https://arm.sputniknews.ru/20220625/hajkakan-kvoghmy-verahastatum-e-agn-n-ardzaganqel-e-eahk-minski-khmbi-veraberjal-harcerin-44202830.html
Հայկական կողմը վերահաստատում է. ԱԳՆ-ն արձագանքել է ԵԱՀԿ Մինսկի խմբի վերաբերյալ հարցերին
Հայկական կողմը վերահաստատում է. ԱԳՆ-ն արձագանքել է ԵԱՀԿ Մինսկի խմբի վերաբերյալ հարցերին
Sputnik Արմենիա
ԱԳՆ–ի արձագանքը, ըստ էության, ոչ թե նոր պատասխան է, այլ 3 ամիս առաջ արված հայտարարության հիշեցում։ 25.06.2022, Sputnik Արմենիա
2022-06-25T19:27+0400
2022-06-25T19:27+0400
2022-06-25T19:32+0400
հայաստան
արտաքին գործերի նախարարություն (ագն)
վահան հունանյան
եահկ մինսկի խումբ
https://cdn.am.sputniknews.ru/img/07e5/0a/08/34077941_0:33:1600:934_1920x0_80_0_0_b516efc0147a7bdc0a6919e06add040b.jpg
ԵՐԵՎԱՆ, 25 հունիսի – Sputnik. ՀՀ ԱԳՆ մամուլի խոսնակ Վահան Հունանյանը պատասխանել է լրատվամիջոցների հարցերին, որոնք վերաբերում են ԵԱՀԿ Մինսկի խմբին։«Վերջին օրերին հնչած մեկնաբանությունների կապակցությամբ լրագրողների հարցերին ի պատասխան՝ ՀՀ ԱԳՆ-ն ընդգծում է Հայաստանի Հանրապետության վարչապետի և Ռուսաստանի Դաշնության նախագահի` 2022թ․ ապրիլի 19-ի համատեղ հայտարարության 24-րդ կետը»,– գրել է ԱԳՆ մամուլի խոսնակը ֆեյսբուքյան պաշտոնական էջում։ԱԳՆ–ի արձագանքը, ըստ էության, ոչ թե նոր պատասխան է, այլ նախկին հայտարարության հիշեցում։«Առաջնորդները մտքեր փոխանակեցին Հարավային Կովկասում իրավիճակի մասին: Արտահայտվեցին Հայաստանի, Ռուսաստանի և Ադրբեջանի ղեկավարների պարբերական հանդիպումների շրջանակներում կառուցողական աշխատանքի շարունակման և երեք առաջնորդների՝ 2020թ. նոյեմբերի 9-ի, 2021թ. հունվարի 11-ի և նոյեմբերի 26-ի պայմանավորվածությունների հետևողական իրականացման օգտին՝ ի շահ տարածաշրջանի կայունության, անվտանգության և տնտեսական զարգացման ապահովման: Շեշտեցին ռուսաստանյան խաղաղապահ զորակազմի որոշիչ ներդրումը Լեռնային Ղարաբաղի անվտանգության ապահովման, բնակչության կյանքի համար բարենպաստ և անվտանգ պայմանների ստեղծման գործում: Ընդգծեցին հումանիտար անհետաձգելի հարցերի հրատապ լուծման և քաղաքական-դիվանագիտական միջոցներով Լեռնային Ղարաբաղյան կարգավորման պահանջվածությունը: Այդ համատեքստում հաստատեցին ԵԱՀԿ Մինսկի խմբի համանախագահության ինստիտուտի ներուժի և փորձի օգտագործման կարևորությունը՝ նրա միջազգային մանդատին համապատասխան»,– գրել է Հունանյանը` հրապարակելով ապրիլի 19-ի հայտարարության մի հատվածը։Հիշեցնենք` հունիսի 24-ին ՌԴ արտգործնախարար Սերգեյ Լավրովը հայտարարել էր, որ ԵԱՀԿ ՄԽ-ն դադարեցրել է իր գործունեությունը ԱՄՆ-ի և Ֆրանսիայի ներկայացուցիչների նախաձեռնությամբ։Նրա մեկնաբանմամբ` բոլոր այն աշխատանքները, որոնք տարիներ շարունակ արվել են առանց շոշափելի արդյունքի, 2020թ-ի սեպտեմբեր-նոյեմբերի իրադարձություններից հետո մնացել են հետևում։ Կարգավորման հիմքում, նրա խոսքով, այսօր բացառապես եռակողմ հայտարարություններն են։Նախկինում իրականացված քննարկումներից այսօր, ըստ Լավրովի, արդիական է մնում միայն վերջնական նպատակը, այն է` ազատել Ղարաբաղը շրջապատող շրջանները և լուծել Ղարաբաղի ու Ղարաբաղի բնակչության կենսապահովման խնդիրը։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, արտաքին գործերի նախարարություն (ագն), վահան հունանյան, եահկ մինսկի խումբ
հայաստան, արտաքին գործերի նախարարություն (ագն), վահան հունանյան, եահկ մինսկի խումբ
Հայկական կողմը վերահաստատում է. ԱԳՆ-ն արձագանքել է ԵԱՀԿ Մինսկի խմբի վերաբերյալ հարցերին
19:27 25.06.2022 (Թարմացված է: 19:32 25.06.2022) ԱԳՆ–ի արձագանքը, ըստ էության, ոչ թե նոր պատասխան է, այլ 3 ամիս առաջ արված հայտարարության հիշեցում։
ԵՐԵՎԱՆ, 25 հունիսի – Sputnik. ՀՀ ԱԳՆ մամուլի խոսնակ Վահան Հունանյանը պատասխանել է լրատվամիջոցների հարցերին, որոնք վերաբերում են ԵԱՀԿ Մինսկի խմբին։
«Վերջին օրերին հնչած մեկնաբանությունների կապակցությամբ լրագրողների հարցերին ի պատասխան՝ ՀՀ ԱԳՆ-ն ընդգծում է Հայաստանի Հանրապետության վարչապետի և Ռուսաստանի Դաշնության նախագահի` 2022թ․ ապրիլի 19-ի համատեղ հայտարարության 24-րդ կետը»,– գրել է ԱԳՆ մամուլի խոսնակը
ֆեյսբուքյան պաշտոնական էջում։
ԱԳՆ–ի արձագանքը, ըստ էության, ոչ թե նոր պատասխան է, այլ նախկին հայտարարության հիշեցում։
«Առաջնորդները մտքեր փոխանակեցին Հարավային Կովկասում իրավիճակի մասին: Արտահայտվեցին Հայաստանի, Ռուսաստանի և Ադրբեջանի ղեկավարների պարբերական հանդիպումների շրջանակներում կառուցողական աշխատանքի շարունակման և երեք առաջնորդների՝ 2020թ. նոյեմբերի 9-ի, 2021թ. հունվարի 11-ի և նոյեմբերի 26-ի պայմանավորվածությունների հետևողական իրականացման օգտին՝ ի շահ տարածաշրջանի կայունության, անվտանգության և տնտեսական զարգացման ապահովման: Շեշտեցին ռուսաստանյան խաղաղապահ զորակազմի որոշիչ ներդրումը Լեռնային Ղարաբաղի անվտանգության ապահովման, բնակչության կյանքի համար բարենպաստ և անվտանգ պայմանների ստեղծման գործում: Ընդգծեցին հումանիտար անհետաձգելի հարցերի հրատապ լուծման և քաղաքական-դիվանագիտական միջոցներով Լեռնային Ղարաբաղյան կարգավորման պահանջվածությունը: Այդ համատեքստում հաստատեցին ԵԱՀԿ Մինսկի խմբի համանախագահության ինստիտուտի ներուժի և փորձի օգտագործման կարևորությունը՝ նրա միջազգային մանդատին համապատասխան»,– գրել է Հունանյանը` հրապարակելով ապրիլի 19-ի հայտարարության մի հատվածը։
Գրառման վերջում ԱԳՆ խոսնակը շեշտել է, որ հայկական կողմը վերահաստատում է տարածաշրջանում խաղաղության և կայունության հաստատման իր պատրաստակամությունը և հանձնառությունը։
Հիշեցնենք` հունիսի 24-ին ՌԴ արտգործնախարար Սերգեյ Լավրովը
հայտարարել էր, որ ԵԱՀԿ ՄԽ-ն դադարեցրել է իր գործունեությունը ԱՄՆ-ի և Ֆրանսիայի ներկայացուցիչների նախաձեռնությամբ։
Նրա մեկնաբանմամբ` բոլոր այն աշխատանքները, որոնք տարիներ շարունակ արվել են առանց շոշափելի արդյունքի, 2020թ-ի սեպտեմբեր-նոյեմբերի իրադարձություններից հետո մնացել են հետևում։ Կարգավորման հիմքում, նրա խոսքով, այսօր բացառապես եռակողմ հայտարարություններն են։
Նախկինում իրականացված քննարկումներից այսօր, ըստ Լավրովի, արդիական է մնում միայն վերջնական նպատակը, այն է` ազատել Ղարաբաղը շրջապատող շրջանները և լուծել Ղարաբաղի ու Ղարաբաղի բնակչության կենսապահովման խնդիրը։
