Ռուսաստանը միշտ այնպես է բանակցություններ վարում, որ հետո ամոթ չլինի․ Լավրով

© Sputnik / Пресс-служба Президента РФ / Անցնել մեդիապահոցՎլադիմիր Պուտինն ու Էմանուել Մակրոնը
Վլադիմիր Պուտինն ու Էմանուել Մակրոնը - Sputnik Արմենիա, 1920, 06.07.2022
Բաժանորդագրվեք
НовостиTelegram
Ռուսաստանի արտգործնախարարը նշել է, որ դիվանագիտական էթիկան, իհարկե, ձայնագրման միակողմանի արտահոսք չի ենթադրում։
ԵՐԵՎԱՆ, 6 հուլիսի – Sputnik. Ռուսաստանը միշտ բանակցում է այնպես, որ հետո ամոթ չլինի, և պատրաստ է պատասխան տալ իր խոսքերի ու դիրքորոշման համար։ Այս մասին այսօր հայտարարել է ՌԴ արտգործնախարար Սերգեյ Լավրովը՝ մեկնաբանելով Ֆրանսիայի կողմից Ռուսաստանի և Ֆրանսիայի նախագահներ Վլադիմիր Պուտինի և Էմանուել Մակրոնի գաղտնի բանակցությունների հրապարակումը։
Մակրոնը չի բացառում Պուտինի հետ նոր շփումները
Օրերս France 2 հեռուստաալիքը փաստագրական ֆիլմ է ցուցադրել Ելիսեյան պալատի մասին։ Ֆիլմը ստացել է «Նախագահը, Եվրոպան ու պատերազմը» անվանումը։ Ֆիլմում խոսվում է նաև փետրվարի 20-ին Պուտինի հետ Մակրոնի զրույցի մասին։ Ֆիլմի հեռարձակումից մի քանի օր առաջ Le Temps պարբերականը հրապարակել էր նախագահների բանակցությունների վերծանումը: Հեռախոսազրույցի ժամանակ ժամանակ Պուտինը Ուկրաինայի նախագահ Վլադիմիր Զելենսկուն մեղադրում էր Մինսկի համաձայնությունների կատարման նախապատրաստման մասին ստելու մեջ: Մակրոնը Պուտինին խնդրում էր «հանգստացնել» Ուկրաինայի հետ սահմանին գտնվող իր զորքերին։
«Մենք առհասարակ բանակցություններն այնպես ենք վարում, որ հետո երբեք չամաչենք դրա համար։ Մենք միշտ ասում ենք այն, ինչ մտածում ենք, և պատրաստ ենք պատասխան տալ այդ խոսքերի համար և բացատրել մեր դիրքորոշումը»,-ասել է Լավրովը Վիետնամի ԱԳ նախարար Բույ Թհան Շոնի հետ Հանոյում կայացած մամուլի ասուլիսի ժամանակ:
Լավրովը նշել է, որ դիվանագիտական էթիկան, իհարկե, ձայնագրման այսպիսի միակողմանի արտահոսք չի ենթադրում։
ՌԴ-ն բաց է Կիևի հետ երկխոսությունը վերսկսելու համար. Պուտինը զրուցել է Մակրոնի և Շոլցի հետ
ՌԴ ԱԳ նախարարը նաև ստախոսություն է անվանել Կիևի հայտարարություններն այն մասին, թե Ռուսաստանն ինքն է գնդակոծում իր քաղաքները՝ Ուկրաինային զենքի մատակարարումը խափանելու համար:
«Արևմտյան երկրներն, իհարկե, պետք է գիտակցեն իրենց պատասխանատվությունը, անկախ այն բանից, թե ինչպես և ինչ են խոսում Զելենսկին և նրա թիմը, Արևմուտքը պետք է գիտակցի իր պատասխանատվությունը խաղաղ բնակիչների մահվան համար, առաջին հերթին՝ Դոնբասում։ Ուկրաինայի մյուս մասերում, որտեղ Կիևի ռեժիմն այդ սպառազինությունն օգտագործում է խաղաղ բնակչության դեմ` որպես վախեցնելու միջոց, մեծ հաշվով՝ դա պետական ահաբեկչություն է»,-ավելացրել է նախարարը։
Նշենք, որ հատուկ գործողության մեկնարկից ի վեր` փետրվարի 24-ից հետո Մակրոնը Պուտինի հետ հեռախոսով խոսել է արդեն առնվազն 10 կամ 11 անգամ։ Ֆրանսիայի նորագույն պատմության և քաղաքականության մասնագետ Յուրի Ռուբինսկին կարծում է, որ այդ «արտահոսքը» հիմնականում պետք է դիտարկել որպես անձամբ Մակրոնի երկարաժամկետ ռազմավարություն, նա ձգտում է խուսափել նոր սառը պատերազմից:
Լրահոս
0