https://arm.sputniknews.ru/20220708/vovqer-en-shahelu-ankankhik-gvortsarnutjunneri-masin-orenqic-parzabanum-e-tntesagety-44954906.html
Ովքե՞ր են շահելու «Անկանխիկ գործառնությունների մասին» օրենքից. պարզաբանում է տնտեսագետը
Ովքե՞ր են շահելու «Անկանխիկ գործառնությունների մասին» օրենքից. պարզաբանում է տնտեսագետը
Sputnik Արմենիա
Աուդիտորների պալատի նախագահ, տնտեսագետ Նաիրի Սարգսյանը Sputnik Արմենիայի եթերում անդրադարձել է այն հարցին, թե «Անկանխիկ գործառնությունների մասին» օրենքն ինչ... 08.07.2022, Sputnik Արմենիա
2022-07-08T22:36+0400
2022-07-08T22:36+0400
2022-07-08T22:45+0400
ռադիո
տնտեսագետ
անկանխիկ վճարում
հայաստան
բանկ
պոդկաստ
առևտուր
https://cdn.am.sputniknews.ru/img/07e6/07/08/44950117_0:134:1600:1034_1920x0_80_0_0_fef3cb0ad4fa8bd8fa28a3cc0e14ac8c.jpg
«Անկանխիկ գործառնությունների մասին» օրենքը տնտեսվարողներին շատ դեպքերում դրդելու է ստվերի
Sputnik Արմենիա
«Անկանխիկ գործառնությունների մասին» օրենքը տնտեսվարողներին շատ դեպքերում դրդելու է ստվերի
«Անկանխիկ գործառնությունների մասին» օրենքը վատն է և որևէ դրական ազդեցություն չի կարող թողնել Հայաստանի տնտեսության, քաղաքացիների ու տնտեսվարողների վրա, ավելին` մեր հասարակությունը պատրաստ չէր անկանխիկ գործառնությունների նորարարությանը: Sputnik Արմենիայի հետ զրույցում նման կարծիք հայտնեց Աուդիտորների պալատի նախագահ, տնտեսագետ Նաիրի Սարգսյանը։Նա մատնանշեց օրենքի երեք շահառուներին, որոնք անխուսափելիորեն կրելու են վնասներ։ Այդ շահառուներն են ՀՀ շարքային քաղաքացիները, բիզսնես միջավայրի ներկայացուցիչներն ու ներդրողները։ Սարգսյանի համոզմամբ` «Անկանխիկ գործառնությունների մասին» օրենքից շահելու են միայն բանկերի սեփականատերերը։Կազմակերպությունները պատրա՞ստ են հուլիսի 1-ից 300.000-ը գերազանցող անկանխիկ գործարքներինՆշենք, որ այս տարվա հուլիսի 1-ից ուժի մեջ է մտել «Անկանխիկ գործառնությունների մասին» օրենքը, համաձայն որի, պետական կամ համայնքային բյուջեներից և այդ բյուջեներ կատարվող ցանկացած վճարում, նաև նոտարական ու փաստաբանական ծառայությունների վճարները կատարվում են անկանխիկ եղանակով, իսկ 300 000 դրամը գերազանցող գործարքները միայն անկանխիկ պետք է իրականացնեն նաև քաղաքացիներն ու անհատ ձեռներեցները։Սարգսյանի խոսքով` տուժելու են նաև տնտեսվարող սուբյեկտները, քանի որ ավելանալու են նրանց ծախսերը, ինչն էլ իհարկե բասացաբար է անդրադառնալու շահույթների ծավալների վրա` շատ դեպքերում բիզնեսին դրդելով ստվերի։ Նրա պնդմամբ` ավելի շատ վնաս են կրելու փոքր ու միջին ձեռնարկությունները, որոնք շահագրգռված կլինեն ավելի շատ աշխատել սև դաշտում` թաքցնելով իրական շրջանառությունը։Անշարժ գույքի շուկայում ռիսկերը նվազեցնելու համար նախընտրում են վճարման անկանխիկ եղանակըՆա նշեց, որ շատ դեպքերում ներդրողները մտածում են ազատությունների մասին, և որքան շատ է պետությունը փորձում բիզնեսը պահել վերահսկողության տակ, այնքան գործարարները փորձում են միջոցներ գտնել վերահսկողությունից խուսափելու համար։ Նման դեպքերում կապիտալը տեղաշարժվում է այլ երկրներ, որտեղ պայմաններն ավելի հարմար են։Սարգսյանի դիտարկմամբ` օրենքով բոլորին պարտադրում են գումարները պահել բանկերում և միայն բանկերի միջոցով գործարքներ իրականացնել կամ այլ կերպ ասած` օրենքով ստիպում են, որ բանկային գործունեությունը անվճար գումարներ ներգրավի և տոկոսներով վաճառի քաղաքացիների ու տնտեսվարողների վրա։Հիշեցնենք, որ «Անկանխիկ գործառնությունների մասին» օրենքի համաձայն` բժշկական ու կրթական հաստատությունները նույնպես հուլիսի 1-ից՝ Երևանում, հաջորդ տարվա հուլիսի 1-ից` մարզկենտրոններում, իսկ 2024 թվականի հուլիսի 1-ից` Հայաստանի ողջ տարածքում, իրենց մատուցած ծառայությունների դիմաց ցանկացած վճար ընդունելու են բացառապես անկանխիկ։Նույն ժամանակացույցն է գործելու մասնավոր հատվածում աշխատավարձի վճարման դեպքում։ Այսինքն՝ հուլիսի 1-ից՝ Երևանում, հաջորդ հուլիսի 1-ից` մարզկենտրոններում, իսկ 2024-ի հուլիսի 1-ից` ողջ Հայաստանում, մասնավոր հատվածը, նոտարները, փաստաբանները աշխատավարձերը ստանալու են միայն անկանխիկ։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տնտեսագետ, անկանխիկ վճարում, հայաստան, բանկ, պոդկաստ, առևտուր, аудио
տնտեսագետ, անկանխիկ վճարում, հայաստան, բանկ, պոդկաստ, առևտուր, аудио
Ովքե՞ր են շահելու «Անկանխիկ գործառնությունների մասին» օրենքից. պարզաբանում է տնտեսագետը
22:36 08.07.2022 (Թարմացված է: 22:45 08.07.2022) Աուդիտորների պալատի նախագահ, տնտեսագետ Նաիրի Սարգսյանը Sputnik Արմենիայի եթերում անդրադարձել է այն հարցին, թե «Անկանխիկ գործառնությունների մասին» օրենքն ինչ բացասական հետևանքներ կարող է ունենալ քաղաքացիների ու տնտեսվարողների համար։
«Անկանխիկ գործառնությունների մասին» օրենքը վատն է և որևէ դրական ազդեցություն չի կարող թողնել Հայաստանի տնտեսության, քաղաքացիների ու տնտեսվարողների վրա, ավելին` մեր հասարակությունը պատրաստ չէր անկանխիկ գործառնությունների նորարարությանը:
Sputnik Արմենիայի հետ զրույցում նման կարծիք հայտնեց Աուդիտորների պալատի նախագահ, տնտեսագետ Նաիրի Սարգսյանը։
Նա մատնանշեց օրենքի երեք շահառուներին, որոնք անխուսափելիորեն կրելու են վնասներ։ Այդ շահառուներն են ՀՀ շարքային քաղաքացիները, բիզսնես միջավայրի ներկայացուցիչներն ու ներդրողները։ Սարգսյանի համոզմամբ` «Անկանխիկ գործառնությունների մասին» օրենքից շահելու են միայն բանկերի սեփականատերերը։
Նշենք, որ այս տարվա հուլիսի 1-ից ուժի մեջ է մտել «Անկանխիկ գործառնությունների մասին» օրենքը, համաձայն որի, պետական կամ համայնքային բյուջեներից և այդ բյուջեներ կատարվող ցանկացած վճարում, նաև նոտարական ու փաստաբանական ծառայությունների վճարները կատարվում են անկանխիկ եղանակով, իսկ 300 000 դրամը գերազանցող գործարքները միայն անկանխիկ պետք է իրականացնեն նաև քաղաքացիներն ու անհատ ձեռներեցները։
«Տվյալ օրենքը բնակչությանը վնասելու է այն առումով, որ մարդիկ կատարելու են ծախսեր, և ժամանակի ընթացքում բանկերը կարող են գանձել կատարվող գործարքների 5 և ավելի տոկոսի հասնող միջնորդավճար։ Բանկային համակարգն այս պահի դրությամբ գործող սակագնային պլանով 1,5-5 տոկոս ձեռքբերումների ժամանակ գումար է գանձում, վճարհաշվարկային կազմակերպությունները` 3-6 տոկոսի շրջանակներում, էլեկտրոնային դրամապանակները` մոտ 4 տոկոսի շրջանակներում։ Այսինքն` քաղաքացին միջինը 5 տոկոս պետք է վճարի միայն բանկից փողը վարձակալելու համար, որովհետև իրավունք չունի կանխիկ միջոցներով շրջանառություն իրականացնել։ Օրինակ` 100 հազար դրամից 5000-ը վճարվելու է բանկին»,- պարզաբանեց տնտեսագետը։
Սարգսյանի խոսքով` տուժելու են նաև տնտեսվարող սուբյեկտները, քանի որ ավելանալու են նրանց ծախսերը, ինչն էլ իհարկե բասացաբար է անդրադառնալու շահույթների ծավալների վրա` շատ դեպքերում բիզնեսին դրդելով ստվերի։ Նրա պնդմամբ` ավելի շատ վնաս են կրելու փոքր ու միջին ձեռնարկությունները, որոնք շահագրգռված կլինեն ավելի շատ աշխատել սև դաշտում` թաքցնելով իրական շրջանառությունը։
Նա նշեց, որ շատ դեպքերում ներդրողները մտածում են ազատությունների մասին, և որքան շատ է պետությունը փորձում բիզնեսը պահել վերահսկողության տակ, այնքան գործարարները փորձում են միջոցներ գտնել վերահսկողությունից խուսափելու համար։ Նման դեպքերում կապիտալը տեղաշարժվում է այլ երկրներ, որտեղ պայմաններն ավելի հարմար են։
«ՀՀ-ն առանց այդ էլ գրավիչ չէ ներդրողների համար` սկսած անվտանգային բաղադրիչներով, վերջացրած լոգոստիկ խնդիրներով ու պոտենցիալ աշխատակազմի կարողություններով, և եթե սահմանվում է նաև փողի խիստ վերահսկողություն, ապա ներդրողները կնախընտրեն տեղակայվել Թուրքիայում կամ Վրաստանում»,- ասաց տնտեսագետը։
Սարգսյանի դիտարկմամբ` օրենքով բոլորին պարտադրում են գումարները պահել բանկերում և միայն բանկերի միջոցով գործարքներ իրականացնել կամ այլ կերպ ասած` օրենքով ստիպում են, որ բանկային գործունեությունը անվճար գումարներ ներգրավի և տոկոսներով վաճառի քաղաքացիների ու տնտեսվարողների վրա։
Հիշեցնենք, որ «Անկանխիկ գործառնությունների մասին» օրենքի համաձայն` բժշկական ու կրթական հաստատությունները նույնպես հուլիսի 1-ից՝ Երևանում, հաջորդ տարվա հուլիսի 1-ից` մարզկենտրոններում, իսկ 2024 թվականի հուլիսի 1-ից`
Հայաստանի ողջ տարածքում, իրենց մատուցած ծառայությունների դիմաց ցանկացած վճար ընդունելու են բացառապես անկանխիկ։
Նույն ժամանակացույցն է գործելու մասնավոր հատվածում աշխատավարձի վճարման դեպքում։ Այսինքն՝ հուլիսի 1-ից՝ Երևանում, հաջորդ հուլիսի 1-ից` մարզկենտրոններում, իսկ 2024-ի հուլիսի 1-ից` ողջ Հայաստանում, մասնավոր հատվածը, նոտարները, փաստաբանները աշխատավարձերը ստանալու են միայն անկանխիկ։
