Հիսուսի արձանը կկառուցվի Հատիս լեռան վրա. կառավարության գնահատականը դրական է

© Sputnik / Asatur YesayantsԳագիկ Ծառուկյան
Գագիկ Ծառուկյան - Sputnik Արմենիա, 1920, 07.07.2022
Բաժանորդագրվեք
Yandex newsTelegram
Վարչապետը հույս հայտնեց, որ նախագիծը կարճ ժամկետում կքննարկվի, քանի որ կարիք կա կարճ ժամանակում մի շարք վարչական որոշումներ կայացնելու։
ԵՐԵՎԱՆ, 7 հուլիսի – Sputnik. ՀՀ կառավարությունը դրական եզրակացություն է տվել Հայաստանում Հիսուս Քրիստոսի արձանը տեղադրելու` գործարար Գագիկ Ծառուկյանի նախաձեռնությանը։
Այս մասին այսօր կառավարության նիստում հայտարարեց ՀՀ վարչապետ Նիկոլ Փաշինյանը` հավելելով, որ արձանը կկառուցվի Հատիս լեռան վրա։

«Գիտեք, որ «Մուլտի գրուպ» կոնցեռնի նախագահը հանդես է եկել նախաձեռնությամբ` Հատիս սարի վրա Հիսուս Քրիստոսի արձանի կառուցման վերաբերյալ։ Համապատասխան փաստաթղթերը ներկայացվել են կառավարություն։ Կառավարությունը, համապատասխան մարմինները պետք է քննարկեն ու եզրակացությունը ներկայացնեն։ Մեր նախնական գնահատականը դրական է նախագծի վերաբերյալ, որովհետև կարծում ենք, որ այն կմեծացնի Հայաստանի նկատմամբ զբոսաշրջային հետաքրքրությունը»,– ասաց Փաշինյանը։

Վարչապետը հույս հայտնեց, որ նախագիծը կարճ ժամկետում կքննարկվի, քանի որ կարիք կա նաև մի շարք վարչական որոշումներ կայացնելու։
Հիշեցնենք` Հայաստանում Հիսուսի արձան տեղադրելու մասին Ծառուկյանը տեղեկացրել էր հունվարի 14-ին և ընդգծել` նախագծի իրականացման համար մրցույթ է հայտարարում, որի ընդունման վերջնաժամկետը փետրվարի 20-ն է։
Նշենք, որ ԲՀԿ առաջնորդի ցանկությամբ` միայն արձանի բարձրությունը` առանց պատվանդանի, պետք է լինի 33 մետր։
Մարտի 24-ին Հայ առաքելական եկեղեցին հանդես էր եկել հայտարարությամբ, որով հորդորում էր Գագիկ Ծառուկյանին զերծ մնալ Հիսուս Քրիստոսի արձանի պատրաստումից։ Նշվում էր, որ նման արձանը հակասում է Հայաստանյաց առաքելական սուրբ եկեղեցու ավանդույթին։ Սակայն եկեղեցու դիրքորոշումը Ծառուկյանին հետ չպահեց իր մտքից, ավելին` նա 3 հակափաստարկ ներկայացրեց ի պատասխան ու շարունակեց նախագծի իրագործումը։
Մայիսի 10–ին Ծառուկյանը հայտնեց, որ Հիսուս Քրիստոսի մոնումենտալ արձան-համալիրի նախաձեռնության մրցութն ավարտվել է, հաղթող է ճանաչվել քանդակագործ Արմեն Սամվելյանի նախագիծը։
Լրահոս
0