https://arm.sputniknews.ru/20220624/avetiq-chalabjani-gvortsvov-nisty-hetadzgvel-e-hajvordy-kkajana-shurj-mek-amis-anc-44150280.html
Ավետիք Չալաբյանի գործով նիստը հետաձգվել է. հաջորդը կկայանա շուրջ մեկ ամիս անց
Ավետիք Չալաբյանի գործով նիստը հետաձգվել է. հաջորդը կկայանա շուրջ մեկ ամիս անց
Sputnik Արմենիա
Ավետիք Չալաբյանի փաստաբանը տարօրինակ է համարում դատարանի` մեկ ամիս անց նիստ նշանակելու որոշումը։ Հարցն այն է, որ մինչ այդ արդեն իսկ լրանում է Չալաբյանի... 24.06.2022, Sputnik Արմենիա
2022-06-24T18:28+0400
2022-06-24T18:28+0400
2022-06-24T18:28+0400
հայաստան
ավետիք չալաբյան
փաստաբան
դատարան
https://cdn.am.sputniknews.ru/img/07e6/06/14/43805564_0:167:1601:1067_1920x0_80_0_0_592304cb4b889874fa2be740a0c4bbc2.jpg
ԵՐԵՎԱՆ, 24 հունիսի – Sputnik. «Համախմբում» շարժման անդամ, «Արար» հիմնադրամի համահիմնադիր Ավետիք Չալաբյանի դեմ հարուցված քրգործով այսօրվա դատական նիստը հետաձգվել է։ Տեղեկությունը Sputnik Արմենիային հայտնեց Չալաբյանի պաշտպան Վարազդատ Հարությունյանը։Այսօր Երևանի ընդհանուր իրավասության դատարանում դատավոր Արմեն Շիրոյանի նախագահությամբ պետք է ընթանար Չալաբյանի խափանման միջոցը փոփոխելու համար ԱԺ պատգամավորներ Սեյրան Օհանյանի, Իշխան Սաղաթելյանի, Էլինար Վարդանյանի, Հայկ Մամիջանյանի, Տիգրան Աբրահամյանի, ՀՀ նախկին փոխվարչապետ Վաչե Գաբրիելյանի և «Արար» հիմնադրամի երաշխավորությունների մերժման դեմ պաշտպանների ներկայացրած բողոքի քննությունը։Փաստաբան Վարազդատ Հարությունյանը հայտնեց, որ գործով դատախազը կանխավ գրություն էր ուղարկել, որ ծանրաբեռնվածության պատճառով չի կարող մասնակցել այսօրվա նիստին։ Դատավորը լսել է պաշտպաններին և գործով քննիչին, որոնք ասել են, թե որևէ խոչընդոտ չեն տեսնում, որ նիստն անցկացվի առանց դատախազի ներկայության։Նրա խոսքով` հաջորդ դատական նիստը նշանակվել է շուրջ մեկ ամիս հետո` հուլիսի 21-ին։ Սա, Հարությունյանի գնահատմամբ, տարօրինակ է, քանի որ Չալաբյանի երկամսյա կալանքի ժամկետն ավարտվում է հուլիսի 12-ին։ Այսինքն, ըստ փաստաբանի, շատ հնարավոր է, որ հուլիսի 21-ին իրենց բողոքն առարկայազուրկ դարձած լինի։Հարությունյանը նշեց նաև, որ եթե քննիչը չմիջնորդի երկարացնել Չալաբյանի կալանքը, ապա նա ազատ կարձակվի։ Հակառակ դեպքում նորից կգնան դատարան, և պաշտպանները կներկայացնեն, թե ինչու կալանքի ժամկետը երկարացնելու անհրաժեշտություն չկա։Հիշեցնենք` Ավետիք Չալաբյանը ձերբակալվել է ուսանողական խորհրդի նախագահին նյութապես շահագրգռելու կասկածանքով։ Քննչական մարմնի պնդմամբ` նյութապես շահագրգռելու նպատակը Հայաստանի ազգային ագրարային համալսարանի ուսանողների մասնակցությունն ընդդիմության ցույցերին ապահովելն է։Այս գործով Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով (երթերին կամ ցույցերին մասնակցելուն բռնություն գործադրելով կամ դա գործադրելու սպառնալիքով հարկադրելը) հարուցվել է քրեական գործ։Մայիսի 14-ին նա 2 ամսով կալանավորվեց։ Մայիսի 26-ին պատգամավորները դիմեցին նրան երաշխավորությամբ ազատ արձակելու համար։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ավետիք չալաբյան, փաստաբան, դատարան
հայաստան, ավետիք չալաբյան, փաստաբան, դատարան
Ավետիք Չալաբյանի գործով նիստը հետաձգվել է. հաջորդը կկայանա շուրջ մեկ ամիս անց
Ավետիք Չալաբյանի փաստաբանը տարօրինակ է համարում դատարանի` մեկ ամիս անց նիստ նշանակելու որոշումը։ Հարցն այն է, որ մինչ այդ արդեն իսկ լրանում է Չալաբյանի երկամսյա կալանքի ժամկետը։
ԵՐԵՎԱՆ, 24 հունիսի – Sputnik. «Համախմբում» շարժման անդամ, «Արար» հիմնադրամի համահիմնադիր Ավետիք Չալաբյանի դեմ հարուցված քրգործով այսօրվա դատական նիստը հետաձգվել է։ Տեղեկությունը Sputnik Արմենիային հայտնեց Չալաբյանի պաշտպան Վարազդատ Հարությունյանը։
Այսօր Երևանի ընդհանուր իրավասության դատարանում դատավոր Արմեն Շիրոյանի նախագահությամբ պետք է ընթանար Չալաբյանի խափանման միջոցը փոփոխելու համար ԱԺ պատգամավորներ Սեյրան Օհանյանի, Իշխան Սաղաթելյանի, Էլինար Վարդանյանի, Հայկ Մամիջանյանի, Տիգրան Աբրահամյանի, ՀՀ նախկին փոխվարչապետ Վաչե Գաբրիելյանի և «Արար» հիմնադրամի երաշխավորությունների մերժման դեմ պաշտպանների ներկայացրած բողոքի քննությունը։
Փաստաբան Վարազդատ Հարությունյանը հայտնեց, որ գործով դատախազը կանխավ գրություն էր ուղարկել, որ ծանրաբեռնվածության պատճառով չի կարող մասնակցել այսօրվա նիստին։ Դատավորը լսել է պաշտպաններին և գործով քննիչին, որոնք ասել են, թե որևէ խոչընդոտ չեն տեսնում, որ նիստն անցկացվի առանց դատախազի ներկայության։
«Սակայն դատավորը որոշեց, որ դատախազի ներկայությունն անհրաժեշտ է, որովհետև նա պետք է հիմնավորի, թե ԱԺ պատգամավորները, Վաչե Գաբրիելյանն ու «Արարը» ինչով վստահություն չէին վայելում, որ նրանց անձնական երաշխավորությամբ Չալաբյանին ազատ արձակելու միջնորդությունը չի բավարարել։ Ուստի դատավորը հետաձգեց նիստը»,–ասաց փաստաբանը։
Նրա խոսքով` հաջորդ դատական նիստը նշանակվել է շուրջ մեկ ամիս հետո` հուլիսի 21-ին։ Սա, Հարությունյանի գնահատմամբ, տարօրինակ է, քանի որ Չալաբյանի երկամսյա կալանքի ժամկետն ավարտվում է հուլիսի 12-ին։ Այսինքն, ըստ փաստաբանի, շատ հնարավոր է, որ հուլիսի 21-ին իրենց բողոքն առարկայազուրկ դարձած լինի։
Հարությունյանը նշեց նաև, որ եթե քննիչը չմիջնորդի երկարացնել Չալաբյանի կալանքը, ապա նա ազատ կարձակվի։ Հակառակ դեպքում նորից կգնան դատարան, և պաշտպանները կներկայացնեն, թե ինչու կալանքի ժամկետը երկարացնելու անհրաժեշտություն չկա։
Հիշեցնենք`
Ավետիք Չալաբյանը ձերբակալվել է ուսանողական խորհրդի նախագահին նյութապես շահագրգռելու կասկածանքով։ Քննչական մարմնի պնդմամբ` նյութապես շահագրգռելու նպատակը Հայաստանի ազգային ագրարային համալսարանի ուսանողների մասնակցությունն ընդդիմության ցույցերին ապահովելն է։
Այս գործով Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով (երթերին կամ ցույցերին մասնակցելուն բռնություն գործադրելով կամ դա գործադրելու սպառնալիքով հարկադրելը) հարուցվել է քրեական գործ։
Մայիսի 14-ին նա
2 ամսով կալանավորվեց։ Մայիսի 26-ին
պատգամավորները դիմեցին նրան երաշխավորությամբ ազատ արձակելու համար։
