«Փյունիկը» գերդրամատիկ խաղում հաղթեց ռումինական «Կլուժին»
«Փյունիկը» գերդրամատիկ խաղում հաղթեց ռումինական «Կլուժին»
Sputnik Արմենիա
Կազմի բավականին լուրջ փոփոխությունները, առաջատար մի քանի ֆուտբոլիստների հեռանալն իհարկե չէին կարող չանդրադառնալ «Փյունիկի» խաղի վրա։ Հայաստանի չեմպիոնը կարելի... 14.07.2022, Sputnik Արմենիա
Կազմի բավականին լուրջ փոփոխությունները, առաջատար մի քանի ֆուտբոլիստների հեռանալն իհարկե չէին կարող չանդրադառնալ «Փյունիկի» խաղի վրա։ Հայաստանի չեմպիոնը կարելի է ասել, որ համարյա ժամանակ էլ չուներ նոր կազմի խաղային համագործակցությունը ապահովելու համար։ Դրա համար ժամանակ է հարկավոր։ Չեմպիոնների լիգայի որակավորման առաջին փուլի խաղերը նորացված թիմի համար առաջին փորձությունն էին։ ԵՐԵՎԱՆ, 14 հուլիսի – Sputnik, Խաչիկ Չախոյան. ՈւԵՖԱ-ի Չեմպիոնների լիգայի 2022/23 մրցաշրջանի խաղարկության որակավորման առաջին փուլում «Փյունիկը» պատասխան խաղում, գերդրամատիկ մրցավեճում, 11 մետրանոց հարվածաշարում հաղթեց ռումինական «Կլուժ» թիմին։ Հայ-ռումինական՝ «Փյունիկ» - «Կլուժ» դիմակայության՝ Երևանում կայացած առաջին խաղից հետո, որում դարպասի գրավում չարձանագրվեց, շատերը հաջորդ փուլ դուրս գալու կողմերի հնարավորությունները ինչ-որ տեղ հավասար էին գնահատում։ Բայց սեփական հարկի տակ Դան Պետրեսկուի թիմը իհարկե որոշակի առավելություն պետք է ունենար։ «Փյունիկի» համար խաղի մեկնարկը հաջող չէր։ Արդեն 6-րդ րոպեին ռումինական ակումբը ստանդարտի խաղարկումից հետո բացեց հաշիվը։ Բիսմարկ Աջեյ-Բոատենգը գտնվելով մեր երկու պաշտպանների շրջափակման մեջ՝ բարձր ցատկով ու գլխի հարվածով անկասելի հարված կատարեց։ «Փյունիկը» պաշտպանվելիս այնքան էլ վստահ չէր գործում։ Դաշտի տերերը խնդիրներ էին առաջացնում մեր տուգանային հրապարակում։ Երկրորդ խաղակեսում «Կլուժը» խաղում էր հիմնականում նվազագույն առավելությունը պահպանելու միտումով։ Զարմանալի էր, որ «Փյունիկը» չէր կարողանում ակտիվացնել կամ ագրեսիվացնել իր խաղը։ Մեր թիմը նույնիսկ դիպուկ հարված չէր կատարել մինչև խաղի 89-րդ րոպեն։ Հետևաբար հնարավոր չէր խոսել պարտությունից խուսափելու մասին։ Սակայն հիմնական ժամանակի ավարտից մեկ րոպե առաջ անկյունայինի խաղարկումից հետո Զորան Գաիչը «Փյունիկի» կազմում առաջին դիպուկ հարվածով խփեց պատասխան գնդակը։ Հաղթողին որոշելու համար նշանակվեց լրացուցիչ ժամանակ։ Հենց սկզբում կոպիտ սխալի պատճառով մեր թիմը երկրորդ գնդակն ընդունեց սեփական դարպասը։ «Փյունիկը» նորից կարող էր խփել պատասխան գնդակը։ Բայց Հովհաննես Հարությունյանը չկարողացավ իրացնել 11 մետրանոցը։ Լրացուցիչ ժամանակի ավարտին մնում էր 11 րոպե։ Մեր չեմպիոնը արդեն զգալիորեն ակտիվացել էր։ Մրցակցի դարպասը գրավելու հնարավորություն էլի եղավ, ու նորից խաղի արդեն լրացուցիչ ժամանակի ավարտի վերջում Զորան Գաիչը խփեց երկրորդ պատասխան գնդակը։ Հաղթողը պետք է որոշվեր 11 մետրանոց հարվածաշարով։ Ես Մխիթարյանն եմ. ֆուտբոլիստը սովորեցնում է արտասանել իր ազգանունըԱյստեղ արդեն «Փյունիկի» ֆուտբոլիստները իրենց դրսևորեցին շատ սառնասիրտ, իսկ Դավիթ Յուրչենկոն հերոսացավ՝ հետ մղելով վճռական հինգերորդ հարվածն ու ապահովելով Հայաստանի չեմպիոնին Չեմպիոնների լիգայի որակավորման երկրորդ փուլի ուղեգիրը։ Գերդրամատիկ խաղում «Փյունիկը» բնավորություն դրսևորեց ու հաղթեց։ Չեմպիոնների լիգայի որակավորման երկրորդ փուլում «Փյունիկը» մրցելու է Լյուքսեմբուրգի «Դյուդելանժի» հետ։ Առաջին խաղը կայանալու է Երևանում հուլիսի 19-ին կամ 20-ին, պատասխան խաղը՝ առաջին հանդիպումից մեկ շաբաթ անց։
Կազմի բավականին լուրջ փոփոխությունները, առաջատար մի քանի ֆուտբոլիստների հեռանալն իհարկե չէին կարող չանդրադառնալ «Փյունիկի» խաղի վրա։ Հայաստանի չեմպիոնը կարելի է ասել, որ համարյա ժամանակ էլ չուներ նոր կազմի խաղային համագործակցությունը ապահովելու համար։ Դրա համար ժամանակ է հարկավոր։ Չեմպիոնների լիգայի որակավորման առաջին փուլի խաղերը նորացված թիմի համար առաջին փորձությունն էին։
ԵՐԵՎԱՆ, 14 հուլիսի – Sputnik, Խաչիկ Չախոյան. ՈւԵՖԱ-ի Չեմպիոնների լիգայի 2022/23 մրցաշրջանի խաղարկության որակավորման առաջին փուլում «Փյունիկը» պատասխան խաղում, գերդրամատիկ մրցավեճում, 11 մետրանոց հարվածաշարում հաղթեց ռումինական «Կլուժ» թիմին։
Հայ-ռումինական՝ «Փյունիկ» - «Կլուժ» դիմակայության՝ Երևանում կայացած առաջին խաղից հետո, որում դարպասի գրավում չարձանագրվեց, շատերը հաջորդ փուլ դուրս գալու կողմերի հնարավորությունները ինչ-որ տեղ հավասար էին գնահատում։ Բայց սեփական հարկի տակ Դան Պետրեսկուի թիմը իհարկե որոշակի առավելություն պետք է ունենար։
«Փյունիկի» համար խաղի մեկնարկը հաջող չէր։ Արդեն 6-րդ րոպեին ռումինական ակումբը ստանդարտի խաղարկումից հետո բացեց հաշիվը։ Բիսմարկ Աջեյ-Բոատենգը գտնվելով մեր երկու պաշտպանների շրջափակման մեջ՝ բարձր ցատկով ու գլխի հարվածով անկասելի հարված կատարեց։
«Փյունիկը» պաշտպանվելիս այնքան էլ վստահ չէր գործում։ Դաշտի տերերը խնդիրներ էին առաջացնում մեր տուգանային հրապարակում։
Եղիշե Մելիքյանը տեխնիկական գոտուց անընդհատ փորձում էր հուշելով վերականգնել մեր թիմի խաղային կարգապահությունն ու խաղային օղակների համագործակցությունը։ Բայց առաջին կեսում «Փյունիկը» այդպես էլ չգտավ իր խաղը։ Մեր թիմը ընդամենը մեկ վտանգավոր հարված կատարեց, բայց Արտակ Դաշյանը դիպուկ չէր։
Երկրորդ խաղակեսում «Կլուժը» խաղում էր հիմնականում նվազագույն առավելությունը պահպանելու միտումով։ Զարմանալի էր, որ «Փյունիկը» չէր կարողանում ակտիվացնել կամ ագրեսիվացնել իր խաղը։ Մեր թիմը նույնիսկ դիպուկ հարված չէր կատարել մինչև խաղի 89-րդ րոպեն։ Հետևաբար հնարավոր չէր խոսել պարտությունից խուսափելու մասին։ Սակայն հիմնական ժամանակի ավարտից մեկ րոպե առաջ անկյունայինի խաղարկումից հետո Զորան Գաիչը «Փյունիկի» կազմում առաջին դիպուկ հարվածով խփեց պատասխան գնդակը։
Հաղթողին որոշելու համար նշանակվեց լրացուցիչ ժամանակ։ Հենց սկզբում կոպիտ սխալի պատճառով մեր թիմը երկրորդ գնդակն ընդունեց սեփական դարպասը։ «Փյունիկը» նորից կարող էր խփել պատասխան գնդակը։ Բայց Հովհաննես Հարությունյանը չկարողացավ իրացնել 11 մետրանոցը։ Լրացուցիչ ժամանակի ավարտին մնում էր 11 րոպե։ Մեր չեմպիոնը արդեն զգալիորեն ակտիվացել էր։ Մրցակցի դարպասը գրավելու հնարավորություն էլի եղավ, ու նորից խաղի արդեն լրացուցիչ ժամանակի ավարտի վերջում Զորան Գաիչը խփեց երկրորդ պատասխան գնդակը։ Հաղթողը պետք է որոշվեր 11 մետրանոց հարվածաշարով։
Այստեղ արդեն «Փյունիկի» ֆուտբոլիստները իրենց դրսևորեցին շատ սառնասիրտ, իսկ Դավիթ Յուրչենկոն հերոսացավ՝ հետ մղելով վճռական հինգերորդ հարվածն ու ապահովելով Հայաստանի չեմպիոնին Չեմպիոնների լիգայի որակավորման երկրորդ փուլի ուղեգիրը։
Գերդրամատիկ խաղում «Փյունիկը» բնավորություն դրսևորեց ու հաղթեց։
Չեմպիոնների լիգայի որակավորման երկրորդ փուլում «Փյունիկը» մրցելու է Լյուքսեմբուրգի «Դյուդելանժի» հետ։ Առաջին խաղը կայանալու է Երևանում հուլիսի 19-ին կամ 20-ին, պատասխան խաղը՝ առաջին հանդիպումից մեկ շաբաթ անց։
