ՀԷՑ-ը կտուգանվի 20 մլն դրամով. ի՞նչ խախտումներ է արել ընկերությունը

© Sputnik / Asatur YesayantsԷլեկտրասյուներ
Էլեկտրասյուներ - Sputnik Արմենիա, 1920, 13.07.2022
Էլեկտրասյուներ
Բաժանորդագրվեք
Yandex newsTelegram
Ուժի մեջ մտնելու պահից սահմանված ժամկետում (մեկ ամսում) որոշումը չկատարելու դեպքում այն ենթակա է հարկադիր կատարման։
ԵՐԵՎԱՆ, 13 հուլիսի – Sputnik. «Հայաստանի էլեկտրական ցանցեր» ՓԲԸ-ն կտուգանվի 20 մլն դրամի չափով։ Տեղեկությունը Sputnik Արմենիային հայտնեցին ՀՀ հանրային ծառայությունների մամուլի ծառայությունից։ Որոշումը կայացվել է այսօր տեղի ունեցած նիստում։

Ընկերությունը տուգանվում է սպառման համակարգերն էլեկտրական ցանցին միացնելու ժամկետների խախտման համար, քանի որ այդ ամենն ուղղակիորեն հանգեցրել է մի խումբ սպառողների իրավունքների կամ օրինական շահերի խախտման։

ՀԷՑ-ի ներկայացրած հիմնավորումները բավարար չեն եղել վերջինիս պատասխանատվության չենթարկելու համար:
Օրինակ՝ 2021 թվականի 4-րդ եռամսյակին՝ 235, իսկ 2022 թվականի առաջին եռամսյակի մասով 308 դիմող անձանց սպառման համակարգերը հաշվետու եռամսյակի ավարտի դրությամբ միացված չեն եղել էլեկտրական ցանցին, միացվել են ավելի ուշ:
Եղել է նաև այնպես, որ 2021 թվականի 4-րդ եռամսյակին` 57, իսկ 2022 թվականի առաջին եռամսյակին` 46 դիմողի դեպքերում ընկերությունը հիմնավորել էր, որ դիմող անձանց սպառման համակարգերը պատրաստ չեն էլեկտրաէներգիա ընդունելուն, սակայն հիմնավորող փաստաթուղթ չի ներկայացվել։
Որոշումը ուժի մեջ մտնելու պահից սահմանված ժամկետում (մեկ ամսում) չկատարելու դեպքում ենթակա է հարկադիր կատարման` «Դատական ակտերի հարկադիր կատարման մասին» օրենքով սահմանված կարգով։
Ավելի վաղ հայտնել էինք, որ «Հայաստանի էլեկտրական ցանցեր» ՓԲԸ-ն կտուգանվի 20 մլն դրամի չափով։
Լրահոս
0