https://arm.sputniknews.ru/20220707/chalabjani-anmeghutjuny-havastvogh-bazmativ-pastakan-tvjalner-kan-pastabanner-44845600.html
Չալաբյանի անմեղությունը հավաստող բազմաթիվ փաստական տվյալներ կան. փաստաբաններ
Չալաբյանի անմեղությունը հավաստող բազմաթիվ փաստական տվյալներ կան. փաստաբաններ
Sputnik Արմենիա
Չալաբյանի փաստաբաններն առաջիկայում մամուլի ասուլիսով հանդես կգան։ 07.07.2022, Sputnik Արմենիա
2022-07-07T13:39+0400
2022-07-07T13:39+0400
2022-07-07T13:39+0400
ավետիք չալաբյան
կալանք
փաստաբան
հայաստան
https://cdn.am.sputniknews.ru/img/07e6/06/18/44113352_0:26:1600:926_1920x0_80_0_0_da30dfe00de9072124d2e465c2c9221b.jpg
ԵՐԵՎԱՆ, 7 հուլիսի – Sputnik. «Համախմբում» շարժման անդամ, «Արար» հիմնադրամի համահիմնադիր Ավետիք Չալաբյանի մեղքը հիմնավորող ապացույցներ ոչ միայն չկան, այլ նաև առկա են նրա անմեղությունը հավաստող բազմաթիվ փաստական տվյալներ։ Նման հայտարարությամբ է հանդես եկել Չալաբյանի փաստաբանական խումբը` ի պատասխան ՔԿ–ի երեկ հրապարակած հաղորդման։ՔԿ–ն երեկ հայտնել էր, որ Չալաբյանի դեմ հարուցված քրգործի նախաքննությունն ավարտվել է։ Նշվում էր, որ ձեռք բերված բավարար ապացույցների համակցությամբ՝ Չալաբյանին մեղադրանք է առաջադրվել:Միաժամանակ, փաստաբանները նշում են, որ դատավարական ղեկավարում իրականացնող դատախազի կողմից մեղադրական եզրակացությունը հաստատելուց և դատարան ուղարկելուց հետո հանդես կգան մամուլի ասուլիսով:Հիշեցնենք` Ավետիք Չալաբյանը ձերբակալվել է ուսանողական խորհրդի նախագահին նյութապես շահագրգռելու կասկածանքով։ Քննչական մարմնի պնդմամբ` նյութապես շահագրգռելու նպատակը Հայաստանի ազգային ագրարային համալսարանի ուսանողների մասնակցությունն ընդդիմության ցույցերին ապահովելն է։Այս գործով Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով (երթերին կամ ցույցերին մասնակցելուն բռնություն գործադրելով կամ դա գործադրելու սպառնալիքով հարկադրելը) հարուցվել է քրեական գործ։Մայիսի 14-ին նա 2 ամսով կալանավորվեց։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ավետիք չալաբյան, կալանք, փաստաբան, հայաստան
ավետիք չալաբյան, կալանք, փաստաբան, հայաստան
Չալաբյանի անմեղությունը հավաստող բազմաթիվ փաստական տվյալներ կան. փաստաբաններ
Չալաբյանի փաստաբաններն առաջիկայում մամուլի ասուլիսով հանդես կգան։
ԵՐԵՎԱՆ, 7 հուլիսի – Sputnik. «Համախմբում» շարժման անդամ, «Արար» հիմնադրամի համահիմնադիր Ավետիք Չալաբյանի մեղքը հիմնավորող ապացույցներ ոչ միայն չկան, այլ նաև առկա են նրա անմեղությունը հավաստող բազմաթիվ փաստական տվյալներ։ Նման հայտարարությամբ է հանդես եկել Չալաբյանի փաստաբանական խումբը` ի պատասխան ՔԿ–ի երեկ հրապարակած հաղորդման։
ՔԿ–ն երեկ
հայտնել էր, որ Չալաբյանի դեմ հարուցված քրգործի նախաքննությունն ավարտվել է։ Նշվում էր, որ ձեռք բերված բավարար ապացույցների համակցությամբ՝ Չալաբյանին մեղադրանք է առաջադրվել:
«Նախաքննության ավարտով պայմանավորված` պաշտպանական թիմը ծանոթացել է գործի նյութերին և ներկայացրել մի շարք միջնորդություններ։ Գործի նյութերին ծանոթանալուց հետո, ինչպես և ակնկալվում էր, պարզ դարձավ, որ ոչ միայն չկան Չալաբյանի մեղքը հիմնավորող ապացույցներ, այլ ճիշտ հակառակը՝ առկա են Ավետիք Չալաբյանի անմեղությունը հավաստող բազմաթիվ փաստական տվյալներ։ Դրանք հրապարակային դատաքննության արդյունքում կհանրայնացվեն և կդառնան անպատասխան մնացած բոլոր հարցերի պատասխանները»,–ասված է Չալաբյանի փաստաբանների հայտարարության մեջ։
Միաժամանակ, փաստաբանները նշում են, որ դատավարական ղեկավարում իրականացնող դատախազի կողմից մեղադրական եզրակացությունը հաստատելուց և դատարան ուղարկելուց հետո հանդես կգան մամուլի ասուլիսով:
Հիշեցնենք`
Ավետիք Չալաբյանը ձերբակալվել է ուսանողական խորհրդի նախագահին նյութապես շահագրգռելու կասկածանքով։ Քննչական մարմնի պնդմամբ` նյութապես շահագրգռելու նպատակը Հայաստանի ազգային ագրարային համալսարանի ուսանողների մասնակցությունն ընդդիմության ցույցերին ապահովելն է։
Այս գործով Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով (երթերին կամ ցույցերին մասնակցելուն բռնություն գործադրելով կամ դա գործադրելու սպառնալիքով հարկադրելը) հարուցվել է քրեական գործ։
