Վրաստանում գյումրեցի կինը 14-րդ երեխային է լույս աշխարհ բերել. ավագ որդին 23 տարեկան է

Նորածին - Sputnik Արմենիա, 1920, 25.06.2022
Նորածին
Բաժանորդագրվեք
НовостиTelegram
Կինը վստահեցրել է, որ չնայած 14 երեխա է պահում, բայց նաև իր համար է ժամանակ գտնում։
ԵՐԵՎԱՆ, 25 հունիսի – Sputnik. Վրաստանի Նինոծմինդայի շրջանի Գանձա գյուղի բնակիչ Վարդուհի Ղազարյանը 43 տարեկանում լույս աշխարհ է բերել 14-րդ երեխային։
Վրացական լրատվամիջոցները հայտնում են, որ Վարդուհին Գյումրի քաղաքից է, 19 տարեկանում ամուսնացել է ու տեղափոխվել Վրաստան։

Կինը պատմել է, որ դեռ մանուկ հասակում իր երազանքն է եղել մայր դառնալը, բայց երբեք չի մտածել այդքան շատ երեխա ունենալու մասին։ Առաջին անգամ մայրացել է 20 տարեկանում։ Այժմ ավագ որդին 23 տարեկան է։ 14 երեխաներից երկուսը ուսանողներ են, մնացածը դպրոց ու մանկապարտեզ են հաճախում։

Երեխաների անուններն են՝ Հակոբ, Ալեքսան, Հովհաննես, Մանուկ, Նարե, Հարություն, Դավիթ, Արֆին, Մարիամ, Գոհար, Մկրտիչ, Լուսինե, Անգելինա և Դանիել։
Ղազարյանների ընտանիքը զբաղվում է գյուղատնտեսությամբ և անասնապահությամբ։ Բացի այդ, նրանք նաև պետական աջակցություն են ստանում երեխաների համար։
Ծնվել է 44-օրյա պատերազմում անհետ կորած Աշոտ Սարգսյանի քույրը
Վարդուհին ավարտել է Գյումրում մանկավարժական համալսարանը, սակայն հասցրել է աշխատել ընդամենը վեց ամիս։ Այժմ նրա գործը ընտանիքի և երեխաների խնամքն է։ Նա վստահեցրել է, որ չնայած 14 երեխա է պահում, բայց նաև իր համար է ժամանակ գտնում։ «Շատ հանգիստ երեխաներ են, ամբողջ օրը դրսում են խաղում, կարող են ինքնուրույն փոխել հագուստը, մեծ աղջիկներն օգնում են ինձ մեծացնել երեխաներին։ Որտեղ սեր կա, բոլոր դժվարությունները հաղթահարելի են»,- ասել է նա։
Հարցին, թե պատրաստվում է արդյոք ևս մեկ երեխա լույս աշխարհ բերել, Վարդուհին դրական պատասխան է տվել։
Նորածինները կօգնեն ծնողներին մարել հիփոթեքային վարկի որոշ մասը. փոխնախարար
Լրահոս
0