Կոտայքում քաղաքացիներն ինքնակամ զենք-զինամթերք են հանձնել ոստիկանություն

© Photo : official site of the Police of RAԶենք–զինամթերքի հանձնում
Զենք–զինամթերքի հանձնում - Sputnik Արմենիա, 1920, 23.06.2022
Զենք–զինամթերքի հանձնում. Արխիվային լուսանկար
Բաժանորդագրվեք
Yandex newsTelegram
Արձանագրվել են «Կալաշնիկով» ինքնաձիգի, թմբուկավոր ատրճանակի և տարբեր տեսակի ռազմամթերքի կամավոր հանձնման դեպքեր։
ԵՐԵՎԱՆ, 23 հունիսի - Sputnik. Կոտայքում քաղաքացիներն ինքնակամ զենք-զինամթերք են հանձնել ոստիկանություն, տեղեկացնում է ոստիկանության մամուլի ծառայությունը։
Նշվում է, որ ոստիկանության Կոտայքի մարզային վարչության ենթակա բաժիններում արձանագրվել է 9 դեպք։ Հրազդանի, Բյուրականի ու Չարենցավանի բաժինների քրեական հետախույզների, համայնքային ոստիկանների և հերթապահ մասի ծառայողների բացատրական աշխատանքի շնորհիվ արձանագրվել են «Կալաշնիկով» ինքնաձիգի, թմբուկավոր ատրճանակի և տարբեր տեսակի ռազմամթերքի կամավոր հանձնման դեպքեր։
Ոստիկանությունը շարունակում է հորդորել ապօրինի զենք-զինամթերքը կամավոր հանձնել ոստիկանություն քրեական պատասխանատվությունից խուսափելու համար։
Լրահոս
0