https://arm.sputniknews.ru/20220627/svona-mnacakanjani-vraerti-depqvov-harucvats-gvortsvov-apacujcner-en-vochnchacvel-pastaban-44272458.html
Սոնա Մնացականյանի վրաերթի դեպքով հարուցված գործով ապացույցներ են ոչնչացվել. փաստաբան
Սոնա Մնացականյանի վրաերթի դեպքով հարուցված գործով ապացույցներ են ոչնչացվել. փաստաբան
Sputnik Արմենիա
Փաստաբան Րաֆֆի Ասլանյանի խոսքով` կա փորձագիտական եզրակացություն, ըստ որի` վարորդը գերազանցել է թույլատրելի արագությունը։ 27.06.2022, Sputnik Արմենիա
2022-06-27T17:33+0400
2022-06-27T17:33+0400
2022-06-27T18:02+0400
հայաստան
հղի
փաստաբան
երևան
վրաերթ
https://cdn.am.sputniknews.ru/img/07e5/0a/1b/34719903_0:183:1600:1083_1920x0_80_0_0_656bb2e5b7adf798243c3d45889887d4.jpg
ԵՐԵՎԱՆ, 27 հունիսի – Sputnik. Սոնա Մնացականյանին վրաերթի ենթարկած ավտոմեքենայի վարորդը, որն ուղեկցել է ՀՀ վարչապետին, գերազանցել է թույլատրելի արագությունը։ Տեղեկությունը Sputnik Արմենիային հայտնեց փաստաբան Րաֆֆի Ասլանյանը։Բացի այդ, ըստ նրա, գործում եղած ապացույցներ են ոչնչացվել, իսկ թե ինչի մասին է խոսքը և ինչ հանգամանքներում են ոչնչացվել, դեռ հրապարակել չեն կարող, քանի որ դա նախաքննական գաղտնիք է համարվում։ Փաստաբանի խոսքով` ապացույցների ոչնչացումը տուժողի իրավահաջորդի` Սոնայի հայրիկի մոտ տպավորություն է ձևավորել, որ քրգործին միջամտություն կա, և ակնհայտ կողմնակալ քննություն է ընթանում։Ինչ վերաբերում է ՃՈ ծառայության ուղեկցող սպայական վաշտի հրամանատարի խափանման միջոցին (վերջինս ազատության մեջ է), ապա Ասլանյանը հայտնեց, որ այս պահին այլևս նրան կալանավորելու օրենսդրական հնարավորություն չի լինելու։ Սակայն եթե դատարանը նրան մեղավոր ճանաչի, կանդրադառնա նաև խափանման միջոցին։Փաստաբանը հավելեց, որ այս քրեական գործով քննությունը տուժող կողմին չի բավարարում. ակնհայտ է, որ այսպիսի գործի քննության համար նշանակություն ունեն անձանց շրջանակը և սուբյեկտիվ գործոնները։Հայտնել էինք, որ հունիսի 25-ին ՀՀ վերաքննիչ քրեական դատարանը մերժել էր Սոնա Մնացականյանին վրաերթի ենթարկած՝ ՀՀ վարչապետին ուղեկցող ՃՈ ավտոմեքենայի վարորդին կալանավորելու պահանջով դատախազի ներկայացրած բողոքը՝ վարորդին թողնելով ազատության մեջ։Հիշեցնենք` ապրիլի 26-ին` ժամը 18:05-ի սահմաններում, Երևանի Լեո-Պարոնյան փողոցների խաչմերուկի մոտ ոստիկանության ՃՈ ծառայության ուղեկցող սպայական վաշտի հրամանատարը «Տոյոտա Պրադո» մեքենայով հղի կնոջ էր վրաերթի ենթարկել։ Նա տեղափոխվել էր «Նաիրի» բժշկական կենտրոն, որտեղ, գիտակցության չգալով, մահացել էր։Վարորդը դեպքից հետո թողել էր պատահարի վայրը և հեռացել, սակայն ժամը 20:05-ին վերադարձել էր և մասնակցել քննչական գործողություններին:Ավելի ուշ հայտնի դարձավ, որ վրաերթի ենթարկվածը Սոնա Մնացականյանն է, որն աշխատում էր «Support Our Heroes-Armenia» («Աջակցենք մեր հերոսներին-Հայաստան») կազմակերպությունում:Մահվան ելքով վրաերթի գործով ոստիկանության «Ճանապարհային ոստիկանություն» ծառայության ուղեկցող սպայական վաշտի հրամանատարը ձերբակալվել էր, բայց հետո ստորագրությամբ ազատ էր արձակվել։Մայիսի 12-ին նա նորից ձերբակալվել էր, հաջորդ օրը` ազատ արձակվել. Երևան քաղաքի ընդհանուր իրավասության դատարանը որոշել էր Նավասարդյանի նկատմամբ որպես խափանման միջոց կիրառել ստորագրությունը չհեռանալու մասին։Մայիսի 30-ին դատախազությունը վերաքննիչ բողոք էր ներկայացրել նրան կալանավորելու միջնորդությունը մերժելու որոշման դեմ։Հունիսի 25-ին հայտնի դարձավ, որ ՀՀ վերաքննիչ քրեական դատարանը մերժել է բողոքը՝ վարորդին թողնելով ազատության մեջ։Փաշինյանը տեղյակ չի եղել` ինչ է կատարվել. ՄԻՊ-ը՝ հղի կնոջ վրաերթի մասինՃՈ ավտոմեքենայի վարորդին մեղադրանք է ներկայացվել ՀՀ քրեական օրենսգրքի 242-րդ հոդվածի 2-րդ մասով (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) և 244-րդ հոդվածով (ճանապարհատրանսպորտային պատահարի վայրը թողնելը)։
երևան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, հղի, փաստաբան, երևան, վրաերթ
հայաստան, հղի, փաստաբան, երևան, վրաերթ
Սոնա Մնացականյանի վրաերթի դեպքով հարուցված գործով ապացույցներ են ոչնչացվել. փաստաբան
17:33 27.06.2022 (Թարմացված է: 18:02 27.06.2022) Փաստաբան Րաֆֆի Ասլանյանի խոսքով` կա փորձագիտական եզրակացություն, ըստ որի` վարորդը գերազանցել է թույլատրելի արագությունը։
ԵՐԵՎԱՆ, 27 հունիսի – Sputnik. Սոնա Մնացականյանին վրաերթի ենթարկած ավտոմեքենայի վարորդը, որն ուղեկցել է ՀՀ վարչապետին, գերազանցել է թույլատրելի արագությունը։ Տեղեկությունը Sputnik Արմենիային հայտնեց փաստաբան Րաֆֆի Ասլանյանը։
«Մեքենայի արագությունը մոտ 109 կմ ժամ է եղել, այնինչ, ըստ կառավարության որոշման, տվյալ ավտոշարասյան թույլատրելի առավելագույն արագությունը այդ տարածքում 100 կմ ժամ է։ Սրա վերաբերյալ փորձագիտական եզրակացություն կա»,- ասաց Ասլանյանը։
Բացի այդ, ըստ նրա, գործում եղած ապացույցներ են ոչնչացվել, իսկ թե ինչի մասին է խոսքը և ինչ հանգամանքներում են ոչնչացվել, դեռ հրապարակել չեն կարող, քանի որ դա նախաքննական գաղտնիք է համարվում։ Փաստաբանի խոսքով` ապացույցների ոչնչացումը տուժողի իրավահաջորդի` Սոնայի հայրիկի մոտ տպավորություն է ձևավորել, որ քրգործին միջամտություն կա, և ակնհայտ կողմնակալ քննություն է ընթանում։
Ինչ վերաբերում է ՃՈ ծառայության ուղեկցող սպայական վաշտի հրամանատարի խափանման միջոցին (վերջինս ազատության մեջ է), ապա Ասլանյանը հայտնեց, որ այս պահին այլևս նրան կալանավորելու օրենսդրական հնարավորություն չի լինելու։ Սակայն եթե դատարանը նրան մեղավոր ճանաչի, կանդրադառնա նաև խափանման միջոցին։
Փաստաբանը հավելեց, որ այս քրեական գործով քննությունը տուժող կողմին չի բավարարում. ակնհայտ է, որ այսպիսի գործի քննության համար նշանակություն ունեն անձանց շրջանակը և սուբյեկտիվ գործոնները։
Հայտնել էինք, որ հունիսի 25-ին ՀՀ վերաքննիչ քրեական դատարանը մերժել էր Սոնա Մնացականյանին վրաերթի ենթարկած՝ ՀՀ վարչապետին ուղեկցող ՃՈ ավտոմեքենայի վարորդին կալանավորելու պահանջով դատախազի ներկայացրած բողոքը՝ վարորդին թողնելով ազատության մեջ։
Հիշեցնենք` ապրիլի 26-ին` ժամը 18:05-ի սահմաններում, Երևանի Լեո-Պարոնյան փողոցների խաչմերուկի մոտ ոստիկանության ՃՈ ծառայության ուղեկցող սպայական վաշտի հրամանատարը «Տոյոտա Պրադո» մեքենայով
հղի կնոջ էր վրաերթի ենթարկել։ Նա տեղափոխվել էր «Նաիրի» բժշկական կենտրոն, որտեղ, գիտակցության չգալով,
մահացել էր։
Վարորդը դեպքից հետո թողել էր պատահարի վայրը և հեռացել, սակայն ժամը 20:05-ին վերադարձել էր և մասնակցել քննչական գործողություններին:
Ավելի ուշ հայտնի դարձավ, որ վրաերթի ենթարկվածը Սոնա Մնացականյանն է, որն աշխատում էր «Support Our Heroes-Armenia» («Աջակցենք մեր հերոսներին-Հայաստան») կազմակերպությունում:
Մահվան ելքով վրաերթի գործով ոստիկանության «Ճանապարհային ոստիկանություն» ծառայության ուղեկցող սպայական վաշտի հրամանատարը ձերբակալվել էր, բայց հետո ստորագրությամբ
ազատ էր արձակվել։
Մայիսի 12-ին նա
նորից ձերբակալվել էր, հաջորդ օրը`
ազատ արձակվել. Երևան քաղաքի ընդհանուր իրավասության դատարանը որոշել էր Նավասարդյանի նկատմամբ որպես խափանման միջոց կիրառել ստորագրությունը չհեռանալու մասին։
Մայիսի 30-ին դատախազությունը
վերաքննիչ բողոք էր ներկայացրել նրան կալանավորելու միջնորդությունը մերժելու որոշման դեմ։
Հունիսի 25-ին հայտնի դարձավ, որ
ՀՀ վերաքննիչ քրեական դատարանը մերժել է բողոքը՝ վարորդին թողնելով ազատության մեջ։
ՃՈ ավտոմեքենայի վարորդին մեղադրանք է ներկայացվել ՀՀ քրեական օրենսգրքի 242-րդ հոդվածի 2-րդ մասով (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) և 244-րդ հոդվածով (ճանապարհատրանսպորտային պատահարի վայրը թողնելը)։
