Թուրքիան Շվեդիային և Ֆինլանդիային թույլ չի տա անդամակցել ՆԱՏՕ-ին, եթե...

© AP Photo / Geert Vanden WijngaertՆԱՏՕ-ի անդամ երկրների դրոշները Բրյուսելում կազմակերպության շենքի առջև
ՆԱՏՕ-ի անդամ երկրների դրոշները Բրյուսելում կազմակերպության շենքի առջև - Sputnik Արմենիա, 1920, 03.07.2022
ՆԱՏՕ-ի անդամ երկրների դրոշները Բրյուսելում կազմակերպության շենքի առջև. Արխիվային լուսանկար
Բաժանորդագրվեք
Yandex newsTelegram
Թուրքիայի կառավարության անդամը հայտարարել է, որ «Թուրքիայի ցանկությունները կատարվել են», և գործընթացը շարունակվում է:
ԵՐԵՎԱՆ, 3 հուլիսի – Sputnik. Անկարայիառջև ստանձնած պարտավորությունները չկատարելու դեպքում Թուրքիան թույլ չի տա Շվեդիային և Ֆինլանդիային դառնալ ՆԱՏՕ-ի անդամ։ Այս մասին հայտարարել է երկրի արդարադատության նախարար Բեքիր Բոզդաղը: Նրա խոսքը մեջբերում է ՌԻԱ Նովոստին։
Նախօրեին Մադրիդում ՆԱՏՕ-ի գագաթնաժողովին Շվեդիան, Ֆինլանդիան և Թուրքիան անվտանգության հուշագիր են ստորագրել, որը արգելանքից հանել է ՆԱՏՕ-ին Շվեդիայի և Ֆինլանդիայի անդամակցության շուրջ բանակցությունների մեկնարկը: Երկրները պայմանավորվել են ուժեղացնել համագործակցությունը ահաբեկչության դեմ պայքարում, ներառյալ՝ Թուրքիայում արգելված Քրդստանի Աշխատավորական կուսակցության (ՔԱԿ) դեմ, տեղեկատվության փոխանակման ոլորտում, համաձայնության են եկել արտահանձնման շուրջ։ Թուրքիան ավելի վաղ արգելափակել էր անդամակցության գործընթացը՝ մտահոգություն հայտնելով ՔԱԿ-ին Ստոկհոլմի և Հելսինկիի աջակցության կապակցությամբ:
«Այն, ինչ մենք արել ենք, բարձրացրել է Թուրքիայի հեղինակությունը ինչպես երկրի ներսում, այնպես էլ նրա սահմաններից դուրս: Թուրքիան դարձել է մի երկիր, որի ձայնին ականջալուր են լինում բոլոր իմաստներով ։ Ի՞նչ ենք մենք ասել։ Եթե Շվեդիան և Ֆինլանդիան, որոնք աջակցում են ահաբեկչությանը և ինկուբատոր են հանդիսանում ՔԱԿ-ի, FETÖ-ի (իսլամական քարոզիչ Ֆեթուլլահ Գյուլենի կազմակերպությունը, որի հետ Անկարան կապում է հեղաշրջման փորձը՝ խմբ.) և այլ ահաբեկչական կազմակերպությունների համար, հանդես չգան ահաբեկչության դեմ և չպարտավորվեն կոնկրետ պայմաններում կատարել Թուրքիայի այդ պահանջները, ապա մենք թույլ չենք տա նրանց ՆԱՏՕ-ի անդամ դառնալ», - ասել է Բոզդաղը:
Նրա խոսքով՝ «Թուրքիայի ցանկությունները կատարվել են», և գործընթացը շարունակվում է։
«Թուրքիան մի երկիր է, որը հավատարիմ է իր խոսքին։ Մեր իրավունքն է ակնկալել, որ մեր առջև ևս հավատարիմ կմնան իրենց խոստումներին»,-ընդգծել է Բոզդաղը։
Անդրադառնալով թուրքական ընդդիմությանը, որը դժգոհ է ՆԱՏՕ-ին Շվեդիայի և Ֆինլանդիայի անդամակցության վերաբերյալ Անկարայի դիրքորոշումից, Բոզդաղը նշել է, որ նրանք փորձում են խեղաթյուրել հաջողությունը:
Հունաստանում Էրդողանին մեղադրել են իրենց ներքին գործերին միջամտելու համար
Լրահոս
0