ՀՀ-ն աջակցում է Հունաստանի տարածքային ամբողջականությանը և ինքնիշխանությանը. Միրզոյան

© Photo : press office of MFA of GreeceՀայաստանի և Հունաստանի արտաքին գործերի նախարարներ Արարատ Միրզոյանն ու Նիկոս Դենդիասը
Հայաստանի և Հունաստանի արտաքին գործերի նախարարներ Արարատ Միրզոյանն ու Նիկոս Դենդիասը - Sputnik Արմենիա, 1920, 09.07.2022
Հայաստանի և Հունաստանի արտաքին գործերի նախարարներ Արարատ Միրզոյանն ու Նիկոս Դենդիասը
Բաժանորդագրվեք
Yandex newsTelegram
ՀՀ արտգործնախարարի խոսքով` Հայաստանի համար անընդունելի է ուժի կիրառման հետևանքները որպես լուծում ներկայացնելու ցանկացած փորձ։
ԵՐԵՎԱՆ, 9 հուլիսի – Sputnik. Հայաստանը լիովին աջակցում է Հունաստանի Հանրապետության տարածքային ամբողջականությանն ու ինքնիշխանությանը: Ինչպես հայտնում է ԱԳՆ մամուլի ծառայությունը, Հունաստան կատարած աշխատանքային այցի շրջանակում այս մասին ասել է ՀՀ արտգործնախարար Արարատ Միրզոյանը հունական «Կաթիմերինի» պարբերականին տված հարցազրույցում։

«Հայաստանն անընդունելի է համարում ցանկացած գործողություն և քայլ, որը կարող է կոպտորեն խախտել միջազգային իրավունքի նորմերը, միջազգային ծովային իրավունքը, ինչպես նաև ՄԱԿ-ի կանոնադրությունը»,- ասել է Միրզոյանը` անդրադառնալով հույն-թուրքական սահմանին շարունակաբար աճող լարվածությանը։

Ինչ վերաբերում է Կիպրոսի խնդրին, ապա ՀՀ արտգործնախարարն ընդգծել է, որ ինչպես Լեռնային Ղարաբաղի հիմնախնդրում, այս հարցում ևս Հայաստանի համար անընդունելի է ուժի կիրառման հետևանքները որպես լուծում ներկայացնելու ցանկացած փորձ։
Նա նշել է, որ Հայաստանն ու Կիպրոսը մշտապես փոխադարձ աջակցություն են ցուցաբերել միմյանց երկկողմ և բազմակողմ հարթակներում։
Հայաստանը, Հունաստանը և Կիպրոսը եռակողմ բանակցությունների մի քանի փուլ են անցկացրել։ Ըստ Միրզոյանի` Հայաստանը մեծապես կարևորում է եռակողմ ձևաչափով համագործակցությունը. մինչ այժմ մի քանի եռակողմ նախարարական հանդիպումներ են հաջողությամբ անցկացվել, և Հայաստանն ակնկալում է երեք երկրների ղեկավարների մակարդակով գագաթնաժողով հյուրընկալել։
Լրահոս
0