Գոլազուրկ խաղ. Հայաստանի և Ռումինիայի չեմպիոնների խաղն ավարտվեց ոչ–ոքի հաշվով

© Photo : FC Pyunik«Փյունիկ»–«Կլուժ» հանդիպում
«Փյունիկ»–«Կլուժ» հանդիպում - Sputnik Արմենիա, 1920, 05.07.2022
«Փյունիկ»–«Կլուժ» հանդիպում
Բաժանորդագրվեք
Yandex newsTelegram
Թիմերի պատասխան հանդիպումը կկայանա Ռումինիայում։ Հաղթանակի դեպքում «Փյունիկը» կշարունակի պայքարը Չեմպիոնների լիգայի որակավորման երկրորդ փուլում։
ԵՐԵՎԱՆ, 5 հուլիսի – Sputnik. Չեմպիոնների լիգայի որակավորման առաջին փուլում «Փյունիկը», որն այս մրցաշրջանում 15-րդ անգամ նվաճեց Հայաստանի չեմպիոնի կոչումը, ընդունեց Ռումինիայի չեմպիոն «Կլուժ» թիմին։ Հանդիպման ընթացքում մեր թիմը խաղային որոշակի առավելություն ուներ երկրորդ խաղակեսում, բայց հաջողության հասնել չկարողացավ, և հանդիպումն ավարտվեց ոչ–ոքի հաշվով։ Խաղի ընթացքում գոլ չգրանցվեց։
Հաշվի առնելով, որ մինչ այս հանդիպումը «Փյունիկից» հեռացել էին մի շարք առանցքային խաղացողներ, այդ թվում` Ուգո Ֆիրմինոն, Սերժ Դեբլեն, Գևորգ Ղազարյանն ու Արման Հովհաննիսյանը` Հայաստանի գործող չեմպիոնը արժանի մասնակցություն դրսևորեց, պարզապես չկարողացավ արդյունավետ հարված հասցնել։
Թիմերի պատասխան հանդիպումը կկայանա Ռումինիայում հուլիսի 13-ին։
Հաղթանակի դեպքում «Փյունիկը» կշարունակի պայքարը Չեմպիոնների լիգայի որակավորման երկրորդ փուլում, դիմակայությունում պարտվելու դեպքում Եղիշե մելիքյանի գլխավորած թիմը հանդես կգա Կոնֆերենցիաների լիգայում։
© Photo : FC PyunikԵրկրպագուներ
Болельщики на трибунах во время игры между командами Пюник и Клуж в отборочном раунде Лиги чемпионов на Республиканском стадионе имени Вазгена Саркисяна (5 июля 2022). Еревaн - Sputnik Արմենիա, 1920, 05.07.2022
Երկրպագուներ
«Փյունիկի» թիմին է միացել նիգերիացի հարձակվող Յուսուֆ Օտուբանջոն
Լրահոս
0