https://armeniasputnik.am/20220624/gjughn-u-hvoghy-sirecir-svovats-ches-mna-ari-gjugh-tskhakan-paratvon-panikum-44143496.html

Գյուղն ու հողը սիրեցիր՝ սոված չես մնա. «Արի՛ գյուղ» ծխական փառատոն՝ Փանիկում

Գյուղն ու հողը սիրեցիր՝ սոված չես մնա. «Արի՛ գյուղ» ծխական փառատոն՝ Փանիկում

Համերգային ծրագիր էլ կար՝ եկեղեցական երգչախմբերի, անվանի երգիչների ու համայքների խմբերի մասնակցությամբ: 24.06.2022, Sputnik Արմենիա

2022-06-24T17:58+0400

2022-06-24T17:58+0400

2022-06-24T18:27+0400

փառատոն

շիրակի մարզ

գյուղ

https://cdnn1.img.armeniasputnik.am/img/07e6/06/18/44143776_0:151:1600:1051_1920x0_80_0_0_27f22b44c4c0497c0360144bac7084ea.jpg

ԵՐԵՎԱՆ, 24 հունիսի - Sputnik, Արմենուհի Մխոյան. Շիրակի մարզի Փանիկ բնակավայրն այսօր հյուրընկալել էր մարզի տարբեր գյուղերի բնակիչներին: Սուրբ Աստվածածին եկեղեցու բակում՝ առաջին անգամ անցկացվող «Արի՛ գյուղ» ծխական փառատոնի շրջանակներում, մարզի գյուղերը ներկայացել էին իրենց բերք ու բարիքով ու տարբերվող ճաշատեսակներով:Փառատոնի նպատակն էր աջակցել մարզի Ազատան, Արևիկ, Արփենի, Բավրա, Լանջիկ, Ձիթհանքով, Հովտուն, Ղազանչի, Սիզավետ, Սարագյուղ, Մեծ Սեպասար, Փանիկ գյուղական բնակավայրերի զարգացմանը: Փառատոնի մասնակիցները Sputnik Արմենիայի հետ ունեցած զրույցի ժամանակ նշում էին՝ փառատոնը գյուղերին հնարավորություն է տալիս ներկայացնելու գյուղական ավանդույթները,տեղական մշակույթը, խոհանոցը:Ազգությամբ գերմանուհի Ալվինա Կելլեր-Խչոյանը ծնվել ու մեծացել է Ռուսաստանում: Ամուսինը արտագնա աշխատանքի ժամանակ տեսել, սիրահարվել ու ամուսնացել է գերմանուհու հետ ու նրան հայրենի Սարագյուղ բերել:«40 տարի է Սարագյուղում՝ սարի գլխին եմ ապրում, երեխաներս այստեղ են ծնվել: Շատ եմ սիրում մեր գյուղը»,-պատմում է տիկին Ալվինան՝ հպարտությամբ ցույց տալով իր ձեռքով պատրաստած հապալասի մուրաբան, թթուն ու իր ամուսնու քաշած մեղրը՝ չմոռանալով նաև ներկայացնել լավաշն ու չեչիլ պանիրը: «Հայաստանում ինձ ոչ միայն իմ ընտանիքն է պահում, այլ նաև իմ գյուղն ու հողը: Գյուղում շատ լավ բաներ կան՝ պետք է աշխատե՛նք ու պահե՛նք գյուղը»,-նշում է տիկին Ալվինան:Չնայած առկա դժվարություններին, աշխատող գյուղացին սոված չի մնա՝ վստահեցնում էին գյուղաբնակները:«Կտավատ, կարմիր ոսպ, կանաչ ոսպ, կարագ, ոլոռ, հում սեր՝ այս ամենը մեր պատրաստածն է: Գյուղում մեզ մեր հողը պահում է, մարդ պետք միայն աշխատելու ցանկություն ունենա՝աշխատող գյուղացին երբեք սոված չի մնա»,-նշում է Սիզավետի բնակիչ Հենրիկ Պողոսյանը։Սոկրատ Գրիգորյանը թեև այսօր Երևանում է բնակվում, բայց չմոռանալով իր ծննդավայր՝ Փանիկը, մսամթերքի արտադրություն է ստեղծել: Թեև այս պահին քիչ աշխատող ունի, բայց նպատակներ կան արտադրությունը ընդլայնելու ու նոր աշխատատեղեր ստեղծելու:«Բացառապես տեղական ու բնական մսամթերք ենք արտադրում՝ որակը՝ լավը, գինը՝ մատչելի: Որոշեցի, որ այսպես իմ համագյուղացիներին հնարավորություն տամ գյուղում մնալու ու աշխատելու»,-ասում է Սոկրատը:Փառատոնն ուղեկցվում էր օրգանիկ գյուղմթերքի տոնավաճառով, ինչպես նաև կավե իրերի պատրաստման, ավանդական հագուստի ցուցադրման և նկարչության վարպետության դասերով:«Սա եզակի հարթակ է մասնակիցների ծանոթության, փոխադարձ համագործակցության և փորձի փոխանակման համար: Հուսանք, այս փառատոնը կդառնա ավանդական՝ ամեն տարի փոխելով իր աշխարհագրությունը»,-նշեց փառատոնի կազմակերպիչ Մկրտիչ Բաբայանը:Համերգային ծրագիր էլ կար՝ եկեղեցական երգչախմբերի, անվանի երգիչների ու համայքների խմբերի մասնակցությամբ:Փառատոնն անցկացվում էր Հայկական Կարիտասի «Ծխական հասարակական խորհուրդներ» համայնքային զարգացման ծրագրի շրջանակում:

շիրակի մարզ

2022

Լուրեր

am_HY

փառատոն, շիրակի մարզ, գյուղ