Կրակոցներ Բելառուս-Լիտվա սահմանին. սահմանապահները ձերբակալել են 4 մարդու

© Sputnik / Виктор Толочко / Անցնել մեդիապահոցԲելոռուսա–լիտվական սահման
Բելոռուսա–լիտվական սահման - Sputnik Արմենիա, 1920, 07.07.2022
Բելոռուսա–լիտվական սահման
Բաժանորդագրվեք
НовостиTelegram
Օրինախախտները փորձել են մեքենայով թաքնվել անտառում և չեն արձագանքել սահմանապահների՝ կանգ առնելու բազմիցս պահանջներին։
ԵՐԵՎԱՆ, 7 հուլիսի – Sputnik. Բելառուսի սահմանապահները Լիտվայի սահմանին չորս սահմանխախտի են ձերբակալել։ Այս մասին հայտնում է Բելառուսի պետական սահմանային կոմիտեի կայքը։
«Հուլիսի 6-ի գիշերը Պոլոտսկի սահմանապահներն օպերատիվ տեղեկություն են ստացել սահմանի մոտ մի խումբ անհայտ անձանց մասին։ Սահմանապահ պարեկը, որը ժամանել է խախտման վայր, տեսել է չորս տղամարդու։ Նրանք փորձել են մեքենայով թաքնվել անտառում, կանգ առնելու բազմիցս խնդրանքներին չեն արձագանքել»,- ասվում է հաղորդագրության մեջ։
Նշվում է, որ սահմանապահները հարկադրված են եղել կրակ բացել մեքենայի ուղղությամբ նախազգուշական կրակոցից հետո։
Ձերբակալվածները Բելառուսի Վիտեբսկի մարզի Պոստավի շրջանից են՝ 23-ից 42 տարեկան։ Դեպքի վայրում և նրանց բնակության վայրում հայտնաբերվել է ջերմանկարահանող սարք, գիշերային տեսանելիության սարք, վեց ռադիոկայան և նավիգատոր։ Սահմանի ապօրինի հատման փորձի, սահմանային ռեժիմի խախտման և սահմանապահ ծառայության օրինական պահանջներին չենթարկված բոլոր իրավախախտների նկատմամբ հարուցվել է վարչական գործընթաց։
Լրահոս
0