Սուրիկ Խաչատրյանի որդին կալանավորված կմնա. փաստաբան

© Photo : BlognewsՍուրիկ Խաչատրյան
Սուրիկ Խաչատրյան - Sputnik Արմենիա, 1920, 08.07.2022
Սուրիկ Խաչատրյան
Բաժանորդագրվեք
Yandex newsTelegram
Փաստաբան Բենիկ Գալստյանը վստահ է, որ Սուրիկ Խաչատրյանի որդին որոշ ժամանակ անց ազատության մեջ կլինի։
ԵՐԵՎԱՆ, 8 հուլիսի – Sputnik. ՀՀ վերաքննիչ քրեական դատարանի դատավոր Ռուբիկ Մխիթարյանը մերժել է Սյունիքի նախկին մարզպետ Սուրիկ Խաչատրյանի որդուն` Տիգրան Խաչատրյանին կալանավորելու վերաբերյալ դատավոր Դավիթ Արղամանյանի որոշման դեմ ներկայացված վերաքննիչ բողոքը։ Տեղեկությունը հայտնում է փաստաբան Բենիկ Գալստյանը։
«Իրականում դատավոր Ռուբիկ Մխիթարյանն այսօր պաշտոնապես ամրագրեց իր մասնակցությունը Տիգրան Խաչատրյանի քաղաքական բանտարկության «պատվաբեր» գործին։ Ես վստահ եմ, որ Տիգրանը մի որոշ ժամանակ անց կլինի ազատության մեջ»,– ֆեյսբուքյան իր էջում գրել է նա։
Հիշեցնենք, որ Խաչատրյանին ձերբակալել են մայիսի 30-ին քրեական օրենսգրքի 316-րդ հոդվածի առաջին մասի հիմքով (իշխանության ներկայացուցչի նկատմամբ բռնություն գործադրելը)։ Նույն օրը ձերբակալվել էր նաև ՀՀ 3–րդ նախագահ Սերժ Սարգսյանի եղբորորդին՝ Հայկ Սարգսյանը։ Երկուսն էլ մասնակցում էին «Դիմադրություն» շարժման հանրահավաքներին, մայիսի 30-ին ներկա էին կառավարության 3-րդ շենքի մոտ տեղի ունեցած դեպքերին։
Տիգրան Խաչատրյանը կալանավորվել է հունիսի 1–ին։
Լրահոս
0