Արբանյակային ինտերնետ կապ Հայաստանում. «Starlink»-ը կսփռվի նաև դժվարհասանելի վայրերում

CC BY 2.0 / Scott Winterroth / Նոթբուքներով աշխատող տղամարդիկ
Նոթբուքներով աշխատող տղամարդիկ - Sputnik Արմենիա, 1920, 02.07.2022
Նոթբուքներով աշխատող տղամարդիկ
Բաժանորդագրվեք
Yandex newsTelegram
«Starlink»-ը թույլ կտա համացանցից օգտվել այն հեռավոր վայրերում, որտեղ բացակայում են գծային և շարժական ինտերնետի ծառայությունները։
ԵՐԵՎԱՆ, 2 հուլիսի – Sputnik. Մեր տարածաշրջանում, այդ թվում՝ Հայաստանում, 2023-ից հասանելի կլինի «Starlink» ինտերնետ կապը։ Sputnik Արմենիայի գրավոր հարցմանն ի պատասխան հայտնում են ՀՀ բարձր տեխնոլոգիական արդյունաբերության նախարարությունից։
«Starlink»-ի պաշտոնական կայքում առկա քարտեզից պարզ է դառնում, որ Հայաստանը նույնպես ընդգրկված է այն երկրների ցանկում, որոնց արբանյակային ինտերնետ կմատակարարվի։ Խոսքը միլիարդատեր Իլոն Մասկի «SpaceX» ընկերության կողմից գործարկված «Starlink» համաշխարհային արբանյակային համակարգի ցանցի մասին է։
© Photo«Starlink»-ի պաշտոնական կայքում հրապարակված քարտեզը
Согласно карте спутникового интернет-провайдера Starlink, в нашем регионе, в том числе и в Армении, с 2023 года будет доступно интернет-соединение Starlink - Sputnik Արմենիա, 1920, 01.07.2022
«Starlink»-ի պաշտոնական կայքում հրապարակված քարտեզը
ԲՏԱ նախարարությունը հայտնում է, որ չնայած Հայաստանն ընդգրկված է քարտեզում, բայց այս պահին ինտերնետի մատակարարումների վերաբերյալ որևէ պայմանավորվածություն չկա ընկերության հետ։
««Starlink»-ը ՀՀ-ի համար կարող է դառնալ լրացուցիչ, իսկ որոշ դեպքերում՝ նաև այլընտրանքային ինտերնետ կապի տեսակ և թույլ կտա մարդկանց օգտվել ինտերնետից այն հեռավոր վայրերում, որտեղ բացակայում են գծային և շարժական ինտերնետ կապի ծառայությունները»,– ասված է գերատեսչության պատասխանում։
Միաժամանակ ԲՏԱ–ն տեղեկացնում է, որ ՀՀ օպերատորների կապի ծածկույթների քարտեզների համաձայն՝ ՀՀ բնակավայրերը 100 տոկոսով ապահովված են գծային և/կամ շարժական ինտերնետ կապի հասանելիությամբ։
Ինչ վերաբերում է արբանյակային կապի առանձնահատկություններին, ապա նախարարությունից նշում են, որ այն հիմնականում օգտագործվում է դժվարհասանելի աշխարհագրական վայրերում:
Հավելենք, որ «Starlink»-ի պաշտոնական կայքում ինտերնետային ծածկույթ ունենալու համար նախնական պատվեր գրանցելու հնարավորություն կա։ Ամսական արժեքը 99 դոլար է։ Ի դեպ, քարտեզում Հայաստանը մուգ կապույտով է նշված, ինչը նշանակում է, որ շուտով մենք էլ կօգտվենք այդ ինտերնետից։
Հիշեցնենք` մայիսին «SpaceX»-ը թվիթերյան իր էջում հայտնել էր, որ «Starlink»-ն արդեն հասանելի է աշխարհի 32 երկրում, ծածկույթ է ապահովում ԱՄՆ-ում, Մեքսիկայում, Կանադայում, Եվրոպայում, Ավստրալիայում և Նոր Զելանդիայում։
Լրահոս
0