Պատերազմից հետո պետության կազմակերպած փոխադրումներով Հայաստանից Արցախ է մեկնել 56 630 մարդ

© Sputnik / Aram NersesyanԱրցախցիները Երևանից Ստեփանակերտ են վերադառնում. արխիվային լուսանկար
Արցախցիները Երևանից Ստեփանակերտ են վերադառնում. արխիվային լուսանկար - Sputnik Արմենիա, 1920, 23.06.2022
Բաժանորդագրվեք
Yandex newsTelegram
Արցախցիների անվճար տեղափոխումն իրականացնելու մասին որոշմամբ վերջնաժամկետ սահմանված չէ։
ԵՐԵՎԱՆ, 23 հունիսի – Sputnik. ՀՀ կառավարությունը շարունակում է ֆինանսավորել 44-օրյա պատերազմի հետևանքով Արցախից ժամանակավորապես Հայաստան տեղափոխված քաղաքացիների վերադարձը Ստեփանակերտ։
Երևանի քաղաքապետարանի ու մարզպետարանների կողմից այդ նպատակով փոխադրողների հետ կնքված պայմանագրային պարտավորությունների կատարումն ապահովելու նպատակով ՀՀ կառավարության որոշմամբ այսօր բյուջեից հատկացվել է ևս 13 630 000 դրամ։

2020թ-ի նոյեմբերի 17-ից մինչև 2021թ-ի դեկտեմբերի 9-ը Հայաստանից Արցախ է տեղափոխվել 54 454 քաղաքացի, փոխհատուցվել է 346 041 500 դրամ։

2022թ-ի փետրվարի 25-ից 2022թ-ի հունիսի 2-ն ընկած ժամանակահատվածում Երևանի քաղաքապետարանի կողմից կազմակերպված ուղևորափոխադրումների արդյունքում Հայաստանից Արցախ են տեղափոխվել ևս 2176 քաղաքացիներ, որոնց տեղափոխման ծախսերը կառավարությունը դեռ չէր փոխհաստուցել։
Հայաստանի կառավարությունն արցախցի փախստականներին դրամական նոր աջակցություն կտրամադրի
Նշենք, որ արցախցիների անվճար տեղափոխումն իրականացնելու մասին 2020 թվականի նոյեմբերի 16-ին ընդունված որոշմամբ վերջնաժամկետ սահմանված չէ։
Լրահոս
0