Հարություն Հովհաննիսյանը դարձավ Եվրոպայի փոխչեմպիոն

© Photo : Wrestling - ArmeniaՀարություն Հովհաննիսյանը 57կգ քաշային կարգի եզրափակիչում պարտվեց իտալացի Վինչենցո Պիրոդուին ու դարձավ Եվրոպայի առաջնության արծաթե մեդալակիր
Հարություն Հովհաննիսյանը 57կգ քաշային կարգի եզրափակիչում  պարտվեց իտալացի Վինչենցո Պիրոդուին ու դարձավ Եվրոպայի առաջնության արծաթե մեդալակիր - Sputnik Արմենիա, 1920, 02.07.2022
Բաժանորդագրվեք
Yandex newsTelegram
Հռումում ընթացող ազատ ոճի ըմբշամարտի մինչև 20 տարեկան ըմբիշների Եվրոպայի առաջնության մրցումային երկրորդ օրը կայանալու են եզրափակիչ գոտեմարտերը հինգ քաշային կարգերում։ Հինգից երեքում Հայաստանը ներկայացուցիչ ունի։
ԵՐԵՎԱՆ, 2 հուլիսի – Sputnik, Խաչիկ Չախոյան. Մինչև 20 տարեկան ըմբիշների Եվրոպայի առաջնությունում ազատ ոճի ըմբիշ Հարություն Հովհաննիսյանը 57կգ քաշային կարգի եզրափակիչում պարտվեց իտալացի Վինչենցո Պիրոդուին ու դարձավ Եվրոպայի առաջնության արծաթե մեդալակիր։
Ըմբիշ Մուշեղ Մկրտչյանը հաղթեց ադրբեջանցի մրցակցին և դուրս եկավ եզրափակիչ
Հաշվի առնելով Եվրոպայի առաջնությունում մինչև եզրափակիչ հասնելը, վստահ կարելի է ասել, որ Հարություն Հովհաննիսյանը նման չէր իրեն։ Իտալացի Վինչենցո Պիրոդուի հետ գոտեմարտում հայ ըմբիշը չկարողացավ ոչ մի արդյունավետ գործողություն իրականացնել ու պարտվեց։
57 կգ քաշային կարգում Հարություն Հովհաննիսյանը Եվրոպայի առաջնությունում իր հաղթանակների սկիզբը դրեց` 10։0 հաշվով առավելության հասնելով Մեծ Բրիտանիայի ներկայացուցիչ Հարվի Ռիդինգսի նկատմամբ։ Նույն հաշվով մեր ըմբիշը առավելության հասավ նաև մոլդովացի Դմիտրի Կարաստոյանովի և վրացի Լուկա Գվինջիլիայի նկատմամբ։ Սակայն եզրափակիչում այդ տեմպը պահել չկարողացավ ու զրկվեց ոսկե մեդալից։
Մեր մեկ այլ ըմբիշ` Տիգրան Ղազարյանը, 65կգ քաշային կարգում հաղթելով սփոփիչ գոտեմարտում, իրավունք էր ստացել գոտեմարտելու բրոնզե մեդալի համար։ Նրա մրցակիցը մոլդովացի Կոնստանտին Չիրիլովն էր։
Տիգրանը առաջին մրցափուլում առավելություն ստացավ 4։1 հաշվով, սակայն երկրորդում զիջեց առավելությունը մրցակցին ու պարտվեց 5։6 հաշվով։
Ըմբիշ Սուրեն Աղաջանյանը 9:1 հաշվով հաղթեց ադրբեջանցուն
Նշենք, որ այսօր Եվրոպայի առաջնության եզրափակիչում չեմպիոնի տիտղոսի համար գոտեմարտելու են Հայկ Պապիկյանը (70կգ) և Մուշեղ Մկրտչյանը (79կգ)։
Վաղը մինչև 20 տարեկան ըմբիշների Եվրոպայի առաջնության վերջին օրն է։
Լրահոս
0