Երկրորդ երկրաշարժն է մեկ օրում գրանցվել Բավրայի մոտակայքում

© Sputnik / Armine AlexanyanԲավրա
Բավրա - Sputnik Արմենիա, 1920, 11.07.2022
Բավրա. Արխիվային լուսանկար
Բաժանորդագրվեք
Yandex newsTelegram
Էպիկենտրոնային գոտում ստորգետնյա ցնցման ուժգնությունը կազմել է 5 բալ:
ԵՐԵՎԱՆ, 11 հուլիսի - Sputnik. Հայաստան-Վրաստան սահմանային գոտում` Բավրա գյուղի մոտակայքում, այսօրվա ընթացքում 2–րդ երկրաշարժն է գրանցվել, հայտնում են ԱԻՆ մամուլի ծառայությունից։
«Հուլիսի 11-ին, տեղական ժամանակով ժամը 09:10-ին (Գրինվիչի ժամանակով ժամը 05:10-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41․19⁰ և արևելյան երկայնության 43․96⁰ աշխարհագրական կոորդինատներով Վրաստան-Հայաստան սահմանային գոտի` Բավրա գյուղից 15 կմ հյուսիս-արևելք, օջախի 10 կմ խորությամբ, 3.8 մագնիտուդով երկրաշարժ»,–ասված է հաղորդագրության մեջ:
Տեղեկացվում է, որ էպիկենտրոնային գոտում ստորգետնյա ցնցման ուժգնությունը կազմել է 5 բալ:
Երկրաշարժը զգացվել է Շիրակի, Լոռու մարզերում՝ 4 բալ, Տավուշի, Արագածոտնի մարզերում՝ 3 բալ ուժգնությամբ։
Ավելի վաղ հայտնել էինք, որ հուլիսի 11-ին, տեղական ժամանակով ժամը 07:36-ին Բավրա գյուղից 14 կմ արևելք ընկած տարածքում 4.4 մագնիտուդով երկրաշարժ է գրանցվել։
Լրահոս
0