Մեծ Բրիտանիայի վարչապետը կասկածում է, որ Ռուսաստանի հետ պատերազմ կլինի

© AP Photo / Kirsty WigglesworthԲորիս Ջոնսոն
Բորիս Ջոնսոն - Sputnik Արմենիա, 1920, 28.06.2022
Բորիս Ջոնսոն
Բաժանորդագրվեք
НовостиTelegram
Ջոնսոնը պնդում է, որ ՆԱՏՕ-ի երկրներն Ուկրաինային միայն պաշտպանվելու համար են օգնում։
ԵՐԵՎԱՆ, 28 հունիսի – Sputnik. Մեծ Բրիտանիայի վարչապետ Բորիս Ջոնսոնը, պատասխանելով Ռուսաստանի հետ պատերազմի նախապատրաստվելու հնարավորության մասին հարցին, հայտարարել է, որ չի կարծում, թե հարցը դրան կհասնի։ Տեղեկությունը հայտնում է ՌԻԱ Նովոստին։

«Բնականաբար, մենք աշխատում ենք, որպեսզի սահմանափակվենք Ուկրաինայով», - հայտարարել Է Ջոնսոնը:

Նրա խոսքով՝ Ռուսաստանում կարող են փորձել ասել, որ դա ՆԱՏՕ-ի և ՌԴ-ի միջև հակամարտություն է, սակայն դա այդպես չէ: Ջոնսոնը պնդում է, որ ՆԱՏՕ-ի երկրներն Ուկրաինային միայն պաշտպանվելու համար են օգնում։
ՌԴ-ն Ուկրաինային զենք մատակարարելու պատճառով նոտա է հղել բոլոր երկրներին, այդ թվում՝ ԱՄՆ-ին: ՌԴ արտգործնախարար Սերգեյ Լավրովն ասել է, որ ցանկացած բեռ, որը սպառազինություն է պարունակում Ուկրաինայի համար, Ռուսաստանի համար օրինական թիրախ կդառնա: ՌԴ ԱԳՆ-ում նշել են, որ ՆԱՏՕ-ի երկրները, Ուկրաինային զենք մատակարարելով, կրակի հետ են խաղում։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 125-րդ օրը։
Լրահոս
0