձրաձայնեն և պետական մակարդակով ատելության խոսքը, ռասիզմը ու այլատյացությունն ուղղակիորեն կոչեն իրենց անուններով։ Եվ մենք պետք է միասին պայքարենք դրա դեմ, քանի որ ատելությունը սնդիկի նման թունավոր է, որը թափվելուց հետո շատ դժվար է հավաքել»,- իր ելույթում ասել է Սոնա Ղազարյանը:
Նշենք, որ հունիսի 19-25-ը Ֆրանսիայում անցկացվում է ԵԽԽՎ լիագումար նստաշրջանը։ Նախօրեին այնտեղ ելույթ է ունեցել նաև ԵԽԽՎ-ում ՀՀ ԱԺ պատվիրակության մշտական անդամ Արմեն Գևորգյանը։ Նա իր խոսքում Եվրախորհրդին մեղադրել է ԼՂ-ի հարցում իրերն իրենց անուններով չկոչելու համար։
Լրահոս
0