Կանադան Ռուսաստանից ոսկու և դրանից պատրաստված այլ ապրանքների ներմուծման արգելք է սահմանել

Ոսկի - Sputnik Արմենիա, 1920, 08.07.2022
Բաժանորդագրվեք
Yandex newsTelegram
Ընդհանուր առմամբ երկրի իշխանությունները հուլիսի 8-ից սահմանափակումներ են մտցրել ոսկուց պատրաստված 6 խումբ ապրանքի նկատմամբ։
ԵՐԵՎԱՆ, 8 հուլիսի – Sputnik. Կանադայի իշխանությունները հուլիսի 8-ից կարգելեն ռուսական ոսկու և դրանից պատրաստված մի շարք ապրանքների ներմուծումը։ Տեղեկությունը հայտնում է երկրի կառավարության մամուլի ծառայությունը:
«Կանադայի կառավարությունն արգելում է ռուսական ծագում ունեցող ոսկու առանձին արտադրատեսակների ներմուծումը՝ բացառելով այն, որ այդ արտադրանքը մուտք գործի միջազգային շուկաներ։ Այդպիսով սահմանափակվում է նաև Ռուսաստանի՝ ռազմական գործողություններ իրականացնելու համար միջոցներ ստանալու հնարավորությունը»,- ասված է հայտարարության մեջ:
Առավելագույնը` 40-60 դոլարի մակարդակում. ԱՄՆ–ն քննարկում է ռուսական նավթի գինը
Ներմուծման արգելքի տակ են ընկնում ապրանքների հետևյալ խմբերը՝ բնական ձևով, չմշակված ոսկի, այդ թվում՝ փոշու ձևով, կիսամշակված ձևով, ոսկերչական իրեր և թանկարժեք մետաղների մասեր, բացառությամբ արծաթի:
Կանադայի իշխանությունները հուլիսի 8-ից սահմանափակումներ են մտցրել ընդհանուր առմամբ ոսկու 6 խմբի ապրանքների դեմ։
Լրահոս
0