Որոտանի հետ կանոնավոր տրանսպորտային կապը պետք է կազմակերպի Գորիս համայնքի ղեկավարը. ՏԿԵՆ

© Sputnik / David GalstyanՈրոտան - Շուռնուխ ճանապարհը
Որոտան - Շուռնուխ ճանապարհը - Sputnik Արմենիա, 1920, 11.07.2022
Բաժանորդագրվեք
НовостиTelegram
Շաբաթական 2 անգամ դեպի Գորիս իրականացվող կանոնավոր երթուղին ուսումնական տարվա ավարտից հետո չի գործում:
ԵՐԵՎԱՆ, 11 հուլիսի – Sputnik. Որոտան-Գորիս կանոնավոր տրանսպորտային կապը պետք է կազմակերպի Գորիս խոշորացված համայնքի ղեկավարը։ Sputnik Արմենիայի հարցմանն ի պատասխան այս մասին հայտնել է ՀՀ տարածքային կառավարման և ենթակառուցվածքների նախարարությունը։
Հունիսի վերջին Sputnik Արմենիան գրել էր, որ Սյունիքի մարզում գտնվող սահմանամերձ Որոտան գյուղը զրկվել է Գորիսի հետ կանոնավոր տրանսպորտային հաղորդակցությունից։ Նախքան դպրոցի դասերի ավարտը 16 ուսուցիչներ ամեն օր Գորիսից գյուղ էին գալիս «Ուրալ» մակնիշի հերթապահ ավտոբուսով։ Նույն մեքենան շաբաթը երկու անգամ՝ սահմանված օրերին, առավոտյան երեք գյուղերի (Որոտան, Բարձրավան և Շուռնուխ) բնակիչներին տանում էր Գորիս, իսկ երեկոյան հետ բերում։ Ուսումնական տարվա ավարտից հետո կանոնավոր երթևեկությունը դադարել է։
ՏԿԵ նախարարությունից Որոտան-Գորիս կանոնավոր տրանսպորտային հաղորդակցությունը վերականգնելու վերաբերյալ հայտնել են, որ համայնքային խոշորացման ծրագրի շրջանակում Որոտանը ներառվել է Գորիս համայնքի մեջ։

««Ավտոմոբիլային տրանսպորտի մասին» ՀՀ օրենքի համաձայն (10-րդ հոդվածի 2-րդ մաս)` ներհամայնքային ավտոբուսային կանոնավոր փոխադրումների երթուղային ցանցը կազմակերպում է համապատասխան համայնքի ղեկավարը։ Հետևաբար, Որոտան-Գորիս կանոնավոր տրանսպորտային կապը պետք է կազմակերպի Գորիս խոշորացված համայնքի ղեկավարը»,- ասվում է հաղորդագրությունում։

Հիշեցնենք, որ խնդիրն ավելի է սրում Որոտան-Խոտ ճանապարհի վիճակը, որն այլընտրանք է դարձել Գորիս-Որոտան ավտոճանապարհի համար (դրա մի մասը պատերազմից հետո ադրբեջանական հսկողության տակ է անցել)։
Եթե նախկինում գյուղի բնակիչները մինչև քաղաք հասնում էին 15-20 րոպեում, ապա հիմա ստիպված են շրջանցել քանդված ճանապարհով, ինչը մեկ-մեկուկես ժամ է տևում։ Գյուղացիները հույս ունեն, որ Խոտ-Որոտան այլընտրանքային ճանապարհը կվերանորոգվի։ Այս ճանապարհի վերանորոգման աշխատանքները դադարեցվել են մոտ մեկ ամիս առաջ։
Սյունիքի այլընտրնքային ճանապարհը շարունակում է դժվարանցանելի մնալ - Sputnik Արմենիա, 1920, 12.11.2021
«Պատուհան» դեպի Որոտան. Սյունիքի այլընտրանքային ճանապարհը մնում է դժվարանցանելի
Լրահոս
0