«Առնվազն ազնիվ չէ». Արթուր Ղազինյանը հրաժարվում է պատգամավորական մանդատից

© Sputnik / Asatur YesayantsԱրթուր Ղազինյան
Արթուր Ղազինյան - Sputnik Արմենիա, 1920, 04.07.2022
Արթուր Ղազինյան
Բաժանորդագրվեք
Yandex newsTelegram
Ղազինյանը «Հայաստան» խմբակցության իր գործընկերներին մաղթում է քաղաքական շրջահայացություն և հաջողություն։
ԵՐԵՎԱՆ, 4 հուլիսի – Sputnik. ԱԺ «Հայաստան» խմբակցության անդամ Արթուր Ղազինյանը հրաժարվում է պատգամավորական մանդատից։ Նա գրառում է արել ֆեյսբուքյան իր էջում։

«Որոշել եմ վայր դնել իմ պատգամավորական մանդատը. ստեղծված իրավիճակում դա համարում եմ ամենաճիշտ ու արդարացված որոշումը: Պատճառների մասին հիմա չեմ ցանկանում խոսել. դրանք կրում են բացառապես քաղաքական ու մարտավարական բնույթ։ Այս պահին կարող եմ միայն ասել` այս ԱԺ-ում որևէ օրակարգով իմ հետագա աշխատանքն այլևս չեմ պատկերացնում, իսկ այդ պայմաններում պահպանել ԱԺ պատգամավորի կարգավիճակը, չեմ կարող. առնվազն ազնիվ չէ»,– գրել է Ղազինյանը։

Նա նաև հայտնել է, որ շարունակելու է մասնակցել «Դիմադրություն» շարժման բողոքի ակցիաներին, իսկ «Հայաստան» խմբակցության իր գործընկերներին մաղթել է քաղաքական շրջահայացություն և հաջողություն։
«Հավատացեք` այնտեղ կան բազմաթիվ ազնիվ, նվիրյալ ու հայրենասեր անձիք»,– նշել է Ղազինյանը։
Հիշեցնենք` 2019 թվականի փետրվարի 19-ին Արթուր Ղազինյանը հիմնեց «Մեկ Հայաստան» կուսակցությունը։ 2021թ. հունիսի 20-ին ԱԺ պատգամավոր ընտրվեց «Հայաստան» կուսակցությունների դաշինքի համապետական ընտրական ցուցակով:
Պատժամիջոցներ ընդդիմադիրների նկատմամբ. դրանց հետևանքները բացասական չե՞ն լինի
Նշենք, որ հունիսի 21-ին պատգամավորական մանդատը վայր դրեց նաև ԱԺ «Պատիվ ունեմ» խմբակցության ղեկավար Արթուր Վանեցյանը։
Լրահոս
0