https://arm.sputniknews.ru/20220712/vostikanutjan-azgajin-gvardian-zvorq-chi-lini-bajc-kzbaghvi-hasarakakan-kargi-pahpanutjamb-45094246.html
Ոստիկանության ազգային գվարդիան զորք չի լինի, բայց կզբաղվի հասարակական կարգի պահպանությամբ
Ոստիկանության ազգային գվարդիան զորք չի լինի, բայց կզբաղվի հասարակական կարգի պահպանությամբ
Sputnik Արմենիա
ՀՀ ոստիկանության պետի տեղակալ Արա Ֆիդանյանը խորհրդարանում ներկայացրեց ՆԳՆ կառուցվածքային փոփոխություններն ու անդրադարձավ ազգային գվարդիային վերապահվող... 12.07.2022, Sputnik Արմենիա
2022-07-12T13:31+0400
2022-07-12T13:31+0400
2022-07-12T13:51+0400
հայաստան
հհ ոստիկանություն
արա ֆիդանյան
https://cdn.am.sputniknews.ru/img/07e5/02/17/26557211_0:0:1600:901_1920x0_80_0_0_612686b35b23724d11c6a7f521a746de.jpg
ԵՐԵՎԱՆ, 12 հուլիսի – Sputnik. Ոստիկանության համակարգի բարեփոխումների ու նոր ՆԳՆ ձևավորելու շրջանակում նախատեսվում է ոստիկանության զորքերի ու պետական պահպանության գլխավոր վարչության հենքի վրա ստեղծել ազգային գվարդիա` որպես ոստիկանության հիմնական մասնագիտական կառուցվածքային ստորաբաժանում։ «Ներքին գործերի նախարարության ստեղծումը, քաղաքացիական վերահսկողության կարևորությունը» թեմայով խորհրդարանական լսումների ժամանակ տեղեկությունը հայտնեց ՀՀ ոստիկանության պետի տեղակալ Արա Ֆիդանյանը։Նրա խոսքով` ազգային գվարդիան չի ունենալու զորքի կարգավիճակ, ինչպիսին այսօր ունեն ոստիկանության ներքին զորքերը։ Նոր ստեղծվող գվարդիայի գործունեությունը չի կանոնակարգվելու ռազմական ու զինված ուժերի օրենսդրությամբ։Ոստիկանության պարեկային ծառայությունում համակարգային կոռուպցիայի ռիսկեր չկան. Քոչարյան«Ըստ մեր պատկերացումների` նախատեսվում է որոշ մարզերում ևս ստեղծել ազգային գվարդիայի ստորաբաժանումներ։ Ստեղծվելիք ազգային գվարդիային նախատեսվում է վերապահել հասարակական կարգի պահպանության և հասարակության անվտանգության ապահովումը, պետական մարմինների և կազմակերպությունների, շենքերի և շինությունների, ինչպես նաև կարևորագույն նշանակության օբյեկտների անվտանգության ապահովումը, բարձրաստիճան պաշտոնատար անձանց, պետական արարողակարգով նախատեսված պատվիրակությունների անվտանգության ապահովմանն աջակցելը, ձերբակալված ու կալանավորված անձանց ուղեկցումը, ռազմական ու արտակարգ դրության իրավական ռեժիմի ապահովմանը մասնակցությունը, ինչպես նաև մասնակցությունը հատուկ պլաններով նախատեսված և հակաահաբեկչական միջոցառումների իրականացմանը»,- բացատրեց Ֆիդանյանը։Ոստիկանության պետի տեղակալի խոսքով` համակարգում ծառայելու գրավչությունը բարձրացնելու նպատակով նախատեսվում է աշխատավարձերը բարձրացնել արդեն գործող ու նոր ստեղծվող ստորաբաժանումների աշխատավարձերի համահարթեցման սկզբունքով։Նոր ՆԳՆ-ի ստեղծումը նախատեսվում է իրականացնել այս տարվա սեպտեմբերից հետո, երբ խորհրդարանը կհաստատի համապատասխան օրենսդրական փոփոխությունների փաթեթը։Պարեկային ծառայությունն ընդլայնվում է. Փաշինյանին ներկայացվել է իրավիճակը
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, հհ ոստիկանություն, արա ֆիդանյան
հայաստան, հհ ոստիկանություն, արա ֆիդանյան
Ոստիկանության ազգային գվարդիան զորք չի լինի, բայց կզբաղվի հասարակական կարգի պահպանությամբ
13:31 12.07.2022 (Թարմացված է: 13:51 12.07.2022) ՀՀ ոստիկանության պետի տեղակալ Արա Ֆիդանյանը խորհրդարանում ներկայացրեց ՆԳՆ կառուցվածքային փոփոխություններն ու անդրադարձավ ազգային գվարդիային վերապահվող գործառույթներին։
ԵՐԵՎԱՆ, 12 հուլիսի – Sputnik. Ոստիկանության համակարգի բարեփոխումների ու նոր ՆԳՆ ձևավորելու շրջանակում նախատեսվում է ոստիկանության զորքերի ու պետական պահպանության գլխավոր վարչության հենքի վրա ստեղծել ազգային գվարդիա` որպես ոստիկանության հիմնական մասնագիտական կառուցվածքային ստորաբաժանում։ «Ներքին գործերի նախարարության ստեղծումը, քաղաքացիական վերահսկողության կարևորությունը» թեմայով խորհրդարանական լսումների ժամանակ տեղեկությունը հայտնեց ՀՀ ոստիկանության պետի տեղակալ Արա Ֆիդանյանը։
Նրա խոսքով` ազգային գվարդիան չի ունենալու զորքի կարգավիճակ, ինչպիսին այսօր ունեն ոստիկանության ներքին զորքերը։ Նոր ստեղծվող գվարդիայի գործունեությունը չի կանոնակարգվելու ռազմական ու զինված ուժերի օրենսդրությամբ։
«Ըստ մեր պատկերացումների` նախատեսվում է որոշ մարզերում ևս ստեղծել ազգային գվարդիայի ստորաբաժանումներ։ Ստեղծվելիք ազգային գվարդիային նախատեսվում է վերապահել հասարակական կարգի պահպանության և հասարակության անվտանգության ապահովումը, պետական մարմինների և կազմակերպությունների, շենքերի և շինությունների, ինչպես նաև կարևորագույն նշանակության օբյեկտների անվտանգության ապահովումը, բարձրաստիճան պաշտոնատար անձանց, պետական արարողակարգով նախատեսված պատվիրակությունների անվտանգության ապահովմանն աջակցելը, ձերբակալված ու կալանավորված անձանց ուղեկցումը, ռազմական ու արտակարգ դրության իրավական ռեժիմի ապահովմանը մասնակցությունը, ինչպես նաև մասնակցությունը հատուկ պլաններով նախատեսված և հակաահաբեկչական միջոցառումների իրականացմանը»,- բացատրեց Ֆիդանյանը։
Ոստիկանության պետի տեղակալի խոսքով` համակարգում ծառայելու գրավչությունը բարձրացնելու նպատակով նախատեսվում է աշխատավարձերը բարձրացնել արդեն գործող ու նոր ստեղծվող ստորաբաժանումների աշխատավարձերի համահարթեցման սկզբունքով։
Նոր ՆԳՆ-ի ստեղծումը նախատեսվում է իրականացնել այս տարվա սեպտեմբերից հետո, երբ խորհրդարանը կհաստատի համապատասխան օրենսդրական փոփոխությունների փաթեթը։
