https://arm.sputniknews.ru/20220710/avetiq-chalabjann-kmna-kalanqi-tak-44993436.html
Ավետիք Չալաբյանը կմնա կալանքի տակ
Ավետիք Չալաբյանը կմնա կալանքի տակ
Sputnik Արմենիա
Փաստաբանի խոսքով՝ ուժի մեջ մտած նոր Քրեական օրենսգրքով՝ Չալաբյանին առաջադրվող մեղադրանքը պարզապես գոյություն չունի։ 10.07.2022, Sputnik Արմենիա
2022-07-10T12:46+0400
2022-07-10T12:46+0400
2022-07-10T14:59+0400
ավետիք չալաբյան
կալանք
հայաստան
դատարան
https://cdn.am.sputniknews.ru/img/07e6/06/18/44113440_0:78:1502:923_1920x0_80_0_0_5934221884ed31f4d73c578060428638.jpg
ԵՐԵՎԱՆ, 10 հուլիսի – Sputnik. «Համախմբում» շարժման անդամ, հասարակական-քաղաքական գործիչ Ավետիք Չալաբյանը կմնա կալանքի տակ։ Քիչ առաջ Երևանի ընդհանուր իրավասության դատարանը բավարարեց վարույթն իրականացնող մարմնի ներկայացրած կալանքի երկարաձգման միջնորդությունը։Դատավոր Արուսյակ Ալեքսանյանի որոշմամբ՝ Ավետիք Չալաբյանի կալանքի ժամկետը երկարաձգվեց 15 օրով։ Տեղեկությունը ֆեյսբուքյան իր էջում հայտնում է փաստաբան Վարազդատ Հարությունյանը։ Նրա խոսքով՝ դատավորը նման որոշում է կայացրել, որպեսզի վարույթ իրականացնող մարմինը ժամանակ ունենա գործն ուղարկելու դատարան:Նա հավելել է, որ Ավետիք Չալաբյանը գործող իշխանությունների քաղաքական պատանդն է, իսկ դատարանները նրանց կատարածուներն են:«Անձին անօրինական կալանքի տակ պահող յուրաքանչյուր պաշտոնյա պատժվելու է` նստելու ձևով»,- եզրափակել է գրառումը փաստաբանը։Նշենք, որ Չալաբյանի փաստաբան Վարազդատ Հարությունյանն ավելի վաղ լրագրողների հետ զրույցում ընդգծել էր, որ հուլիսի 1-ից ուժի մեջ մտած նոր Քրեական օրենսգրքով Ավետիք Չալաբյանի մեղադրանքը գոյություն չունի։ «Վարույթն իրականացնող մարմինը կալանքի ժամկետը 1 ամսով երկարացնելու համար դատարան միջնորդություն ներկայացնելով` խախտել է քրեադատավարական բոլոր ընթացակարգերը»,- նշել էր Հարությունյանը։Հիշեցնենք, որ Չալաբյանի կալանքը երկարացնելու համար հապճեպ միջնորդություն էր ներկայացվել դատարան։ Դատավարական ղեկավարում իրականացնող դատախազը չէր հաստատել գործի մեղադրական եզրակացությունը և վարույթի նյութերը վերադարձրել էր նախաքննության մարմին` նախաքննությունը շարունակելու ցուցումով։ Ավետիքը լավ է զգում, բոլորից հանգիստ է. Չալաբյանի կինը պատմել է անելիքների մասինԱվետիք Չալաբյանը ձերբակալվել է ուսանողական խորհրդի նախագահին նյութապես շահագրգռելու կասկածանքով։ Քննչական մարմնի պնդմամբ` նյութապես շահագրգռելու նպատակը Հայաստանի ազգային ագրարային համալսարանի ուսանողների մասնակցությունն ընդդիմության ցույցերին ապահովելն է։Այս գործով Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով (երթերին կամ ցույցերին մասնակցելուն բռնություն գործադրելով կամ դա գործադրելու սպառնալիքով հարկադրելը) հարուցվել է քրեական գործ։Մայիսի 14-ին նա 2 ամսով կալանավորվեց։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ավետիք չալաբյան, կալանք, հայաստան, դատարան
ավետիք չալաբյան, կալանք, հայաստան, դատարան
Ավետիք Չալաբյանը կմնա կալանքի տակ
12:46 10.07.2022 (Թարմացված է: 14:59 10.07.2022) Փաստաբանի խոսքով՝ ուժի մեջ մտած նոր Քրեական օրենսգրքով՝ Չալաբյանին առաջադրվող մեղադրանքը պարզապես գոյություն չունի։
ԵՐԵՎԱՆ, 10 հուլիսի – Sputnik. «Համախմբում» շարժման անդամ, հասարակական-քաղաքական գործիչ Ավետիք Չալաբյանը կմնա կալանքի տակ։ Քիչ առաջ Երևանի ընդհանուր իրավասության դատարանը բավարարեց վարույթն իրականացնող մարմնի ներկայացրած կալանքի երկարաձգման միջնորդությունը։
Դատավոր Արուսյակ Ալեքսանյանի որոշմամբ՝ Ավետիք Չալաբյանի կալանքի ժամկետը երկարաձգվեց 15 օրով։
Տեղեկությունը ֆեյսբուքյան իր էջում հայտնում է փաստաբան Վարազդատ Հարությունյանը։ Նրա խոսքով՝ դատավորը նման որոշում է կայացրել, որպեսզի վարույթ իրականացնող մարմինը ժամանակ ունենա գործն ուղարկելու դատարան:
«Քննիչն իր բերանով երեկ հաստատեց, որ Ավետիք Չալաբյանը պետք է մնա կալանքի տակ միայն նրա համար, որ ինքն ու դատախազը հանգիստ, առանց վռազելու գործն ուղարկեն դատարան և ընդունեց, որ որևէ այլ քննչական գործողություն չունեն անելու, ասել է թե` Ավետիք Չալաբյանը շարունակելու է գտնվել կալանքի տակ գործը դատարան ուղարկելու հիմքով»,- գրել է Հարությունյանը։
Նա հավելել է, որ Ավետիք Չալաբյանը գործող իշխանությունների քաղաքական պատանդն է, իսկ դատարանները նրանց կատարածուներն են:
«Անձին անօրինական կալանքի տակ պահող յուրաքանչյուր պաշտոնյա պատժվելու է` նստելու ձևով»,- եզրափակել է գրառումը փաստաբանը։
Նշենք, որ Չալաբյանի փաստաբան Վարազդատ Հարությունյանն ավելի վաղ լրագրողների հետ զրույցում ընդգծել էր, որ հուլիսի 1-ից ուժի մեջ մտած նոր Քրեական օրենսգրքով Ավետիք Չալաբյանի մեղադրանքը գոյություն չունի։ «Վարույթն իրականացնող մարմինը կալանքի ժամկետը 1 ամսով երկարացնելու համար դատարան միջնորդություն ներկայացնելով` խախտել է քրեադատավարական բոլոր ընթացակարգերը»,- նշել էր Հարությունյանը։
Հիշեցնենք, որ Չալաբյանի կալանքը երկարացնելու համար հապճեպ միջնորդություն էր ներկայացվել դատարան։ Դատավարական ղեկավարում իրականացնող դատախազը չէր հաստատել գործի մեղադրական եզրակացությունը և վարույթի նյութերը վերադարձրել էր նախաքննության մարմին` նախաքննությունը շարունակելու ցուցումով։
Ավետիք Չալաբյանը ձերբակալվել է ուսանողական խորհրդի նախագահին նյութապես շահագրգռելու կասկածանքով։ Քննչական մարմնի պնդմամբ` նյութապես շահագրգռելու նպատակը Հայաստանի ազգային ագրարային համալսարանի ուսանողների մասնակցությունն ընդդիմության ցույցերին ապահովելն է։
Այս գործով Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 163-րդ հոդվածի 3-րդ մասի 2-րդ կետի հատկանիշներով (երթերին կամ ցույցերին մասնակցելուն բռնություն գործադրելով կամ դա գործադրելու սպառնալիքով հարկադրելը) հարուցվել է քրեական գործ։
