Նովայա Կախովկային ՈւԶՈւ-ն հարվածել է HIMARS ՀԿՌՀ-ից. խաղաղ բնակիչների թվում զոհեր կան

Բաժանորդագրվեք
Yandex newsTelegram
Նովայա Կախովկայի սելիտրայի պահեստներում պայթյունները և հրդեհները շարունակվում են։ Տասնյակ տներ են ավերվել։ Բնակիչներից շատերը դեռ փլատակների տակ են։
Ուկրաինական զինված ուժերը հարված են հասցրել Խերսոնի մարզի Նովայա Կախովկային, հրդեհվել են սելիտրայի պահեստները։ Ներկա պահին հայտնի է երկու զոհի և 4 անհետ կորածի մասին։ Այս մասին ՌԻԱ Նովոստիին հայտնել է քաղաքի ռազմաքաղաքացիական վարչակազմի ղեկավար Վլադիմիր Լեոնտևը։
«Ներկա պահին հստակ հայտնի է երկու զոհվածի մասին, բայց սովորաբար այդ պահեստները 6 մարդ է հսկել, մնացած 4-ը անհետ կորած են համարվում»,- ասել է Լեոնտևը։
Ռազմաքաղաքացիական վարչակազմի ղեկավարը հայտարարել է նաև, որ մարդկանցից շատերը փլատակների տակ են մնացել։

«Բացի երկու զոհից և 4 անհետ կորածներից, ևս տասնյակ վիրավորներ կան, հարյուրավոր մարդիկ պարզապես ապակիներից քերծվածքներ ունեն, տներում կոտրվել են ապակիները»,- հավելել է Լեոնտևը։

Մարզի վարչակազմի ղեկավարի տեղակալ Կիրիլ Ստրեմոուսովն իր հերթին հայտնել է, որ ուկրաինական զորքերը Նոր Կախովկային հարված են հասցրել բարձր ճշգրտության ամերիկյան HIMARS համազարկային կրակի ռեակտիվ համակարգերից։ Հիդրոէլեկտրակայանը չի վնասվել, տուժածների թիվը պարզվում է։
«Բարձր ճշգրտության ամերիկյան զենքով քաղաքի կենտրոնին հարվածներ են հասցվել։ Արդեն իսկ խաղաղ բնակիչների շրջանում զոհեր կան, կան նաև վիրավորներ, հարյուրավոր մարդիկ անտուն են մնացել, տասնյակ տներ փլուզվել են։ Հիվանդանոցները շարունակում են ընդունել մարդկանց։ Տասնյակ վիրավորներ կան... Մենք ապշած ենք այս ռմբակոծությունից»,- ասել է նա։
Ուկրաինայի ԶՈւ անօդաչուները հարված են հասցրել Զապորոժիեի ԱԷԿ–ի մոտ գտնվող շենքին. ԶԼՄ
Ինչպես նշում է գործակալությունը, Նովայա Կախովկայի սելիտրայի պահեստներում հրդեհն ու պայթյունները շարունակվում են։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 139-րդ օրը։
Լրահոս
0