Որո՞նք են լավագույն անձնագրերը 2022-ին ճամփորդելու համար

Բաժանորդագրվեք
Yandex newsTelegram
Եվրամիության երկրներ առանց վիզայի կարող են այցելել ՀՀ այն քաղաքացիները, որոնք դիվանագիտական անձնագիր ունեն։
Ճապոնիան ու Սինգապուրը, արդեն մի քանի տարի է՝ գլխավորում են անձնագրերի «հզորության» համաշխարհային վարկանիշային ցանկը։ Այն չափվում է երկրների թվով, ուր կարող են այցելել անձնագրերի տերերն առանց վիզայի։
Henley & Partners խորհրդատվական ընկերության կազմած ցանկը հիմնվում է Օդային տրանսպորտի միջազգային կազմակերպության (IATA) տվյալների վրա ու ներառում է 227 երկիր ու տարածք և 199 անձնագիր։
Հայաստանը մեկ տարում վարկանիշային ցանկում 79-րդից բարձրացել է 85-րդ տեղը. հայկական անձնագրով առանց վիզայի կարելի է 65 երկիր այցելել։

Նշենք, որ Հայաստանի քաղաքացիները կարող են մի շարք երկրներ այցելել առանց վիզայի, որոշ երկրների դեպքում էլ վիզա են ստանում մուտք գործելու ժամանակ։

Առաջինների շարքին են դասվում հետխորհրդային երկրները (բացառությամբ մերձբալթյան երկրների, Ադրբեջանի ու Թուրքմենստանի), Իրանը, Սերբիան, Սիրիան, Լիբանանը, Լատինական Ամերիկայի մի շարք երկրներ (Բրազիլիա, Արգենտինա, Էկվադոր, Հայիթի և այլն), ինչպես նաև զբոսաշրջային ուղղությունները (Չեռնոգորիա, Բահամյան կղզիներ, Շրի Լանկա, Մալդիվյան կղզիներ և այլն)։
Երկրորդ երկրների շարքում են Ինդոնեզիան, Իրաքը, Թուրքմենստանը, աֆրիկյան մի քանի պետություններ։
Բացի դա, Եվրամիության երկրներ առանց վիզայի կարող են այցելել դիվանագիտական անձնագիր ունեցող ՀՀ քաղաքացիները։
Լրահոս
0