Ռուսաստանի ԱԳՆ-ն հայտնել է Ուկրաինայի տարածքով գազի տարանցումը երկարաձգելու պայմանները

© Sputnik / Виталий Тимкив / Անցնել ֆոտոբանկԿոմպրեսորային կայան
Կոմպրեսորային կայան - Sputnik Արմենիա, 1920, 13.07.2022
Բաժանորդագրվեք
Yandex newsTelegram
Դմիտրի Բիրիչևսկու խոսքով՝ Ռուսաստանը կատարում է Ուկրաինայի տարածքով գազի տարանցման իր բոլոր պարտավորությունները:
ԵՐԵՎԱՆ, 13 հուլիսի – Sputnik. Մոսկվան հնարավոր է համարում ուկրաինական տարանցման երկարաձգումը 2024 թվականից հետո, եթե պահանջարկը Եվրոպայում պահպանվի և ուկրաինական գազատրանսպորտային համակարգը աշխատանքային վիճակում լինի։ Տեղեկությունը ՌԻԱ Նովոստիին հայտնել է Ռուսաստանի ԱԳՆ տնտեսական համագործակցության դեպարտամենտի տնօրեն Դմիտրի Բիրիչևսկին։
Ուկրաինայի տարածքով գազի տարանցման գործող պայմանագիրն ավարտվում է 2024 թվականին։

«ԵՄ-ն ռուսական բնական գազից հրաժարվելու կուրս է հայտարարել։ Դա նշանակում է նաև ուկրաինական տրանզիտից հրաժարում և Կիևին դրա եկամուտներից զրկում։ Իսկ եթե եվրոպական սպառողների պահանջարկը պահպանվի, և ուկրաինական գազատրանսպորտային համակարգը աշխատանքային վիճակում լինի, ապա Ռուսաստանը պատրաստ կլինի՝ ի թիվս այլ տարբերակների քննարկել ուկրաինական տարանցումը շարունակելու հնարավորությունը»,- ասել է Բիրիչևսկին։

Նրա խոսքով՝ Ռուսաստանը կատարում է իր բոլոր պարտավորությունները ներկայիս պայմանագրով։ Նա հիշեցրել է, որ հիմա տարանցումը «սահմանափակում է Ուկրաինայի իշխանությունը, որը հրաժարվել է «Սոխանովկա» գազաչափական կայանի միջոցով գազափոխադրումից:
Ռուսաստանի նախագահ Վլադիմիր Պուտինը մարտի 23-ին հայտարարեց, որ ԵՄ երկրներն ու Ռուսաստանի դեմ պատժամիջոցներ սահմանած այլ պետությունները գազի մատակարարման դիմաց կվճարեն ռուբլով: Այնուհետ նա ստորագրեց համապատասխան հրամանագիր և հայտնեց, որ եթե ոչ բարեկամական երկրները ապրիլի 1-ից ռուբլով չվճարեն, ապա Ռուսաստանը դա կհամարի գազային պայմանագրերի գծով պարտավորությունների չկատարում:
Եվրոպացի մարդու ուկրաինական բեռը, կամ Եվրամիությունում 2 բևեռ է ձևավորվում
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 140-րդ օրը։
Լրահոս
0