ՀՀ նախագահը շնորհավորական ուղերձ է հղել Ջո Բայդենին

© Sputnik / Asatur YesayantsՎահագն Խաչատուրյան
Վահագն Խաչատուրյան - Sputnik Արմենիա, 1920, 04.07.2022
Վահագն Խաչատուրյան
Բաժանորդագրվեք
Yandex newsTelegram
Վահագն Խաչատուրյանի խոսքով` Հայաստանը բարձր է գնահատում Միացյալ Նահանգների շարունակական աջակցությունը։
ԵՐԵՎԱՆ, 4 հուլիսի – Sputnik. Հայաստանի նախագահ Վահագն Խաչատուրյանը Ամերիկայի Միացյալ Նահանգների նախագահ Ջո Բայդենին շնորհավորական ուղերձ է հղել ազգային տոնի՝ Անկախության օրվա առթիվ: Տեղեկությունը հրապարակվել է ՀՀ նախագահի կայքում։

«Ամերիկայի Միացյալ Նահանգները Հայաստանի Հանրապետության կարևորագույն գործընկերներից է: Հայաստանը մեծապես կարևորում է մեր երկրների միջև առկա բարեկամությունը, ինչպես նաև բազմոլորտ սերտ համագործակցությունը: Վստահ եմ, որ համատեղ ջանքերով կամրապնդենք առկա փոխգործակցությունը՝ հարստացնելով երկկողմ օրակարգը և ընդլայնելով գործընկերային հարաբերությունները ռազմավարական երկխոսության շրջանակում»,– ասված է ուղերձում:

ՀՀ նախագահը շեշտել է, որ Հայաստանը բարձր է գնահատում Միացյալ Նահանգների շարունակական աջակցությունն ու ջանքերը՝ ուղղված ինչպես մեր տարածաշրջանում խաղաղության և կայունության պահպանմանը, այնպես էլ ժողովրդավարական ու տնտեսական բարեփոխումներին:
Լրահոս
0