https://arm.sputniknews.ru/20220629/anhet-kvoratsneri-cavy-nujnpes-mets-e-inchpes-hervosabar-zvohvatsneriny-ajcelutjun-erablur-44430255.html

Անհետ կորածների ցավը նույնպես մեծ է, ինչպես հերոսաբար զոհվածներինը. այցելություն Եռաբլուր

Անհետ կորածների ցավը նույնպես մեծ է, ինչպես հերոսաբար զոհվածներինը. այցելություն Եռաբլուր

Sputnik Արմենիա

Այսօր Անհայտ կորած ազատամարտիկների հիշատակի օրն է։ 29.06.2022, Sputnik Արմենիա

2022-06-29T18:02+0400

2022-06-29T18:02+0400

2022-06-29T18:18+0400

երկրապահ կամավորական միություն (եկմ)

անհետ կորած

անհայտ զինվոր

հայ գերիներ, անհետ կորածներ

հհ պաշտպանության նախարարություն (պն)

https://cdn.am.sputniknews.ru/img/07e6/06/1d/44429327_0:0:1024:577_1920x0_80_0_0_38b89bb0a262df5da080f00ba24c2594.jpg

ԵՐԵՎԱՆ, 29 հունիսի – Sputnik. Հունիսի 29-ին, Անհայտ կորած ազատամարտիկների հիշատակի օրվա կապակցությամբ, «Եռաբլուր» զինվորական պանթեոն են այցելել անհետ կորածների հարազատներ, մարտական ընկերներ, հասարակական կազմակերպությունների ներկայացուցիչներ և զինվորականներ։ Տեղեկությունը հայտնում է պաշտպանության նախարարության մամուլի ծառայությունը։Եռաբլուր այցելածները հարգանքի տուրք են մատուցել և ծաղիկներ խոնարհել անհետ կորած ազատամարտիկների հուշակոթողի մոտ:ԵԿՄ նախագահ Սասուն Միքայելյանը նույնպես այսօր եղել է «Եռաբլուրում»։ԵԿՄ–ից տեղեկանում ենք, որ Միքայելյանն իր ելույթում ասել է` անհետ կորածների ճակատագրերն անհայտ են, բայց նրանց ոտնահետքերը մեր պատմության էջերում են:Հիշեցնենք, որ Արցախի ՆԳՆ արտակարգ իրավիճակների պետական ծառայությունն այսօր հայտնել էր` 44-օրյա պատերազմից հետո Արցախում մինչ օրս անհետ կորած է համարվում 53 անձ, 33-ը՝ զինվորական, 20-ը՝ քաղաքացիական։ Իսկ ապրիլի 7-ին կառավարության նիստի ժամանակ վարչապետ Նիկոլ Փաշինյանը հայտնել էր` արցախյան 2 պատերազմներից հետո գտնվելու վայրն անհայտ 985 մարդ ունենք, որից 208-ը 44-օրյա պատերազմից, իսկ 777-ն արցախյան առաջին պատերազմից։

2022

Լուրեր

am_HY

երկրապահ կամավորական միություն (եկմ), անհետ կորած, անհայտ զինվոր, հայ գերիներ, անհետ կորածներ, հհ պաշտպանության նախարարություն (պն)