https://arm.sputniknews.ru/20220706/kakhardakan-senjakner-zarmacnvogh-tesaranner-gjumrium-bacvec-iljuzianeri-tangarany-44815966.html

«Կախարդական» սենյակներ, զարմացնող տեսարաններ. Գյումրիում բացվեց Իլյուզիաների թանգարանը

«Կախարդական» սենյակներ, զարմացնող տեսարաններ. Գյումրիում բացվեց Իլյուզիաների թանգարանը

Sputnik Արմենիա

Իլյուզիաների թանգարանը դասական թանգարան չէ, այն իր մեջ պարունակում է կրթություն, ժամանց, զարմանք։ 06.07.2022, Sputnik Արմենիա

2022-07-06T20:34+0400

2022-07-06T20:34+0400

2022-07-06T20:34+0400

գյումրի

թանգարան

https://cdn.am.sputniknews.ru/img/07e6/07/06/44812887_0:99:1600:999_1920x0_80_0_0_795f5f0239efc39fa6cdb334c86435d8.jpg

ԵՐԵՎԱՆ, 6 հուլիսի – Sputnik. Գյումրիում` Շիրակացի 50/Ա հասցեում, այսօր պաշտոնապես բացվեց Հայաստանում առաջին Իլյուզիաների թանգարանը։ Այստեղ ֆիզիկայի, մաթեմատիկայի, հոգեբանության վրա հիմնված շուրջ 50 ցուցանմուշ կա։Թանգարանի այցելուները հնարավորություն ունեն տեսնելու առաջին հայացքից սովորական թվացող, բայց իրականում «կախարդական» սենյակներ, որտեղ, բացի զարմանալուց ու զվարճանալուց, կարելի է ձեռք բերել նոր գիտելիքներ տարբեր ոլորտներից:Թանգարանի հիմնադրման գաղափարը համահիմնադիր Գրիշա Ամիրխանյանն ու իր ընկերն ունեցել են դեռ 3 տարի առաջ։ Հավանական վայր ընտրել են Երևանն ու Գյումրին, բայց վերջնական կանգ են առել Գյումրիի վրա, որպես զբոսաշրջության ակտիվ վայր։ Գյումրիում շատ են դասական թանգարանները, սակայն այս մեկը ժամանցային է ու տարբերվող:«Սա դասական թանգարան չէ, իր մեջ պարունակում է կրթություն, ժամանց, զարմանք. այստեղ երեք երևույթները հանդիպում են։ Ցուցանմուշներից ամեն մեկն առանձին ծրագիր է։ Հուսամ` շատ շուտով սա կդառնա Գյումրու նոր այցեքարտը»,- Sputnik Արմենիայի հետ զրույցում ասաց Ամիրխանյանը։Նա պատմեց, որ թանգարան բացելը բավականին բարդ ընթացք է ունեցել: «Սկզբում մեզ թվում էր, թե մենք կարողանալու ենք ընդամենը 2-3 ամսում ստեղծել թանգարան, բայց հետո հասկացանք, որ կան ցուցանմուշներ, որոնցից յուրաքանչյուրի վրա է պետք ծախսել 2-3 ամիս»,-նշեց Գրիշա Ամիրխանյանը:Անդրադառնալով գնային քաղաքականությանը՝ տոմսի առավելագույն արժեքը 4500 դրամ է, թանգարանի համահիմնադիրը փաստեց՝ հունիսի 11-ից՝ թանգարանի ոչ պաշտոնական բացման օրվանից, այցելուների թիվն ավելին է, քան ակնկալում էին։

գյումրի

2022

Լուրեր

am_HY

գյումրի, թանգարան