Լավրովը խոսել է ընդհանուր ՀՕՊ ստեղծելու` ԱՄՆ–ի և Իսրայելի ծրագրերի մասին

© Sputnik / Asatur YesayantsՍերգեյ Լավրով
Սերգեյ Լավրով - Sputnik Արմենիա, 1920, 23.06.2022
Բաժանորդագրվեք
Yandex newsTelegram
ՌԴ արտգործնախարարը վստահ է, որ միասնական ՀՕՊ համակարգ ստեղծելու գաղափարն ուղղակիորեն հակասում է տարածաշրջանում իրավիճակի կարգավորման խնդիրներին։
ԵՐԵՎԱՆ, 23 հունիսի – Sputnik. Իրանի դեմ միասնական ՀՕՊ համակարգեր ստեղծելու` ԱՄՆ–ի և Իսրայելի ծրագրերն առճակատման են ուղղված և փակուղային գիծ են հանդիսանում։ Այս մասին, ՌԻԱ Նովոստիի փոխանցմամբ, հայտարարել է ՌԴ արտգործնախարար Սերգեյ Լավրովը։
Ռուսաստանի ԱԳ նախարար Սերգեյ Լավրովը մեկնում է Իրան
Ավելի վաղ Իսրայելի պաշտպանության նախարար Բենի Հանցը հայտնել էր, որ Իսրայելն ԱՄՆ–ի և տարածաշրջանի դաշնակից երկրների հետ միասնական ՀՕՊ համակարգ է ստեղծում։ Նրա խոսքով` դա նախևառաջ արվում է «Իրանի կողմից հարձակումները հետ մղելու» համար։
«Մենք, իհարկե, հետևում ենք այն գաղափարներին, որոնք հնչեցնում են մեր ամերիկյան գործընկերները։ Նրանք բացահայտ հայտարարում են առանձին արաբական երկրների և Իսրայելի միջև դաշինք ստեղծելու և այդ խումբն ԻԻՀ–ի դեմ ուղղելու` իրենց մտադրության մասին»,– Իրանի արտգործնախարար Հոսեյն Ամիր Աբդոլլահիանի հետ բանակցություններից հետո հրավիրված ասուլիսի ժամանակ ասել է Լավրովը։
Ըստ նրա` այդ գաղափարն ուղղակիորեն հակասում է տարածաշրջանում իրավիճակի կարգավարման խնդիրներին։
«Ուղղակիորեն հակասում է հենց ԱՄՆ–ի ջանքերին, եթե, իհարկե, անկեղծորեն հետաքրքրված են Գործողությունների համատեղ համապարփակ ծրագիրը ողջ ծավալով վերսկսելու հարցում», – ասել է նախարարը։
ԱՄՆ - ն չի կարողանա ՌԴ-ին զրկել միջազգային կառույցներում ձայնի իրավունքից. Լավրով
Միևնույն ժամանակ նա հավելել է, որ «կոնֆլիկտային սխեմաներ ամերիկացիներն այսօր իրականացնում են աշխարհի ցանկացած տարածաշրջանում»։
«Նույն տրամաբանությունն է նկատվում նաև Մերձավոր Արևելքում ՀՕՊ և ՀՀՊ համակարգերի ստեղծման նախաձեռնության հարցում։ Սա պառակտման, առճակատման տրամաբանություն է, իսկ մենք միավորող տրամաբանության կողմնակից ենք»,– ասել է ՌԴ ԱԳՆ ղեկավարը։
Հիշեցնենք, որ միասնական ՀՕՊ համակարգի ստեղծման թեման քննարկվելու է ԱՄՆ նախագահ Ջո Բայդենի` Իսրայել կատարելիք առաջիկա այցի ժամանակ։
Լրահոս
0