Առաջիկա 5 օրերին ցիկլոնի ազդեցությունը հանրապետությունում պահպանվելու է

© Sputnik / Aram NersesyanВетряная электростанция рядом с трассой М10 в Гегаркуникской области
Ветряная электростанция рядом с трассой М10 в Гегаркуникской области - Sputnik Արմենիա, 1920, 24.06.2022
Բաժանորդագրվեք
Yandex newsTelegram
Հունիսի 24-ի ուժգնության ամպրոպները տարվա այս ժամանակահատվածում Երևանի համար հազվադեպ օդերևութաբանական երևույթ են և կրկնվում են միջինը 10 տարին մեկ անգամ։
ԵՐԵՎԱՆ, 24 հունիսի – Sputnik. Առաջիկա 5 օրերին հանրապետության տարածք ներթափանցած ցիկլոնի ազդեցությունը պահպանվելու է, տեղեկությունը հայտնում է Հիդրոօդերևութաբանության և մոնիթորինգի կենտրոնը։
Երեկ քամու հետևանքով Երևանի տարբեր վարչական շրջաններում վնասվել են շինությունների տանիքներ և ծառեր, պոկվել էլեկտրական լարեր։ Քամու հետևանքով վնասներ են արձանագրվել մասնավորապես Երևանի Աջափնյակ, Էրեբունի և Կենտրոն վարչական շրջաններում:
«Առաջիկա 5 օրերին հատկապես երեկոյան ժամերին շրջանների մեծ մասում սպասվում է անձրև և ամպրոպ, առանձին հատվածներում կտեղա նաև կարկուտ»,–ասված է հաղորդագրության մեջ։
Բացի այդ, մինչև ամսվա վերջին օրերը հանրապետության տարածքում օդի ջերմաստիճանի բարձրացում չի կանխատեսվում, քանի որ մեր երկիրը գտնվում է Սև ծովի կողմից եկող սառը օդային հոսանքների ազդեցության գոտում։
Затопленная от дождя улица в Ереване - Sputnik Արմենիա, 1920, 24.06.2022
Երևանյան բակերից մեկում
Նշվում է նաև, որ երեկվա ուժգնության ամպրոպները տարվա այս ժամանակահատվածում Երևանի համար հազվադեպ օդերևութաբանական երևույթ են և կրկնվում են միջինը 10 տարին մեկ անգամ։
Ի դեպ, երեկվա ամպրոպային ամպն առաջացել է Արարատ լեռան լանջերին՝ այնուհետև զարգանալով ներթափանցել Երևան։
Երևանյան քամին անջատել էր հեռուստաալիքներն ու ռադիոն
Ամպրոպային ամպը եղել է գերհզոր գոյացություն, գագաթի բարձրությունը հասել է 16 կմ-ի, ուղղաձիգ հզորությունը՝ 13 կմ-ի, ամպի գագաթում օդի ջերմաստիճանը նվազել է մինչև -60 աստիճան։ Երևանի մի շարք հատվածներում 20 րոպեի ընթացքում թափվել է ամսական տեղումների նորմայի չափ անձրև։
Поваленные от сильного ветра деревья в Ереване - Sputnik Արմենիա, 1920, 24.06.2022
Արմատախիլ եղած ծառ Երևանում
Լրահոս
0