https://arm.sputniknews.ru/20220707/petq-e-akhtovoshel-hajastani-ancjali-u-nerkaji-khndirnery-zohrab-mnacakanjan-44887890.html
Պետք է ախտորոշել Հայաստանի անցյալի ու ներկայի խնդիրները․ Զոհրաբ Մնացականյան
Պետք է ախտորոշել Հայաստանի անցյալի ու ներկայի խնդիրները․ Զոհրաբ Մնացականյան
Sputnik Արմենիա
Ըստ Մնացականյանի, ժողովրդավարությունը, ազատությունը և մարդու իրավունքները գլխավոր արժեքներն են, որ պետք է լինեն Հայաստանում։ 07.07.2022, Sputnik Արմենիա
2022-07-07T21:12+0400
2022-07-07T21:12+0400
2022-07-07T21:13+0400
համաժողով
զոհրաբ մնացականյան
ռուբեն վարդանյան
հայաստան
https://cdn.am.sputniknews.ru/img/07e6/07/07/44877380_0:72:1600:972_1920x0_80_0_0_2f4b2ca7398f83e682d9a9409ee0952d.jpg
ԵՐԵՎԱՆ, 7 հուլիսի – Sputnik. Պետք է անկեղծորեն ախտորոշել Հայաստանի անցյալի ու ներկայի խնդիրները՝ հասկանալու համար, թե ինչ սխալներ են թույլ տրվել Հայաստանում, Արցախում և Սփյուռքում և լուծել դրանք։ Այս մասին հայտարարել է Հայաստանի նախկին արտգործնախարար Զոհրաբ Մնացականյանը նոյեմբերին կայանալիք «Ապագա Հայկականը» համաժողովի մեկնարկի պաշտոնական արարողության ժամանակ։«Անցյալն ուսումնասիրելը կարևոր է հասկանալու համար, թե ինչ արժեհամակարգով է ապրում ժողովուրդը, որքանո՞վ են նրա համար տեղին այնպիսի արժեքներ, ինչպիսիք են ժողովրդավարությունը, ազատությունները և մարդու իրավունքները։ Հենց դրանք կարող են նպաստել մարդու ներուժի իրացմանը», - ասել է Մնացականյանը։Սրան ի պատասխան համաժողովի համահեղինակներից Ռուբեն Վարդանյանը նշել է, որ 20 տարի շարունակ ինքն ու իր համախոհները փորձում են ավելի լավ ապագա ստեղծել Հայաստանի համար։Վարդանյանի խոսքով, կարևոր է, որ ազատություններն ու ժողովրդավարությունը չշփոթվեն պոպուլիզմի եւ այլ բացասական երեւույթների հետ։«Ապագա Հայկականը» հանրային նախաձեռնություն է՝ մեկնարկած հայերի և ամբողջ աշխարհից Հայաստանի բարեկամների կողմից, որի նպատակն է ստեղծել Հայաստանի և հայ ազգի կայուն զարգացման շուրջ համընդհանուր գիտակցություն և փոխըմբռնում: Նախաձեռնությունն ունի 15 նպատակ, թե ինչպիսին պետք է լինի Հայաստանի և հայ ժողովրդի ապագան և ինչպես է պետք հասնել դրան։ Արցախի ապագայի հարցը ոչ ոք չի կարող լուծել, բացի Արցախի ժողովրդից. Ռուբեն ՎարդանյանԱյդ նպատակներն են՝ տեսլականի սահմանում, երաշխավորված պետականություն, պատմական պատասխանատվություն (Հայոց ցեղասպանության ճանաչման համար պայքար), ազատ Արցախ, ՀՀ-Սփյուռք միասնականություն, ուժեղ Սփյուռք, ուժեղ դաշինքներ, մրցունակ տնտեսություն, բնակչության աճ, կրթության գերազանցություն, գիտության, տեխնոլոգիաների և ստեղծագործականության գերակայություն, ողջամիտ կառավարում, արդար հանրություն և նվազեցված անհավասարություններ, ժառանգության պահպանում և փաստերի վրա հիմնված որոշումների կայացում։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
համաժողով, զոհրաբ մնացականյան, ռուբեն վարդանյան, հայաստան
համաժողով, զոհրաբ մնացականյան, ռուբեն վարդանյան, հայաստան
Պետք է ախտորոշել Հայաստանի անցյալի ու ներկայի խնդիրները․ Զոհրաբ Մնացականյան
21:12 07.07.2022 (Թարմացված է: 21:13 07.07.2022) Ըստ Մնացականյանի, ժողովրդավարությունը, ազատությունը և մարդու իրավունքները գլխավոր արժեքներն են, որ պետք է լինեն Հայաստանում։
ԵՐԵՎԱՆ, 7 հուլիսի – Sputnik. Պետք է անկեղծորեն ախտորոշել Հայաստանի անցյալի ու ներկայի խնդիրները՝ հասկանալու համար, թե ինչ սխալներ են թույլ տրվել Հայաստանում, Արցախում և Սփյուռքում և լուծել դրանք։ Այս մասին հայտարարել է Հայաստանի նախկին արտգործնախարար Զոհրաբ Մնացականյանը նոյեմբերին կայանալիք «Ապագա Հայկականը» համաժողովի մեկնարկի պաշտոնական արարողության ժամանակ։
«Անցյալն ուսումնասիրելը կարևոր է հասկանալու համար, թե ինչ արժեհամակարգով է ապրում ժողովուրդը, որքանո՞վ են նրա համար տեղին այնպիսի արժեքներ, ինչպիսիք են ժողովրդավարությունը, ազատությունները և մարդու իրավունքները։ Հենց դրանք կարող են նպաստել մարդու ներուժի իրացմանը», - ասել է Մնացականյանը։
Սրան ի պատասխան համաժողովի համահեղինակներից Ռուբեն Վարդանյանը նշել է, որ 20 տարի շարունակ ինքն ու իր համախոհները փորձում են ավելի լավ ապագա ստեղծել Հայաստանի համար։
«Երբ երիտասարդ էինք, վստահ էինք, որ կարող ենք արագ հասնել մեր նպատակներին: Հիմա հասկանում ենք, որ ճանապարհը դժվար է, բայց մեկ է՝ կարող ենք հաջողության հասնել։ Պետք է վերլուծենք պատմությունը և հասկանանք, թե ինչն է խանգարել մեզ պետականություն ունենալ»,- ասել է Վարդանյանը։
Վարդանյանի խոսքով, կարևոր է, որ ազատություններն ու ժողովրդավարությունը չշփոթվեն պոպուլիզմի եւ այլ բացասական երեւույթների հետ։
«Ապագա Հայկականը» հանրային նախաձեռնություն է՝ մեկնարկած հայերի և ամբողջ աշխարհից Հայաստանի բարեկամների կողմից, որի նպատակն է ստեղծել Հայաստանի և հայ ազգի կայուն զարգացման շուրջ համընդհանուր գիտակցություն և փոխըմբռնում: Նախաձեռնությունն ունի 15 նպատակ, թե ինչպիսին պետք է լինի Հայաստանի և հայ ժողովրդի ապագան և ինչպես է պետք հասնել դրան։
Այդ նպատակներն են՝ տեսլականի սահմանում, երաշխավորված պետականություն, պատմական պատասխանատվություն (Հայոց ցեղասպանության ճանաչման համար պայքար), ազատ Արցախ, ՀՀ-Սփյուռք միասնականություն, ուժեղ Սփյուռք, ուժեղ դաշինքներ, մրցունակ տնտեսություն, բնակչության աճ, կրթության գերազանցություն, գիտության, տեխնոլոգիաների և ստեղծագործականության գերակայություն, ողջամիտ կառավարում, արդար հանրություն և նվազեցված անհավասարություններ, ժառանգության պահպանում և փաստերի վրա հիմնված որոշումների կայացում։
