https://arm.sputniknews.ru/20220708/hamacancum-nvor-kadrer-en-hajtnvel-tshapvoniaji-nakhkin-varchapet-sindzvo-abei-mahapvordzic-44964593.html
Համացանցում նոր կադրեր են հայտնվել Ճապոնիայի նախկին վարչապետ Սինձո Աբեի մահափորձից
Համացանցում նոր կադրեր են հայտնվել Ճապոնիայի նախկին վարչապետ Սինձո Աբեի մահափորձից
Sputnik Արմենիա
Քաղաքական գործիչը 67 տարեկան էր։ Առաջիկայում նրա մարմինը պետք է Տոկիո տեղափոխեն։ 08.07.2022, Sputnik Արմենիա
2022-07-08T22:56+0400
2022-07-08T22:56+0400
2022-07-08T23:40+0400
ճապոնիա
վարչապետ
մահափորձ
սինձո աբե
մահ
https://cdn.am.sputniknews.ru/img/07e6/07/08/44928136_0:84:1600:984_1920x0_80_0_0_ab323438f93094f98ac7d0f18e50085b.jpg
ԵՐԵՎԱՆ, 8 հուլիսի – Sputnik. Ճապոնական ԶԼՄ–ները նոր տեսանյութ են հրապարակել, որում երևում է Ճապոնիայի նախկին վարչապետ Սինձո Աբեի վրա իրականացված հարձակման պահը։Հարձակումը տեղի է ունեցել տեղի ժամանակով ժամը 11.30-ի սահմաններում ճապոնական Նարա քաղաքում։ Քաղաքական գործիչն այնտեղ փողոցում հավաքված ընտրողների առաջ ելույթ էր ունենում հուլիսի 10-ին նախանշված Ազգային խորհրդարանի վերին պալատի ընտրությունների նախաշեմին։Այդ ժամանակ վարչապետի թիկունքում` 5 մետր հեռավորության վրա, տղամարդ էր թաքնվել։Հեռուստատեսությամբ ցույց են տվել մոխրագույն շապիկ ու մարմնագույն տաբատ հագած ճապոնացուն։ Նրա դեմքին բժշկական դիմակ է եղել և ակնոց, ուսին էլ` պայուսակ։Հանցագործի ձեռքով ընդհատվեց ականավոր գործչի կյանքը. Պուտինը` Աբեի մահվան մասինԻնչ–որ պահի նա սև կպչուն ժապավենով փաթաթված երկփողանի ինքնաշեն հրացան է հանում, որից հետո երկու բարձր կրակոց է լսվում։Առաջին կրակոցը, ըստ ամենայնի, Աբեին չի դիպել. տեսանյութում նա շրջվում է, որ տեսնի` ինչ է կատարվում։ Բայց երկրորդ կրակոցից հետո քաղաքական գործիչն ընկնում է, նրա պարանոցի և կրծքավանդակի շրջանում արյան հետքեր են հայտնվում։Հիշեցնենք` բժիշկների արագ արձագանքման խումբը վերակենդանացման գործողություններ և արյան փոխներարկում էր կատարել, սակայն Աբեին փրկել այդպես էլ չէր հաջողվել։ Նա մի քանի ժամ անց մահացել էր հիվանդանոցում։ Նա 67 տարեկան էր։ Առաջիկայում նրա մարմինը պետք է Տոկիո տեղափոխեն։
https://arm.sputniknews.ru/20220708/sindzvo-abei-spanutjuny-khetaqnni-90-hvoguc-baghkacats-hatuk-khumby-44952277.html
ճապոնիա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ճապոնիա, վարչապետ, մահափորձ, սինձո աբե, մահ
ճապոնիա, վարչապետ, մահափորձ, սինձո աբե, մահ
Համացանցում նոր կադրեր են հայտնվել Ճապոնիայի նախկին վարչապետ Սինձո Աբեի մահափորձից
22:56 08.07.2022 (Թարմացված է: 23:40 08.07.2022) Քաղաքական գործիչը 67 տարեկան էր։ Առաջիկայում նրա մարմինը պետք է Տոկիո տեղափոխեն։
ԵՐԵՎԱՆ, 8 հուլիսի – Sputnik. Ճապոնական ԶԼՄ–ները նոր տեսանյութ են հրապարակել, որում երևում է Ճապոնիայի նախկին վարչապետ Սինձո Աբեի վրա իրականացված հարձակման պահը։
Հարձակումը տեղի է ունեցել տեղի ժամանակով ժամը 11.30-ի սահմաններում ճապոնական Նարա քաղաքում։ Քաղաքական գործիչն այնտեղ փողոցում հավաքված ընտրողների առաջ ելույթ էր ունենում հուլիսի 10-ին նախանշված Ազգային խորհրդարանի վերին պալատի ընտրությունների նախաշեմին։
Այդ ժամանակ վարչապետի թիկունքում` 5 մետր հեռավորության վրա, տղամարդ էր թաքնվել։
Հեռուստատեսությամբ ցույց են տվել մոխրագույն շապիկ ու մարմնագույն տաբատ հագած ճապոնացուն։ Նրա դեմքին բժշկական դիմակ է եղել և ակնոց, ուսին էլ` պայուսակ։
Ինչ–որ պահի նա սև կպչուն ժապավենով փաթաթված երկփողանի ինքնաշեն հրացան է հանում, որից հետո երկու բարձր կրակոց է լսվում։
Առաջին կրակոցը, ըստ ամենայնի, Աբեին չի դիպել. տեսանյութում նա շրջվում է, որ տեսնի` ինչ է կատարվում։ Բայց երկրորդ կրակոցից հետո քաղաքական գործիչն ընկնում է, նրա պարանոցի և կրծքավանդակի շրջանում արյան հետքեր են հայտնվում։
Հիշեցնենք` բժիշկների արագ արձագանքման խումբը վերակենդանացման գործողություններ և արյան փոխներարկում էր կատարել, սակայն Աբեին փրկել այդպես էլ չէր հաջողվել։
Նա մի քանի ժամ անց մահացել էր հիվանդանոցում։ Նա 67 տարեկան էր։ Առաջիկայում նրա մարմինը պետք է Տոկիո տեղափոխեն։
