Զորամասի հրամանատարը յուրացրել է բենզինի կտրոնները. նա իրեն մեղավոր է ճանաչել

© Photo : press office of the MoD of Artsakh«Ուրալ» մակնիշի մեքենաներ. արխիվային լուսանկար
«Ուրալ» մակնիշի մեքենաներ. արխիվային լուսանկար - Sputnik Արմենիա, 1920, 24.06.2022
Բաժանորդագրվեք
Yandex newsTelegram
2.5 մլն դրամի բենզինի և դիզվառելիքի կտրոններ յուրացնելու մեջ մեղադրվող հրամանատարն ազատության մեջ է։ Նրա նկատմամբ որպես խափանման միջոց է կիրառվել ստորագրությունը չհեռանալու մասին։
ԵՐԵՎԱՆ, 24 հունիսի – Sputnik. ՊՆ զորամասի հրամանատարին մեղադրանք է առաջադրվել 2,5 մլն դրամի ավտոբենզինի և դիզելային վառելիքի կտրոնների հափշտակության համար։ Տեղեկությունը հայտնում է ՀՀ հակակոռուպցիոն կոմիտեն` հավելելով, որ հարուցված քրգործի նախաքննությունն ավարտվել է։
Նշվում է, որ զորամասի հրամանատար Ս. Ե.-ն, 2016 թվականի սեպտեմբերի 8-ից զբաղեցնելով այդ պաշտոնը, հափշտակել է նույն զորամասին հատկացված 2,5 մլն դրամի ավտոբենզինի և դիզելային վառելանյութի կտրոնները:
Մասնավորապես, Ս. Ե.-ն, 2021-ի հունվարից մինչև 2022-ի հունվարն ընկած ժամանակահատվածում առանց փաստաթղթավորման, զորամասի գույքային ֆոնդից դուրս է բերել և յուրացրել իրեն վստահված շուրջ 1.5 մլն դրամի 4515 լիտր բենզինի և 1 մլն դրամի 3710 լիտր դիզելային վառելանյութի կտրոններ:
Յուրացրած կտրոնների մի մասը Ս. Ե.-ն օգտագործել է անձնական կարիքների համար, իսկ մյուս մասն էլ վաճառել է։
Մեղրիի զորամասի հրամանատարի նկատմամբ ծառայողական քննությունը երկարացվել է. ՊՆ
Ս. Ե.-ին մեղադրանք է առաջադրվել ՀՀ քրեական օրենսգրքի 179-րդ հոդվածի 2-րդ մասի 1-ին և 3-րդ կետերով` յուրացման հատկանիշներով։ Նրա նկատմամբ որպես խափանման միջոց է ընտրվել ստորագրությունը չհեռանալու մասին: Հրամանատարն իրեն մեղավոր է ճանաչել, տվել խոստովանական ցուցմունքներ և վերականգնել պետությանը պատճառված վնասը:
Քրգործը մեղադրական եզրակացությամբ ուղարկվել է հսկողություն իրականացնող դատախազին` այն հաստատելու և դատարան ուղարկելու միջնորդությամբ:
Լրահոս
0