Հուլիսի 1-ից Սևանում կբացվեն հանրային լողափերը
17:55 22.06.2022 (Թարմացված է: 17:58 22.06.2022)
© Sputnik / Aram NersesyanՍևանա լիճ
Սևանա լիճ
© Sputnik / Aram Nersesyan
Բաժանորդագրվել
Հանրային լողափերում գործելու է ջրափրկարարական ծառայություն։
ԵՐԵՎԱՆ, 22 հունիսի – Sputnik. Հուլիսի 1-ից Սևանում գործելու է 3 հանրային լողափ։ Տեղեկությունը հայտնում է ՀՀ շրջակա միջավայրի նախարարությունը։
«Սևան» ազգային պարկ ՊՈԱԿ-ի հանրային լողափերում ակտիվ ընթացքի մեջ են լողափնյա սեզոնի նախապատրաստական՝ կահավորման և տարածքի բարեկարգման աշխատանքները։
Հանրային լողափերում գործում են հետևյալ անվճար ծառայությունները՝ ավտոկայանատեղի, շվաքարաններ, հանդերձարաններ, սանհանգույցներ, ցնցուղարաններ և խաղահրապարակներ։
Տարածքներում իրականացվելու է ջրափրկարարական ծառայություն, գործելու են բուժկետեր, և ապահովվելու է հասարակական կարգի պահպանությունը։
Քաղաքացիների մուտքն ազատ է։
Ի դեպ, հանրային լողափերի հասցեներն են` թիվ 1 Հանրային լողափ (Սևան-Երևան միջպետական Մ4 ավտոմայրուղու 63-րդ կմ-ից դեպի ափամերձ հատված, 1,39 հա), թիվ 2 Հանրային լողափ (Սևան-Երևան միջպետական Մ4 ավտոմայրուղու 66,5 կմ-ից դեպի թերակղզու ափամերձ հատված, 1,82 հա), և թիվ 3 Հանրային լողափ (Սևան-Երևան միջպետական Մ4 ավտոմայրուղու 63 կմ-ից դեպի ափամերձ հատված, 5 հա)։