Ավելի քիչ լվացվել և չսափրվել. Բրիտանիայում կոչ են անում խնայել ջուրը

© Sputnik / Максим Богодвид / Անցնել ֆոտոբանկՄեկ բաժակ ջուր
Մեկ բաժակ ջուր - Sputnik Արմենիա, 1920, 14.07.2022
Մեկ բաժակ ջուր
Բաժանորդագրվեք
Yandex newsTelegram
South East Water-ը քաղաքացիներին առաջարկել է հրաժարվել բույսերը ջրելու համար նախատեսված փողրակներից և այդ նպատակին ծառայեցնել լողավազանների ջուրը։
ԵՐԵՎԱՆ, 14 հուլիսի – Sputnik. Հարավ-արևելյան Անգլիայի ջրամատակարարման համար պատասխանատու South East Water բրիտանական ընկերությունը հորդորել է քաղաքացիներին ջրի ռեկորդային սպառման հետ կապված խնայել այն։ Այս մասին հայտնում է ՌԻԱ Նովոստին` հղում անելով ընկերության հայտարարությանը։
«Քանի որ շոգ եղանակը, ըստ կանխատեսման, տարածաշրջանում կպահպանվի առնվազն մինչև հաջորդ շաբաթվա վերջ, իսկ ջերմաստիճանը կհասնի 30 աստիճանի, խնդրում ենք հաճախորդներին խելամտորեն սպառել ջուրը։ Քանի որ մեր հաճախորդները ռեկորդային քանակությամբ ջուր են սպառում, դա լրացուցիչ ծանրաբեռնվածություն է ստեղծում ընկերության ջրամատակարարման ճյուղավորված ցանցի վրա»,- ասվում է հայտարարության մեջ։
Ընդգծվում է նաև, որ տևական երաշտի և բարձր ջերմային ֆոնի պատճառով մինչև 2050 թվականի ամռանը կարող է խմելու ջրի պակասուրդ առաջանալ։ Այդ պատճառով ընկերությունը ջուրը տնտեսելու համար մի շարք միջոցներ է առաջարկել։

«Ջրի կորուստը կանխելու համար հատուկ թիմ է աշխատում, որը շուրջօրյա փնտրում, հետևում և վերացնում է արտահոսքերը 9 000 մղոն ջրագծերի վրա։ Վերջին12 ամսվա ընթացքում մեր շրջանում արտահոսքերի հայտնաբերման և վերացման համար մոտ 20 մլն ֆունտ ստեռլինգ է ծախսվել»,- ասվում է հայտարարության մեջ։

Բացի այդ, South East Water-ը Բրիտանիայի քաղաքացիներին առաջարկել է հրաժարվել բույսերը ջրելու համար նախատեսված փողրակներից և այդ նպատակին ծառայեցնել լողավազանների ջուրը, կարճ ցնցուղ ընդունել, ինչպես նաև լվացքի և սպասք լվացող մեքենաները օգտագործել միայն ամբողջությամբ լցված լինելու դեպքում։
Գերմանական RBB հեռուստառադիոընկերությունը նույնպես հորդորել է տնտեսել ջուրը Բեռլինում և Բրանդենբուրգում շոգերի հետ կապված ջրի ռեկորդային ծախսի պատճառով։
Լրահոս
0