Ռուսաստանի ԱԳ նախարար Սերգեյ Լավրովը մեկնում է Իրան

© Sputnik / Asatur YesayantsՍերգեյ Լավրովը Երևանում
Սերգեյ Լավրովը Երևանում - Sputnik Արմենիա, 1920, 22.06.2022
Սերգեյ Լավրովը Երևանում. Արխիվային լուսանկար
Բաժանորդագրվեք
Yandex newsTelegram
Ռուսական դիվանագիտության ղեկավար Սերգեյ Լավրովի այցը Թեհրան առաջինն է Իբրահիմ Ռաիսիի ՝ Իրանի նախագահի պաշտոնը ստանձնելուց հետո:
ԵՐԵՎԱՆ, 22 հունիսի -Sputnik. Ռուսաստանի Դաշնության արտգործնախարար Սերգեյ Լավրովն այսօր՝ հունիսի 22-ին, կայցելի Իրան։ Այս մասին Twitter-ում հայտնել է Վիեննայում միջազգային կազմակերպություններին կից ՌԴ մշտական ներկայացուցիչ Միխայիլ Ուլյանովը։
Այն, որ Լավրովը կայցելի Իրան, հայտնել էին թե՛ Մոսկվայում, թե՛ Թեհրանում, սակայն հստակ ամսաթիվ չէր նշվել:
Ռուսական դիվանագիտության ղեկավարի այս ուղևորությունը Թեհրան առաջինն է Իբրահիմ Ռաիսիի՝ Իրանի նախագահի պաշտոնը ստանձնելուց հետո:
Հիշեցնենք, որ հունիսի 3-ին Ռուսաստանի և Իրանի ԱԳ նախարարներ Սերգեյ Լավրովն ու Հոսեյն Ամիր Աբդոլլահիյանը հեռախոսազրույցում քննարկել են միջուկային գործարքի վերականգնման շուրջ բանակցությունները: Կողմերը մտքեր են փոխանակել նաև երկկողմ հարաբերությունների առանցքային հարցերի և մի շարք հրատապ տարածաշրջանային և միջազգային խնդիրների, այդ թվում ՝ Ուկրաինայում տիրող իրավիճակի վերաբերյալ:
Լրահոս
0