https://arm.sputniknews.ru/20220628/shrjadardzajin-gvortsarq-stvoragrvel-e-kb-i-ev-varshavaji-fvondajin-bvorsaji-mijev-pajmanagiry-44356356.html
Շրջադարձային գործարք. ստորագրվել է ԿԲ-ի և Վարշավայի ֆոնդային բորսայի միջև պայմանագիրը
Շրջադարձային գործարք. ստորագրվել է ԿԲ-ի և Վարշավայի ֆոնդային բորսայի միջև պայմանագիրը
Sputnik Արմենիա
Մարտին Գալստյանը նշել է, որ գործարքը կարևոր փուլ է Հայաստանի կապիտալի շուկայի զարգացման առումով։ 28.06.2022, Sputnik Արմենիա
2022-06-28T19:18+0400
2022-06-28T19:18+0400
2022-06-28T19:19+0400
կենտրոնական բանկ (կբ)
մարտին գալստյան
հայաստան
վարշավա
https://cdn.am.sputniknews.ru/img/07e6/06/1c/44354895_0:0:2048:1153_1920x0_80_0_0_0f6adeee94f7b4cdb3def1405109ab76.jpg
ԵՐԵՎԱՆ, 28 հունիսի – Sputnik. ՀՀ կենտրոնական բանկի նախագահ Մարտին Գալստյանը և Վարշավայի ֆոնդային բորսայի (ՎՖԲ) կառավարող խորհրդի նախագահ Մարեկ Դիետլը ստորագրել են Հայաստանի ֆոնդային բորսայի (ՀՖԲ) բաժնետոմսերի հսկիչ փաթեթի վաճառքի վերաբերյալ պայմանագիրը, տեղեկությունը հայտնում է ԿԲ-ն:«Մեր նպատակն է համատեղ ջանքերով զարգացնել Հայաստանի կապիտալի շուկան և մեր բիզնեսը տարածաշրջանում: Մենք նաև ակնկալում ենք զարգացնել կապիտալի շուկայի ենթակառուցվածքները, ինչը բիզնեսին հնարավորություն կընձեռի ներգրավել կայուն և մատչելի կապիտալ, իսկ հասարակությանը՝ ավելի մասնագիտացված կերպով կառավարել խնայողությունները և ներդրումները»,–ասել է Վարշավայի ֆոնդային բորսայի կառավարող խորհրդի նախագահ Մարեկ Դիետլը:ԿԲ նախագահ Մարտին Գալստյանն էլ իր հերթին նշել է, որ սա կարևոր փուլ է Հայաստանի կապիտալի շուկայի զարգացման առումով։ Նրա խոսքով` այս գործարքը շրջադարձային կարող է լինել Հայաստանի կապիտալի շուկայի պատմության մեջ:Հիշեցնենք, որ ՎՖԲ կողմից ՀՖԲ ձեռքբերման մտադրության մասին հայտարարվել էր դեռևս 2020 թ-ի սեպտեմբերի 18-ին։ Դրանից հետո իրականացվել են անհրաժեշտ ուսումնասիրությունները, մշակվել է առաջիկա 5 տարվա զարգացման ծրագիր, և իրականացվել են անհրաժեշտ կորպորատիվ հաստատումները։ Իսկ ընթացիկ տարվա մայիսի 24-ի նիստում ՀՀ ԿԲ խորհուրդը համաձայնություն է տվել գործարքի իրականացմանը։Ըստ այդմ՝ ՎՖԲ-ն ձեռք է բերում ՀՖԲ բաժնետոմսերի 65.03 տոկոսը (967 հատ բաժնետոմս), ՀՀ ԿԲ-ն կպահպանի 25.02 տոկոս մասնակցություն, իսկ մնացած 9.95 տոկոսը ՀՖԲ սեփական բաժնետոմսերն են։ Գործարքի արժեքը շուրջ 873 մլն դրամ է, որի մի մասը՝ մոտ 499 մլն դրամ, կվճարվի բաժնետոմսերի գնման համաձայնության ստորագրումից հետո, իսկ մնացած մասը՝ բաժնետոմսերի գնման համաձայնությամբ նախատեսված գործընթացների ավարտից հետո։
վարշավա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
կենտրոնական բանկ (կբ), մարտին գալստյան, հայաստան, վարշավա
կենտրոնական բանկ (կբ), մարտին գալստյան, հայաստան, վարշավա
Շրջադարձային գործարք. ստորագրվել է ԿԲ-ի և Վարշավայի ֆոնդային բորսայի միջև պայմանագիրը
19:18 28.06.2022 (Թարմացված է: 19:19 28.06.2022) Մարտին Գալստյանը նշել է, որ գործարքը կարևոր փուլ է Հայաստանի կապիտալի շուկայի զարգացման առումով։
ԵՐԵՎԱՆ, 28 հունիսի – Sputnik. ՀՀ կենտրոնական բանկի նախագահ Մարտին Գալստյանը և Վարշավայի ֆոնդային բորսայի (ՎՖԲ) կառավարող խորհրդի նախագահ Մարեկ Դիետլը ստորագրել են Հայաստանի ֆոնդային բորսայի (ՀՖԲ) բաժնետոմսերի հսկիչ փաթեթի վաճառքի վերաբերյալ պայմանագիրը,
տեղեկությունը հայտնում է ԿԲ-ն:
«Մեր նպատակն է համատեղ ջանքերով զարգացնել Հայաստանի կապիտալի շուկան և մեր բիզնեսը տարածաշրջանում: Մենք նաև ակնկալում ենք զարգացնել կապիտալի շուկայի ենթակառուցվածքները, ինչը բիզնեսին հնարավորություն կընձեռի ներգրավել կայուն և մատչելի կապիտալ, իսկ հասարակությանը՝ ավելի մասնագիտացված կերպով կառավարել խնայողությունները և ներդրումները»,–ասել է Վարշավայի ֆոնդային բորսայի կառավարող խորհրդի նախագահ Մարեկ Դիետլը:
ԿԲ նախագահ Մարտին Գալստյանն էլ իր հերթին նշել է, որ սա կարևոր փուլ է Հայաստանի կապիտալի շուկայի զարգացման առումով։ Նրա խոսքով` այս գործարքը շրջադարձային կարող է լինել Հայաստանի կապիտալի շուկայի պատմության մեջ:
Հիշեցնենք, որ ՎՖԲ կողմից ՀՖԲ ձեռքբերման մտադրության մասին հայտարարվել էր դեռևս 2020 թ-ի սեպտեմբերի 18-ին։ Դրանից հետո իրականացվել են անհրաժեշտ ուսումնասիրությունները, մշակվել է առաջիկա 5 տարվա զարգացման ծրագիր, և իրականացվել են անհրաժեշտ կորպորատիվ հաստատումները։ Իսկ ընթացիկ տարվա մայիսի 24-ի նիստում ՀՀ ԿԲ խորհուրդը համաձայնություն է տվել գործարքի իրականացմանը։
Ըստ այդմ՝ ՎՖԲ-ն ձեռք է բերում ՀՖԲ բաժնետոմսերի 65.03 տոկոսը (967 հատ բաժնետոմս), ՀՀ ԿԲ-ն կպահպանի 25.02 տոկոս մասնակցություն, իսկ մնացած 9.95 տոկոսը ՀՖԲ սեփական բաժնետոմսերն են։ Գործարքի արժեքը շուրջ 873 մլն դրամ է, որի մի մասը՝ մոտ 499 մլն դրամ, կվճարվի բաժնետոմսերի գնման համաձայնության ստորագրումից հետո, իսկ մնացած մասը՝ բաժնետոմսերի գնման համաձայնությամբ նախատեսված գործընթացների ավարտից հետո։
