Երևանում ուղևորուհին գողացել է տաքսու վարորդի պայուսակը
Yandex Go հանրապետության հրապարակում. Արխիվային լուսանկար
© Sputnik / Andranik Ghazaryan
Բաժանորդագրվել
Օպերատիվ-հետախուզական միջոցառումների արդյունքում պարզվել է գողությունը կատարողի ինքնությունը:
ԵՐԵՎԱՆ, 11 հուլիսի – Sputnik. Տաքսու վարորդը դիմել է ոստիկանություն` հայտնելով, որ հուլիսի 8-ին, ժամը 22.00-ին, իր «Օպելով» ուղևոր է տեղափոխել Երևանի Հաղթանակ թաղամաս։ Պատվերի ավարտից հետո նկատել է, որ պայուսակը, որը մոռացել էր մեքենայի հետևի նստելատեղին, չկա։ Պայուսակում եղել է 70 000 դրամ, փաստաթղթեր, բանկային քարտ և մեքենայի բանալին:
Ոստիկանությունը հայտնում է, որ Մալաթիայի բաժնի քրեական հետախույզների ձեռնարկած օպերատիվ-հետախուզական միջոցառումների արդյունքում պարզվել է գողությունը կատարողի ինքնությունը:
62-ամյա կինը ներկայացել է Մալաթիայի բաժին և պարտավորվել ներկայանալ նախաքննական մարմնին: Գողոնը հայտնաբերվել է:
Կատարվում է նախաքննություն:
