https://arm.sputniknews.ru/20220707/gagik-tsarukjani-khaghatuny-kazatvi-42-mlrd-dram-petakan-turqic-44838352.html
Գագիկ Ծառուկյանի խաղատունը կազատվի 4.2 մլրդ դրամ պետական տուրքից
Գագիկ Ծառուկյանի խաղատունը կազատվի 4.2 մլրդ դրամ պետական տուրքից
Sputnik Արմենիա
Նիկոլ Փաշինյանի խոսքով` խաղատունը կկարողանա զրոյական պարտավորությամբ սկսել իր աշխատանքը։ 07.07.2022, Sputnik Արմենիա
2022-07-07T12:39+0400
2022-07-07T12:39+0400
2022-07-07T13:31+0400
հայաստան
հհ կառավարություն
գագիկ ծառուկյան
խաղատուն
https://cdn.am.sputniknews.ru/img/2343/30/23433076_0:0:1600:901_1920x0_80_0_0_bffa7861cac9fcc1d4e66accc3863965.jpg
ԵՐԵՎԱՆ, 7 հուլիսի – Sputnik. Գործարար Գագիկ Ծառուկյանին պատկանող «Մուլտի Գրուպ» կոնցեռնի կազմում ընդգրկված «Օնիրա Քլաբ» խաղատունը ՀՀ կառավարության այսօրվա որոշմամբ կազատվի 2020 թ–ից ի վեր չվճարած 4.2 մլրդ դրամ հարկային պարտավորությունից։ՀՀ ֆինանսների փոխնախարար Արման Պողոսյանը, ներկայացնելով որոշման նախագիծը, հայտնեց, որ խնդիրը ծագել է 2020թ–ին, երբ կորոնավիրուսի համավարակի պատճառով Հայաստանի ամբողջ տարածքում արգելվել էր խաղատների գործունեությունը։ Փոխնախարարը հիշեցրեց, որ Հայաստանում խաղատները տարեկան 1.75 մլրդ դրամ գումար են վճարում լիցենզավորված գործունեության համար։Հիսուսի արձանը կկառուցվի Հատիս լեռան վրա. կառավարության գնահատականը դրական է«Ֆինանսների նախարարի` 2020 թվականի նոյեմբերի 20-ի թիվ 350-Ա հրամանով «Օնիրա Քլաբ» սահմանափակ պատասխանատվությամբ ընկերությանը տրված լիցենզիան կասեցվել է պետական տուրքը չվճարելու հիմքով։ Ընկերությունը վիճարկել է նախարարի հրամանը, դատական գործընթացներ են սկսվել։ Այնուհետ ֆինանսների նախարարությունն ի վնաս իրեն, այսինքն` հօգուտ ընկերության կայացրած որոշումը վիճարկել է վերաքննիչ դատարանում։ Հարցն ի վերջո հանգուցալուծվել է վճռաբեկ դատարանում մայիսի 18-ին կայացրած որոշմամբ, որով ընկերության օգտին կայացրած վճիռը մտել է ուժի մեջ»,– ասաց Պողոսյանը` նշելով, որ այդ որոշմամբ խաղատունն ազատվել է 2020թ–ից ի վեր կուտակված 4.2 մլրդ դրամ պետտուրքը վճարելու պարտավորությունից։ՀՀ վարչապետ Նիկոլ Փաշինյանն էլ պարզաբանեց, որ խաղատունը չաշխատելով պետք է տուրք վճարեր, ինչի հետ չի համաձայնել ու դիմել է դատարան։Անկախ Հայաստանի պատմության մեջ առաջին անգամ նոր գյուղ կկառուցվի. Փաշինյան«Եթե մենք հիմա այս կետի վրա կանգնենք, նույն պրոցեսի մեջ ենք մտնելու, այսինքն` փակուղին շարունակվելու է»,– ասաց Փաշինյանը` հավելելով, որ պետտուրքի վճարումն իր վրա վերցնելով` պետությունը փաստորեն աշխատանքը զրոյական պարտավորությամբ վերսկսելու հնարավորություն է տալիս խաղատանը։ Ընդ որում` ոչ թե որոշման կայացման պահից, այլ 2022թ–ի հոկտեմբերի 1-ից, քանի որ ընկերությունը ժամանակ է խնդրել բիզնեսը վերականգնելու համար։Նշենք, որ «Մուլտի Գրուպ» կոնցեռնի կազմում ընդգրկված «Օնիրա Քլաբ» ՍՊԸ-ն ներկայացնում է նաև «Փարավոն» հանգստի և ժամանցի համալիրը։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, հհ կառավարություն, գագիկ ծառուկյան, խաղատուն
հայաստան, հհ կառավարություն, գագիկ ծառուկյան, խաղատուն
Գագիկ Ծառուկյանի խաղատունը կազատվի 4.2 մլրդ դրամ պետական տուրքից
12:39 07.07.2022 (Թարմացված է: 13:31 07.07.2022) Նիկոլ Փաշինյանի խոսքով` խաղատունը կկարողանա զրոյական պարտավորությամբ սկսել իր աշխատանքը։
ԵՐԵՎԱՆ, 7 հուլիսի – Sputnik. Գործարար Գագիկ Ծառուկյանին պատկանող «Մուլտի Գրուպ» կոնցեռնի կազմում ընդգրկված «Օնիրա Քլաբ» խաղատունը ՀՀ կառավարության այսօրվա որոշմամբ կազատվի 2020 թ–ից ի վեր չվճարած 4.2 մլրդ դրամ հարկային պարտավորությունից։
ՀՀ ֆինանսների փոխնախարար Արման Պողոսյանը, ներկայացնելով որոշման նախագիծը, հայտնեց, որ խնդիրը ծագել է 2020թ–ին, երբ կորոնավիրուսի համավարակի պատճառով Հայաստանի ամբողջ տարածքում արգելվել էր խաղատների գործունեությունը։ Փոխնախարարը հիշեցրեց, որ Հայաստանում խաղատները տարեկան 1.75 մլրդ դրամ գումար են վճարում լիցենզավորված գործունեության համար։
«Ֆինանսների նախարարի` 2020 թվականի նոյեմբերի 20-ի թիվ 350-Ա հրամանով «Օնիրա Քլաբ» սահմանափակ պատասխանատվությամբ ընկերությանը տրված լիցենզիան կասեցվել է պետական տուրքը չվճարելու հիմքով։ Ընկերությունը վիճարկել է նախարարի հրամանը, դատական գործընթացներ են սկսվել։ Այնուհետ ֆինանսների նախարարությունն ի վնաս իրեն, այսինքն` հօգուտ ընկերության կայացրած որոշումը վիճարկել է վերաքննիչ դատարանում։ Հարցն ի վերջո հանգուցալուծվել է վճռաբեկ դատարանում մայիսի 18-ին կայացրած որոշմամբ, որով ընկերության օգտին կայացրած վճիռը մտել է ուժի մեջ»,– ասաց Պողոսյանը` նշելով, որ այդ որոշմամբ խաղատունն ազատվել է 2020թ–ից ի վեր կուտակված 4.2 մլրդ դրամ պետտուրքը վճարելու պարտավորությունից։
ՀՀ վարչապետ Նիկոլ Փաշինյանն էլ պարզաբանեց, որ խաղատունը չաշխատելով պետք է տուրք վճարեր, ինչի հետ չի համաձայնել ու դիմել է դատարան։
«Եթե մենք հիմա այս կետի վրա կանգնենք, նույն պրոցեսի մեջ ենք մտնելու, այսինքն` փակուղին շարունակվելու է»,– ասաց Փաշինյանը` հավելելով, որ պետտուրքի վճարումն իր վրա վերցնելով` պետությունը փաստորեն աշխատանքը զրոյական պարտավորությամբ վերսկսելու հնարավորություն է տալիս խաղատանը։ Ընդ որում` ոչ թե որոշման կայացման պահից, այլ 2022թ–ի հոկտեմբերի 1-ից, քանի որ ընկերությունը ժամանակ է խնդրել բիզնեսը վերականգնելու համար։
Նշենք, որ «Մուլտի Գրուպ» կոնցեռնի կազմում ընդգրկված «Օնիրա Քլաբ» ՍՊԸ-ն ներկայացնում է նաև «Փարավոն» հանգստի և ժամանցի համալիրը։
