Ստամբուլում «հացահատիկային հարցի» շուրջ կոնսենսուսի շանսերը բարձր են. աղբյուր

© AFP 2022 / STRINGERՀացահատիկ
Հացահատիկ - Sputnik Արմենիա, 1920, 13.07.2022
Բաժանորդագրվեք
НовостиTelegram
Աղբյուրի խոսքով՝ միջանցք ստեղծելու վերաբերյալ ՄԱԿ-ի ծրագիրը լիովին իրատեսական է։
ԵՐԵՎԱՆ, 13 հուլիսի – Sputnik. Ստամբուլում հացահատիկային հարցի շուրջ կոնսենսուսի հասնելու հույսերը բարձր են։ Տեղեկությունը ՌԻԱ Նովոստիին հայտնել է դիվանագիտական աղբյուրը։
Թուրքիայի, Ռուսաստանի, Ուկրաինայի ռազմական պատվիրակությունների ու ՄԱԿ-ի պատվիրակության հանդիպումը, հացահատիկային հարցի քննարկման համար, նախատեսվում է այսօր Ստամբուլում: Այն տեղի կունենա հացահատիկի պակասի պատճառով պարենային ճգնաժամի ռիսկի պայմաններում։

«Պատվիրակությունների հետ առանձին հանդիպումներ են անցկացվել ինչպես ռուսական, այնպես էլ ուկրաինական կողմի հետ։ Դրանք ընթացել են կառուցողական հունով, կողմերը բաց են բանակցությունների համար։ Հույսերը, որ այսօր որոշակի կոնսենսուս ձեռք կբերվի այդ հարցի շուրջ, շատ բարձր են»,- ասել է գործակալության զրուցակիցը։

Պատասխանելով հարցին, թե որքանով են իրատեսական ՄԱԿ-ի միջանցք ու գործընթացի վերահսկման մեխանիզմ ստեղծելու կետերը, աղբյուրը նշել է, որ «ծրագիրը միանգամայն իրատեսական է»:
ՄԱԿ-ում բազմիցս հայտարարել են հացահատիկի դեֆիցիտի պատճառով պարենային ճգնաժամի սպառնալիքի մասին։ Արևմուտքը մեղադրում է Ռուսաստանին համաշխարհային շուկաներ ուկրաինական հացահատիկի մատակարարումներին հակազդելու մեջ։ Մոսկվան կտրականապես հերքել է նման մեղադրանքները։
Հացահատիկի արտահանման շուրջ քննարկումներն ընթանում են բարձր մակարդակով. ՄԱԿ
ՌԴ նախագահ Վլադիմիր Պուտինը հայտարարել է, որ Ռուսաստանը չի խոչընդոտի Ուկրաինայից հացահատիկի արտահանմանը, եթե Կիևը ականազերծի նավահանգիստները, ցորենով բեռնված նավերը առանց որևէ խնդրի կկարողանան այնտեղից դուրս գալ։
Լրահոս
0